БОЛА ВА МАШИНА Мен биринчи бор машина ҳайдашни ўрганиш | Zebiniso Ahmedova — psixolog blogi
БОЛА ВА МАШИНА
Мен биринчи бор машина ҳайдашни ўрганиш курсига борганимда “Машина бу хавф!” деган иборадан дарс бошланган эди. Ич-ичимдан кулганим рост. Ҳозир эса бу кулгули эмаслигини аниқ биламан. Нечта болалар отасининг тракторини юргазиб юборганлиги ҳақида эшитганмиз. Машинада бола билан юриш қоидаларига сиз амал қилинг. Шунда бола бу қоидаларга амал қилиб хавфсиз саёҳат қилишингизга имконият туғилади.
ПСИХОЛОГ ҚАБУЛИДАН ЛАВҲА
Укам уйланди. Мен ва эрим бу тўйда обдон хизмат қилиб энди “ўз уйинг ўлан тўшагинг!” деб йўлга тушдик. Ўғлим “ойи яна бир кун қолай...” деб хархаша қилди. Мен дадангдан сўраймиз дедим. Шунда менинг ўғлим беш ёш эди чамамда. Биз пешинларда уйга қайтдик ва ўғлимни иккита турмушга чиқмаган синглим олиб қолишди. Эртанси куни эрталаб газга чой қўйиш учун ошхонага чиқсам, онам боламни еталаб, кўзидаги ёшни артиб кириб келаяптилар. Югуриб пешвоз чиқдим ва “Онам, нега йиғлаяпсиз?” деб сўрадим. Бу ўғлинг бир машмашалар қилди деб гап бошладилар. Биз кетганимиздан сўнг келин ва укамга никох ўқиш учун муллани акам машинада олиб келибдилар. Шу машина очиқ қолган экан ўғлим машинанинг орқа ўриндиғига чиқиб ухлаб қолибди. Акам мулланинг юмуши тугагач, уйига олиб бориб қўйибдилар ва ўзлари ҳам хеч нарсадан бехабар машинани ўз уйларидаги гаражга қўйиб ухлашибди. Хонадон катта, уй кўплиги сабаб, кичкина синглим ўғлимни катта синглим билан ухлаётгандир деб ўйлабди. Онам эса, менинг ўғлим кичкина синглим билан бўлса керак деб ўйлашибди. Тонгда чойга йиғилишибди ва менинг ўғлим йўқлигини билиб қолиб, бақир чақир бўлиб кетибди. Келиннинг биринчи тўй оқшоми бўлгани учун янгалар ҳам бу бақириш овозларидан хижолатга тушишибди. Қўшнилар эса бу овозлардан хайратланишибди. Шунда бошқа хонадондаги келинойимизга телефон қилишибди. Улар тезда машинани олдига боришса, чарчаган бу ўғлим ухлаб ётган эмиш. Онам ич-ичидан йиғладилар. “Болам, ўғлинг ўзингга буюрсин...”, деган гапларидаги дуони энди тушунмоқдаман.
«Кичик болалардаги катта қўрқувлар» китобини харид қилинг!
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Расмий каналга
уланиш:
» @ZebinisoPsixolog
