...... ДАВОМИ 5. ЯҚИНИНГИЗДА ТУРГАН ИНСОНЛАР “ОМАДСИЗ”ЛАРМИ | Zebiniso Ahmedova — psixolog blogi

...... ДАВОМИ

5. ЯҚИНИНГИЗДА ТУРГАН ИНСОНЛАР “ОМАДСИЗ”ЛАРМИ?
Яқин атрофингизга бир қаранг-чи? Сизни ўраб олган инсонлар кимлар экан? Семизлигидан ҳар куни “ТЎҒРИ ОВҚАТЛАНИШ”ни канда қилмайдиган аёлингизми? “ИМИ-ЖИМИ” даги ишлар қилиб “ҚИНҒИР ИШНИНГ ҚИЙИҒИ” чиқишидан ҳадиксираб яшаётганлар орасидамисиз. Қанақа янги иш бошласангиз “БУ ИШНИНГ НОТЎҒРИЛИГИНИ ИСБОТЛОВЧИ” “ДЎСТЛАР”ингиз жудаям кўпми? Сизнинг “СИНИШИНГИЗ” улар учун бир чиройли ҳангома бўлишидан қўрқасизми? Сиз ҳудди ўша “ДЎСТЛАРИНГИЗ” каби инсонсиз. Улар ҳам бирор янги дунёқараш топса кулгу билан қаршилайсиз... ГАПЛАРИМ ТЎҒРИМАС... ШУНДАЙМИа?

6. БОР НАРСАНИНГ ҚАДРИГА ЕТМАЙСИЗ
Бор нарсангизнинг ҳаммаси ризқ! Дўстларингиз ҳам, ёмонгинангиз хотинингиз хам, фалон жойнинг эгаси қариндошингиз хам, ошхонангизнинг кўрки ўша музхонангиз ҳам. Айтингчи? Қачон охирги марта музхонангизни суриб орқасидаги чангларни артдингиз. Бу аёлингизнинг ишими? Аёлингиз мен бу музхонани силжитишга кучим етмайди дейди-ку. Шу билан музхона хам жойида қаримоқда, сиз ҳам. Сизга берилган ризқнинг қадрига етинг-чи. Сиздан ақилли, уддабурро ва ишбилармон дўстингиз билан фикр алмашинг. Мен ялиниб бир нима сўрамайман деган қариндошингизникига бир меҳмон бўлинг. Ҳаётингизни ўзгартирмоқчимисиз – энг аввало ҳожатхонадаги камчиликларни тўғриланг.... (Ёзишга хам уялиб кетдимуууу...)

7. Сотиб оладиган харажатларингиз сизнинг маошингизни даражасидами? Агар сизнинг маошингиз паст, аммо, сизнинг ҳаридингиз мавқеи БАЛАНД лигини аниқладингизми? Демак, сиз ўзингизнинг мавқеингизни ўша қиммат телефон, инстраграммага қўйилаётган ресторандаги расмлар билан ёпмоқчисиз. Энг қиммат пиво ёки энг қиммат виски ичаётганинг бу бойлик рамзи эмас. Бойлик рамзи ўша қимматбаҳо ичимликларни ичмаслик учун ИРОДАНИНГ борлиги ҳақиқий БОЙЛИК ҳисобланади.

8. РЕЖА ҚИЛИШ ДАСТУРИНГИЗГА ВИРУС ТУШДИМИКАН
Олдинги йил Парижга бора олмадингиз, бу йил Лос – Анжелесга бора олмайсиз шекилли. Хаммасига сабаб ўша пулнинг етмаслиги, тўғрими? Агар ҳар маошингиздан 5% пулни нима бўлганида хам Бухоро саёҳати учун ният қилиб қўйганингизда албатта бора олган бўлардингиз. Аёлингиздан яширган яна бошқа чўнтак борми? Билингки, аёлингизда ҳам ўша чўнтак бор. Пул бор сарфлаймиз, пул йўқ, йиғлаш дастурини ўзгартиринг. Режалаштириш дастуридаги вирус ва спамларни йўқ қилинг.

9. СИЗ ТЕЖАМКОРЛИК ҚИЛАЁТГАН СОҲАНГИЗ НОТЎҒРИЛИГИ
Сиз аслида тежамкорлик қилаётган нарсаларингиз: туфли, рўмол, саёхат эмас. Ва иложсизликдан тежамкорлик қилмаяпсиз аслида. Сиз ҳам ҳар куни саёҳатга боришни истайсизку. Сиз МЕҲРСИЗЛИГИНГИЗ билан ҳақиқий тежамкорлик қилмоқдасиз. Аёлингиздан сўранг-чи? Сизнинг меҳрингиз ёки Айфон 13 телефонини танлаш керак бўлса, албатта меҳрингизни танлаган бўлар эди.... Меҳр беришда тежамкор бўлманг.

10. Сизнинг шу аҳволингиз сизни юз Фоиз ҚОНИҚТИРАДИ.
Сизни шу нолишларингиз, айбловларингиз, шу ахволдан ўта олишингизга бир умр чидаб бера олишингиз аслида сизни қониқтиради. Агар қониқтирмаганида бу аҳволдан чиқиш йўлларини ўйлаб кўрган бўлар эдингиз.

МЕҲР, ИРОДА, ШИЖОАТ, ЖУРЪАТ, ЗАВҚ, ШУКРОНА АСЛИДА ҲАҚИҚИЙ БОЙЛИКДИР.
_____________
Зебиисо Ахмедованинг “Рахбардек фикрла” китобидан тест

_____ ИНФО _____
Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog