Ҳамма мусибат ҳам ёмонлик эмас. Шунингдек, ҳамма яхшилик ҳам неъмат эмас. Мусибат неъматдир, қачонки сени Аллоҳга яқинлаштирса. Неъмат мусибатдир, қачонки сени Аллоҳдан узоқлаштирса...
Юсуфнинг акалари уни ўлдирмоқчи бўлишди. Лекин у ўлмади. Бир йўла унинг изини қуритмоқчи бўлишди. Аммо унинг шаъну обрўси кўтарилиб кетди. Уни қул қилиб сотиб юборишди. Лекин у подшоҳ бўлди. Отасининг қалбидан унинг муҳаббатини буткул ўчириб юбормоқчи бўлишди. Бироқ у янада зиёда бўлди. Бандаларнинг тадбиру ҳийлаларидан хавотирга тушманг. Аллоҳнинг тадбири барчасидан устундир..
