СЕВГИГА ҚАРАМЛИК НЕГА ПАЙДО БЎЛАДИ? Сизга қадрли бўлган инс | Zebiniso Ahmedova — psixolog blogi
СЕВГИГА ҚАРАМЛИК НЕГА ПАЙДО БЎЛАДИ?
Сизга қадрли бўлган инсонни йўқотиб қўйишдан қўрқиш бу ҳали ўзингизни топа олмаганлигингиздан далолат беради. Ўзингизни топа олмагансиз, аммо, сиз шу каби фазилатларга эга бўлган, сизни мафтун қилган бир қадрдонни топа олгансиз. Бу инсонга нисбатан сизда “севги олови” ёнмоқда. Уни доимо кўришни истайсиз. Унинг борлиги сизга халоват бағишлайди. Унинг борлиги сизнинг қалбингизга ёқимли... Унинг борлиги билан дунёнгиз чароғон. Ўзингиздан ҳам мухимроқ одам сизни ўзлигингизни ўғирлайди гўё. Унинг борлиги сизга айланади. Сиз ўзингиз ҳақингизда ўйламайсиз, фақат “У” хақда, фақат “У “ учун, фақат, фақат, фақат, биргина фақат...
Ўзидан кучлироқ, эъзозлашга лойиқ, ёқимли бу инсон сизнинг ҳаётингиз мазмунига айланганлиги сизга соғинчли туйғулар инъом этади.
Бу психологик жиҳатдан севги қарамлиги деб аталиб, ўзини топа олмаган инсоннинг ўзлигини топиш йўлидаги ҳиссиётлар жунбушидир. Ўзига ўзи ёққан, ўзининг кимлигини топа олган, ҳаёт мазмунини тўлдирган инсонга ҳаётда ёр керак, аммо, қарамлик керак эмас. Яъни ўзига ишонган инсон ўз ҳаётида турмуш ўртоқ топади, аммо, бу унинг меҳрга қарамлигига айланмайди. Севгига мухтож инсон бошқадан меҳр кутади, меҳрга ташналикни ожизона намоён қилади. Менга меҳр бермайди, мендек севмайди, мени ўйламайди деган туркум иборалар севгига қарамликнинг белгисидир. Бу борада иккинчи туркум иборалар: рашкимни келтирма, қизғонаманда сени, соғиниб кетавераман, қаёқларга бораверасиз деган. Бу болаликдаги меҳрсизликни тўлдириш йўлидаги яна бир уриниш гўё. Севгига қарам инсонинг ўз севгилисидан кутганлари, болаликдаги етишмаган меҳрни қай тарзда кутгани билан бир хилдир. Севган инсонидан қилинган талаблар, қачонлардир ота-онанинг бу боладан қилган талабларидир. Севган инсон ўз севгилиси учун қилаётган фидоийлиги ўз ота-онасининг меҳрини қозониш учун қилган ҳаракатлари билан ифодаланади.
Муносабатлардаги қарамликдан қандай қутилиш йўли бор экан?
Рашкли муносабатнинг асли сабаби, ўзига бўлган ишончсизликми?
Меҳрга ташналик, меҳр бера олмасликми?
Психолог билан бирга ўзингизни ва ўзлигингизни топиб оласиз.
Ўзингиз ўзингизга муаммо орттирган кундан бошлаб, сиз ўзингизни топа бошлаганингиз аниқ!
Психологдан Консультация олиш учун, Ваҳима, қўрқув, ёпишқоқ фикр, хавотир ва невротик депрессияларда бизга мурожаат қилинг!
Тел: +998908055580
Тел: +998909444612
Расмий каналга
уланиш:
» @ZebinisoPsixolog
