Замбаракнинг ўқи

2023-02-23 05:00:09 Ҳаммаёқ аномал бўп ётибди!

@zambarakning_oqi Ochish/sharhlash

2023-02-22 18:09:02 Икки суткадан ортиқ пайт давомида ёққан қор. Ҳарорат -22. Калгари, 22 февраль 2023.

@zambarakning_oqi Ochish/sharhlash

2023-02-21 19:43:18 Кичкинам Абдумалик (6 ёш) ютубда видео кўраётган пайти ухлаш ёки кетиш керак бўлса, “видеонинг номи нима, расмга олинг, эртага кўраман давомини” деб қон қиларди. Эртаси куни суратга қараб, ўша видеони топиб берардим.

Энди коттаканинг ўзлари видеолар номини бир варақ қоғозга ёзиб боряптилар (суратда). Керак бўлганда ўзлари ютубдан қидириб топиб, кўряптилар.

Китоб ўқишниям яхши кўрадилар. Ҳар куни ўзи ўқийди, деярли ёрдам сўрамайди. Бу ерда бўғинлаб эмас, балки сўзларни визуал ёдлаб ўқишади, шунисига қойил қоламан.

Математикадан кўпайтиришни ўрганяпти акаларидан. 3×5, 7×4 каби мисолларни калласида ҳисоблаб ташлаяпти. Акаларидан кам нарса билишини тан олмайди, шунинг учун уларга етиб олишга роса чиранади

Фақат шу тажанглиги ва қайсарлиги бўлмаса, тилло бола

@zambarakning_oqi Ochish/sharhlash

2023-02-21 08:46:50 Уйингизда ўтўчиргич (огнетушитель) борми? Мен уйимизда бир марта ёғ ёниб кетганидан сўнг опкеб қўйганман. Ҳар эҳтимолга қарши-да, илойим ҳеч қачон ишлатмай.

@zambarakning_oqi Ochish/sharhlash

2023-02-20 20:40:46 Ochish/sharhlash

2023-02-20 08:03:32 Бугун Тесланинг Автопилот тизимини ишлатиб кўрдим. Видеога назар солинг:
— Кўк чизиқ машина ушлаб кетаётган полосани англатади;
— Атрофдаги машиналар ҳам кўрсатиб қўйилган;
— Бу трассада максимал тезлик 100 км/соат, лекин 108гача полиция тўхтатмайди. Шунинг учун автопилотда максимал тезликни 108 қилиб қўйганман;
— Машина тезлигини олдиндаги автомобильга қараб ўзгартириб кетяпти.

Тесла автомобилларида уч босқичли Автопилот (машинани автоматик бошқариш) тизими бор:

Менда энг оддий, 1-босқич Автопилот бор. Бу тизим ёқилганида (видеода), автомобиль ўрнатилган тезлик ва полосани ушлаб кетади. Агар олдида секинроқ юрадиган машина чиқса, оралиқни ушлаб, олдиндаги машина тезлигини ушлаб кетади. Ҳайдовчи фақат рулни ушлаб кетиши керак, фавқулотда ҳолатда бошқарувни ўзига олиш учун.

Бу тизим нархи автомобиль ичига кириб кетган, қўшимча ҳақ тўланмайди.

2-босқич Автопилотда Тесла полосаларни ўзгартира олади. Агар олдингизда секин юрадиган машина чиқса, уни “обгон” қила олади. Ëки сиз “поворотник”ни ёқсангиз, ёнингизда машина бор-йўқлигини ўзи текшириб, кейин полоса алмаштиради.

Бу тизимдан фойдаланиш учун ойига 100 АҚШ доллари тўлаш керак.

3-босқич Автопилотда автомобиль ўзини-ўзи қарийб тўлиқ бошқара олади. Сиз навигаторда манзилни киритасиз, машина ўзи юради. Светофорларда тўхтайди, пиёдаларни ўтказиб юборади, йўл белгилари ва чизиқларига амал қилади.

Бу имконият ҳали тўлиқ ишга тушгани йўқ, бета режимида ишлаяпти. Бундай автопилотдан фойдаланиш учун ойига 200 АҚШ доллари тўлаш керак.

@zambarakning_oqi Ochish/sharhlash

2023-02-19 19:40:36 Ochish/sharhlash

2023-02-19 08:27:46 Комментларда тез-тез “барибир ўзбексиз-да”, “ўзбеклигингизга борибсиз-да”, “ўзбекона менталитет” деган гапларга дуч келаман.

Лекин тушунмайман, бу нима дегани? Ўзбекларнинг бошқа миллатларга нисбатан ўзгачалиги нима?

Менимча, ўзбеклар уникал халқ эмас. Уларнинг ўзига хос бир характери, бошқаларда бўлмаган хусусиятлари йўқ.

Адашаётган бўлсам айтингларчи, ўзбекларинг уникаллиги нимадан иборат?

@zambarakning_oqi Ochish/sharhlash

2023-02-18 22:31:53 Сўнгги ойда Теслада 920 км юрибман. Шунча юриш учун 231 кВт/соат қувват сарфлабман. Бу менга 14 Канада доллари (117 минг сўм)га тушибди.

Агар машина 100 километрга 10 литр ейдиган бўлганда, 92 литр бензин менга 122 Канада доллари (1 млн сўмдан сал кўпроқ)га айланарди. Яъни, электромобилга мен бензинга кетадиган пулнинг 10 фоиздан сал кўпроғини ишлатибман. Сезиларли арзон!

Қуёш панелларини ўрнатсам электр учун қарийб пул тўламайман.

~~~

Мен электрга 7 Канада центи (585 сўм) тўлайман, бу жуда арзон. Сабабини тушунтираман.

Бизда электр учун икки ҳил тариф бор: фикс ва ўзгарувчан. Ўзгарувчан тариф, ўз номи билан, талабга қараб ўзгариб туради. Ҳозир қишда бундай тариф бўйича электр энергияси 25 цент (2100 сўм)га тенг.

Мижозлар исталган пайт фикс тарифга ўтишлари мумкин. Бунда тарифга ўтилган кундаги нарх 5 йилга михланади; электр нархи ўзгарсаям, мижоз ўзгармас, аввал белгиланган нархда тўлайверади.

Бу тарифдан мижоз исталган пайт воз кечиши мумкин. Агар ўзгарувчан тарифда нарх тушиб кетса, ўшанга ўтволиш мумкин, бари онлайн амалга оширилади. Лекин электр компанияси фикс нарх шартномасини 5 йил ичида бекор қилишга ҳақи йўқ.

Мен 2021 йил кузида, нархлар жуда паст бўлганида, фикс тарифга ўтиб, арзон нархни михлаб, бетонлаб олганман.

@zambarakning_oqi Ochish/sharhlash

2023-02-18 06:23:09 Канадада матбуот ўляпти.

Яқиндагина Калгарининг энг катта нашри ҳисобланган Calgary Herald ўзининг бир пайтлар жуда олифта ва замонавий ҳисобланган биносини амаллаб сотиб юборди.

Шу мавзудаги мақола учун нашрнинг собиқ биносини суратга олиб бериш топшириғи тушди (пулга, албатта). Баҳонада кўчаларни катайса қип келдим.

@zambarakning_oqi Ochish/sharhlash