UzAvtomotors - Бизни ким ёки нима қутқараркин? Баъзан бўлаётг | Zafarbek Solijonov
UzAvtomotors - Бизни ким ёки нима қутқараркин?
Баъзан бўлаётган ишларни кўриб ҳайрон қоламан. Имтиёзлар эвазига кун кечираётган, бир қанча вазирлик-қўмиталарнинг тадбирларини "оталиқ"қа олган UzAvtomotors "ходовой" машиналар сотиб олишга аризани тўхтатди. Эндиликда қуйи қатламнинг алоҳида "дастурхон"и бўлган иккиламчи бозордаги нархлар ҳам ошиб қолса керак. Янги маркаларни олиб кираётганлар ҳам ўзимизнинг "қоракўзлар".
Бу кундалик оддий ва енгилмас муаммоларимиздан бири холос. Бир вақтлари Европанинг аксар давлатларида очкўз зодагонлар ва анъанавий элита вакиллари тепани эгаллаб олганди. Уларнинг асосий даромадлари бепоён ерлар ва савдо имтиёзлари бўлган. Ушбу преференциялар монарх бошқаларнинг бизнес бошлашига қўйган чеклови ва уларгагина туҳфа қилинган монопол ҳуқуқлар ҳисобига эди.
Бироқ урбанизация ва саноат инқилоби уларни қутқарди. Ҳозир Европадаги айрим ҳукуматларни ишламасликка берилаётган ижтимоий нафақалар миқдори билан ишлаётган инсонларнинг маоши миқдори деярли тенг бўлиб қолаётгани ўйлантирмоқда. Тушуняпсизми, улар нимадан ташвишда эканидан? Энди ўзимизга бир боқинг. Бизни бу кетишда ким ёки нима қутқараркин?
