Замбаракнинг ўқи

2023-05-22 05:37:30 Ochish/sharhlash

2023-05-21 21:54:04 Ха Линг чўққиси, денгиз сатҳидан 2474 м. Шу пайтгача чиққан тоғларимнинг энг баланди.

Чўққига асли хитойлик ошпаз исми қўйилган. 1986 йили ошпаз шу чўққига 10 соатда чиқа олишига баҳслашган. Оқибатда, у 10 соатдан кам вақт ичида чўққига чиқа олган (у пайтда ҳозиргидек йўлаклар ва инфратузилма бўлмаган). Шу воқеа сабабли чўққи 1997 йили Ха Линг деб номланган.

Қолган сурат ва видеолар Инстаграмда.

@zambarakning_oqi Ochish/sharhlash

2023-05-21 06:45:49 Бугун чим ўриш мавсумини очиқ деб эълон қилдим. Гаражда турган чимўргич (газонокосилка)ни ишлатаман десам, ўт олмаяпти. 2020 йили бензин моторлисини олгандим, ишламаяпти қурғур. Бензин қуйдим, мой қуйдим, барибир бўлмади.

Интернетни кавласам, муаммо свечада, карбюраторида бўлиши мумкин экан. Ўзим тузата олмаслигимни тушуниб, сотиб олган дўконимга телефон қилдим. Улар қурилма ҳали кафолатда экани, дўконга олиб келишимни айтишди.

Бир амаллаб машинага тиқиб, Исмоил иккаламиз Canadian Tire дўконларидан бирига олиб бордик. Ўт олмаяпти, десам, компьютерини титди, кейин менежерини чақириб келди. Оқибатда тўлаган пулимни тўлиқлигича қайтариб берди.

Мен ҳали бошимни оғритади, ўзинг бузгансан, бало-баттар деса керак деб ўйлагандим. Нари борса чимўргични олиб қолиб, тузатиб берса керак дегандим. 3 йил аввал олган қурилманинг пулини ҳеч қандай саволларсиз қайтариб берди.

Худди ўша дўкондан, худди ўша фирманинг аккумуляторли чимўргичини озига пул қўшиб сотиб олдим (суратда). Бунисига гарантия 5 йил экан. Кўрамиз…

@zambarakning_oqi Ochish/sharhlash

2023-05-20 07:51:26 Бугун кўчаларни айландик, ҳарорат +29 бўлди. Калгари учун бу аномал иссиқлик; одатда бундай ҳарорат июль ойида кузатилади.

@zambarakning_oqi Ochish/sharhlash

2023-05-18 19:30:53 Альберта бош вазири прокурорларга босим қилгани ҳақида аввал ёзгандим. Бу борада провинциянинг Этика бўйича комиссари текширув ўтказибди ва бугун ўз хулосаларини эълон қилди.

Биринчидан, бош вазир Смит хоним ёки унинг ёрдамчилари прокурорларга имейл ёзиб, босим қилмаган. Бун айбловга далил топилмайди.

Иккинчидан, бош вазир бош прокурорга бир марта телефон қилиб, ўнгчи (консерватив) пастор Артур Павловскига қўйилган айбловлар ҳақида суриштирган. Этика комиссарининг ёзишича, бош вазир прокурорни ишдан олиб ташлаш имкониятига эга бўлган ягона инсон, шунинг учун унинг қўнғироғи бош прокурорга босим сифатида қаралади. Шу сабабли бош вазир Манфаатлар тўқнашуви ҳақидаги қонунни бузган деб топилди.

Комиссар бош вазирга жазо белгилашга қодир эмас. Бу маълумотлар асосида Альберта парламенти қарор қабул қилиши керак. Лекин ҳозир парламент танаффусда, чунки икки ҳафтадан сўнг янги парламент келади.

Кўрамиз, бу янгилик сайловчиларга қандай таъсир қиларкан.

P.S. Этика комиссари текшируви натижаларини мана бу ердан топишингиз мумкин.

@zambarakning_oqi Ochish/sharhlash

2023-05-16 21:31:00 Болалар мактабидан хат келди. Унга кўра, ҳаво сифатинг пасайиб кетиши сабабли қуйидаги вақтинчалик чоралар кўрилади:

— Жисмоний тарбия дарслари ичкарида ўтказилади (одатда ташқарида ўтказилади);
— Барча ойна ва эшиклар ёпиқ туради (мактабда кондиционер ва вентиляция тизими бор);
— Ўқувчилар катта танаффус ва тушлик пайтида ичкарида бўлишади (одатда ташқарига чиқишади).

@zambarakning_oqi Ochish/sharhlash

2023-05-16 20:15:04 Калгари ўрмон ёнғинлари тутуни қуршовида. Айни дамда кўчада мана шундай аҳвол. Ҳавонинг ифлосланиши максимал 10 балл даражасида. Кўчага чиқмай, уйда ўтиринглар, деяпти гидрометцентр. Эртага очилиб кетармиш яна.

@zambarakning_oqi Ochish/sharhlash

2023-05-16 19:51:38 Сарвар Каримовнинг “Ҳоким Бува” сериали. 1-серия. Ochish/sharhlash

2023-05-15 05:34:54 Ochish/sharhlash

2023-05-13 19:19:30 Ютадиганга ўхшаймиз.

Сайлов кампанияси бошланганидан бери консерваторлар қовун кетидан қовун тушириб ётишибди. Бунга демократлар ёрдам бериб туришибди — консерваторлар аввал айтган гапларини қидириб топиб, тарқатишяпти.

Масалан, ҳозирги бош вазир, консерватив партия раиси Даниэла Смит бир неча ой аввал ковидга қарши эмланганларни нацистларга тенглаштирган. Ҳолбуки, Альбертанинг 3/4 қисми эмланган, эмланиш кампаниясини айнан консерваторларнинг ўзи бошлаган.

Консерватив партиянинг бошқа бир аъзоси сайловчилар билан учрашувда “неотложка”га мурожаат қилишни пуллик тизимга ўтказишни таклиф қилган. Смит хонимнинг ўзи эса баъзи касалхоналарни хусусий компанияларга сотиб юбориши мумкинлигини таъкидлаган.

Бундан ташқари, Смит хоним Калгарида қарийб 1 миллиард долларга янги хоккей аренасини қуришни ҳам ваъда берган. Аммо бу қурилиш солиқ тўловчилар томонидан молиялаштирилиши сайловчиларга ёқмаяпти.

Шу ва бошқа сабабларга кўра Бирлашган консерватив партия обрўси тушиб, мен волонтёрлик қилаётган Янги демократлар олдинга чиқиб олишди.

Сайлов 29 майга белгиланган, аммо олдиндан овоз бериш участкалари 23 майда очилади.

Кузатамиз.

@zambarakning_oqi Ochish/sharhlash