Эркинлик нимада? Баҳорнинг энг гўзал кунларидан бирида ота | Zebiniso Ahmedova — psixolog blogi
Эркинлик нимада?
Баҳорнинг энг гўзал кунларидан бирида ота ва бола варрак сайлига чиқишибди. Оёғининг тагига қарамасдан варрагини энг баландга учиришга ҳаракат қилиб югураётган болани отаси ёнидан, орқасидан, олдидан келиб ернинг баланд пастликларига дуч келганида тўхтатиб қолаверар экан. Отасининг бу ҳаракатлари ўсмирга хечам ёқмасдан “Ўзимни эркин қўйинг, йиқилмайман адажон!” дебди зарда билан. Ўғлининг бу гапига ота “Қарагин ҳозир сени ушлаб қолмаганимда оёғинг мана бу чоғга тушарди ва сен йиқилардинг, ёки мана бу тошга оёқ қўяман деб суринардинг-ку, нимага менга ўз отангга зарда қиласан, ўғлим, сенинг ҳавфсизлигингни ўйлаяпман-ку!” дебди хафа бўлгандек овоз билан.
-Дадажон, осмонга қаранг, баланд ва баландда қушлар учиб юришибди, улар эркин, балки адашар, лекин эркин улар дея осмонга боқибди.
-Унда сен ҳам қўлингдаги варрагингни қўйиб юборгин, шунда нима бўлишини эркинлик варракга қандай таъсир қилишини ўз кўзинг билан кўрасан, - дебди ота қатъият билан.
Ўжар йигитча ҳам қўлидаги варрак ипини қўйиб юборибди. Не кўз билан қараса-ки, варрак ерга пасая бошлабди. Ота ўғлининг ўжар кўзларига боқиб, мийиғида кулибди.
-Нима демоқчисиз? Варракнинг ақли бўлмаса эркинлик нималигини билмаса йиқилади-да!
-Тўғри, сен ҳавас қилган қушларинг ҳам ақли йўқ. Варрак шамолга эш бўлганида қўлингдаги ипга куч келиб худди сениям шу ип тортиб кетаётгандек бўлди ва сен ипни бўшатганинг сари варрак осмонларга кўтарилди. Варрак ўзидаги ип билан сенинг ақлингга бойланди ва шамолга эш бўлганлигини ипни таранглаштириб билдирди. Эркинлик аслида ақлда, қонун борлигида, ҳавфсиз кўтарилишда. Шу варрак эркин бўлиди-ю, сенга уланган ақлдан узоқлашиб йиқилди. Сен ҳам эркин бўлишинг учун оёғингнинг тагига қараб, баланд ва пастни кўриб қадамингни бос. Шу варрак баланд учсин деб ўз соғлиғингни ҳавфга қўйиб югуравермагин ўғлим. Эркинлик оёғингнинг тагидаги чоғни кўра олишингдадир. Эркинлик шу варракнинг баланд учишидан завқ олишда эмас, шу варрак баҳона ҳаётдаги баланд ва пастни таниш ва бизнинг суҳбатимизда!
Ўжар ўғил бу гапларни тинглар экан, яна болаларча савол берибди:
-Қушлар-чи? Қушларнинг эркинлиги ҳақида ҳеч нарса демайсизми?
-Машинани бугун ювганингда қушларни бирам ёмон сўзлар билан эслаганинг эсингдан чиқдими? “Осмондаям ўз хожатини чиқарадими!” деб уларгаям осмонда нима қилишни ўргатмоқчи бўлган сен эдинг-ку, ўғлим!
Осмонга чиқволиб қушдай эркин бўволиб, билганимни қиламан десанг, қуш қилган барча ишларни қил-да!
Ота ва бола мириқиб кулишди. Жиловингиз ақлингизнинг қўлида бўлса сиз эркинсиз!
Зебинисо Аҳмедова "Психологлар учун метафоралар" китобидан лавҳа
———— ————
— Барча турдаги психологик хизматлар;
— Психологдан Консультация олиш учун;
— Ваҳима, қўрқув, ёпишқоқ фикр, хавотирлар;
— Невротик депрессияларда бизга мурожаат қилинг!
Қўнғироқ қилинг!
Тел: +998909444612
Тел: +998908055580
АЛБАТТА, ДАВОЛАЙМИЗ!!!
Онлайн тестлар
——————————
Телеграм канал
Кўрсатиладиган хизматлар рўйхати
——————————
PsixoMED (Instagram)
PsixoSCHOOL (Instagram)
——————————
YouTube канал
——————————
Расмий сайт
Онлайн китоб дўкон
——————————
Алоқа учун барча контактлар
