​​Бирдан бир кун маликага ошиқ бўлган Шахзода севгилисини хурс | Zebiniso Ahmedova — psixolog blogi

​​Бирдан бир кун маликага ошиқ бўлган Шахзода севгилисини хурсанд қилиш учун совға сотиб олмоқчи бўлибди. “Нима совға қилсам экан?” дея жуда кўп ўйлапти. Йўлида учраган совғалар дўконига кириб қалбининг маликасига бир совға олишни истаётганлигини фақат унинг бир мири ҳам йўқлигини айтибди. Севги дардини яхши тушунган дўкондордан бир маслаҳат чиқибди:
— Биз сизга жудаям қимматбаҳо кўзани ўраб берсак нима дейсиз? Фақат у ҳозир синиб қолди. Сиз маликага шу совғани бераётганингизда гўё қўлингиздан тушириб юборасиз ва у очиб жуда қимматбаҳо кўза эканлигини ва унинг синиб қолганини кўради. Сиз ҳам афсусланасиз гўё, малика ҳам. Қарабсизки олам гулистон, сиз совға бергандек бўласиз, малика олгандек бўлади, биз эса сотгандек бўламиз. Лекин биз текин берамиз, сиз билиб туриб уни синдиргандек кўрсатасиз, малика эса ишонади қўяди.

Шахзода бу таклифга кўнибди. Катта қутига жойланган кўзани маликага бераётганида тўсатдан йиқилиб қўлидан кўза тушиб кетибди. Малика шу қутини қўлига олиб авайлаб очган экан ундаги синган кўзанинг учта синиғи алоҳида ўрам қилинган экан.

Кўзани синиғини ўраётганда дўкон сотувчилари учта синиқни учта ўрамга ўрашибди-да. Бу ёлғоннинг охири малика шахзодани қувиб юборибди. Шахзода дўкондордан ҳафа бўлибди. Дўкондор эса сотувчиларига жарима солибди.

Севги ҳам ҳозирги замонда учга синган ва қимматбаҳо ўрамга ўралган синиқ юракларга ўхшайди. Одамлар ўзларининг синиқ қалбларини чиройли ўрамга шохона тарзда ўраб севги деб тақдим қилишмоқда. Ташқаридан қарасангиз чиройли ўралган совғадек. Ичида эса синиқ бўлаклар алоҳида, алоҳида қилиб ўралган холда тақдим қилинган.

Зебинисо Аҳмедованинг «Севги ва Ажирим» китобдан парча

Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612

Расмий каналга
уланиш:
» @ZebinisoPsixolog