Хабар қилинишича, шу йил ёз фаслидан Россиянинг 'Росатом'и бо | Zafarbek Solijonov
Хабар қилинишича, шу йил ёз фаслидан Россиянинг "Росатом"и бошчилигида Тошкентга яқин Жиззах вилоятида кам қувватли АЭС қурилиши бошланаркан. Мен АЭС қурилишига мутлақо қаршиман! Шу вақтгача нормал энергетика соҳа экспертлариям бу борада қарши фикрларини берди. Шуларга бирозгина ўқиганларим юзасидан қўшимча қилсам.
Ўзи қайсидир лойиҳа керак-керакмаслиги ушбу соҳа илмий-тадқиқотига ажратилаётган суммалардаям кўринади. Дунё АЭСдан босқичма-босқич воз кечяпти. Ривожланган давлатларда қачон бу соҳага маблағ кўпроқ ажратилганининг тарихига қараш кифоя. Совуқ уруш вақти (ядро қуролларини ушлаб туриш ва янгилаб бориш учун), нефт инқирози бўлган даврлар (нефт нархи ошиши), молиявий инқироз даврларида (энергия ва хом-ашё ошиши) инвестиция киритилган, изланиш қилинган. Рус-украин урушидаям бу фаоллашувни кузатиш мумкин. Бироқ юқоридаги ўсишлар тўхтаган ва тобора камаймоқда.
Ўрнига водород тадқиқотлари ва ишланмаларини молиялаш каррасига ўсган. Масалан 2002 йилгача 57 миллион доллар олган бу соҳа 2005 йилнинг ўзида 1 миллиардга, 2022 йилга келиб эса 3.1 миллиард АҚШ долларига етган. Бошқа энергия манбаларига ажратилган суммалар тақсимоти ҳақида интернетда маълумот тўла. Лойиҳанинг хавфсизлиги, уни ҳар ерга ва ҳамма учун қуриб бўлмаслиги ҳақида гапиришимам шартмас. Яна АЭСни бошқариш қийин, ўчириш иложсиз. Бошқа муқобилларни бемалол бошқарса бўлади. Сетдаям муаммо бўлмайди, тақсимлашдаям.
Яна юқоридагиларга берилган ҳисоботларда nuclear power'га Amazon, Google, Microsoft ва бошқа гигант компаниялар пул тикканини кўрсатишлари мумкин. Булар биринчидан, r&d investment билан stock price бошқа-бошқа нарсалар эканининг фарқига бормайди. Иккинчидан, улар ўз серверларини узлуксиз ишлатиб туриш учун электростанциялар сотиб олади. Уларга серверлари ишлаб турса бўлди. Буниям фарқлаш керак. Пастдаги скрингаям қараб қўйинглар.
@Zafarbek_Solijonov
