Биласизми, нега юқоридагидек ходисалар юз бермоқда? Нега ватан | Zabihulla_Saipov®🎯

Биласизми, нега юқоридагидек ходисалар юз бермоқда? Нега ватан коррупция ботқоғида?

Менинг фикрим-да...

Чунки одамлар, аксарият одамлар юқоридаги “котта бола”га, коррупцияга қарши эмас. Аксинча, аксарият одамлар ўша қоидабузар ўрнида бўлиб қолишни, Рейнж Роверда бошқа машиналарга тупуриб кетишни, гаи тўхтатганда телефон орқали битириб кетишни орзу қилади.

Аксарият одамлар порахўрлар қаторига тушишни, улар талаётган ёғли патирнинг бир бурдасини татиб кўришни хоҳлайди.

Шундай бўлмаса, ёшлар чойхоналарида қонунни қандай бузгани-ю, амалдорлар қўлига қанча берганини мақтанармиди? “Тизим”ни алдаб, бошқаларни кийдириб кетишини кўз-кўз қилармиди? Соққачи амалдорларга тақлид қилиб, бир кунмас-бир кун улар ўрнида бўлиб қолишни орзу қилармиди?

Одамлар бу тизимни бузишга ҳаракат қилмаяпти. Улар шу тизимнинг бир қисмига айланишни хоҳлаяптилар.

Адашаётган бўлсам хурсанд бўламан.

@zambarakning_oqi