​​Ташқи куч ва ички куч “Бу сенга куч беради, бу сенга куч бе | Zebiniso Ahmedova — psixolog blogi

​​Ташқи куч ва ички куч

“Бу сенга куч беради, бу сенга куч беради, бу сенга куч…” деган гап унинг қулоғидан кетмасди. Шу гап баҳонаи-сабаб бўлдики, дўсти билан ўша “куч берадиган” жойга отланишди. Жуда узоооқ юришди, жуда узоқ қадам ташлашди ва ниҳоят ўша гўзалликка етиб боришди. Тоғдан виқор билан шошиб тушадётган сув гўёки ҳеч нарсадан қўрқмасдан ўзини ерга отарди. Сув ўзини чилпарчин қилиб майда-майда парчаларга бўлинарди гўё. Бу парчалар томчи томчи сувга айланиб атрофга сачрарди. Ташқаридан қараган инсон ўша майда сув заррачаларига боқиб ҳаётнинг етти ранги камалакни кўрарди. Нақадар гўзал табиат, нақадар гўзал фалсафа, нақадар мухташам сир... Ўша кўзалликни ўзининг бир бўлагига айлантирган инсон ўзи ҳам ўша сувдек шаршарага айланишни, парча-парчаларга бўлиниб, сўнг ўзини йиғиштириб олишини ва яна ўша сокин дарёга айланиб “оққан дарё оқаверади” дея ҳаёт йўлини давом эттираверишини уқар. Лекин, ўша “бу сенга куч беради” деган инсон мана шу сувни идишга солиб орқасига ортиб кучни сипқориш учун орқалаб олибди. Ҳансираб, қийналиб, беллари оғриганидан ёнида завқ билан енгил қадам босаётган ўртоғига дебди:
-Хой, ўртоқ, сен ўша кучни тўлиқ топган кўринасан, қарагин енгил қадам ташлаяпсан, белинг ҳам оғримаяпти, кайфиятинг ҳам аъло. Мен сенга куч бор жойни кўрсата олдим, лекин сенчалик ўша кучни ўзимга ололмадим. Сир нимада деб ўйлайсан?
-Ўртоқ! Биродарим мени! Сен кучни мана шу “муқаддас сув”да деб ўйладинг ва уни идишларга тўлдириб кейин ҳам сенга куч бўлишини ўйлаб орқалаб олдинг. Қарабсанки, оғир сувни кўтариб белинг хориди, ўзинг эса кераксиз оғирликни ортиб олганингдан чарчадинг.
-Ҳа, айтганча, сен бу сувдан олиб олмадинг-а?
Мен шу табиатнинг роҳатидан кучга тўлдим ва кучни ичимдан топдим. Менинг ичимдан зилол булоқ завқ бўлиб қуйилиб келди. Сен эса бу кучни ташқаридан топиб, ташқарида кўтариб юрибсан. “Ички куч яхшими ёки ташқи кучми?” ўзинг бир ўйлаб кўргин-чи? Сенга куч бағишлайдиган сув ҳам тугар, яна шу сувда куч бор деб кучсизланиб юраверасанми, дўстим? Куч сенинг ичингдаги завқ деб номланвчи зилол булоқда. Унинг кўзини очиш учун мана шу сувга боққин-да, оддий бир сув бўлса-да ўзини теппадан пастга отиб тошдан-тошга сакрашга қўрқмаётганлигини тушунгин, кифоя. “Шу тушанчангнинг ўзи куч!” дебди.

Ташқи кучларга унчаям берилаверманг, ички кучингизни ривожлантиринг. У сизни ҳеч қачон ташлаб кетмайди. У сизнинг кучингиз, сиз ярата олган куч. Бу куч сизсиз! Ўзингиз кучсиз!

Зебинисо Аҳмедова

———— ————
— Барча турдаги психологик хизматлар;
— Психологдан Консультация олиш учун;
— Ваҳима, қўрқув, ёпишқоқ фикр, хавотирлар;
— Невротик депрессияларда бизга мурожаат қилинг!

Қўнғироқ қилинг!
Тел: +998908055580
Тел: +998909444612

АЛБАТТА, ДАВОЛАЙМИЗ!!!

Онлайн тестлар
——————————
Телеграм канал
Кўрсатиладиган хизматлар рўйхати
——————————
PsixoMED (Instagram)
PsixoSCHOOL (Instagram)
——————————
YouTube канал
——————————
Расмий сайт
Онлайн китоб дўкон
——————————
Алоқа учун барча контактлар