МЕНГА ИККИНЧИ ТОИФА ШАКЛИДА УЧУН ҲАҚ ТЎЛАНИШИ КЕРАКМИ Assalom | YURIST MASLAHATI

МЕНГА ИККИНЧИ ТОИФА ШАКЛИДА УЧУН ҲАҚ ТЎЛАНИШИ КЕРАКМИ

Assalomu alekum. Men kasb-hunar maktabida psixolog lavozimida ishlayman. Magistraturani tamomlaganman. Mutaxasisligim bo'yicha buxgalteriya bo'limiga 2 toifali psixolog maoshini to'lab berishini so'rab bir necha marotaba murojat qildim. Lekin rad javobi berildi. Shtatdagi hodimlar uchun bunday imtiyozlar yo'qligini ro'kaj qilishmoqda. Shu qanchalik to'g'ri. Javobingiz uchun oldindan rahmat

ЖАВОБ:

Агар Сиз ишлаётган касб-ҳунар мактаби ўрта махсус давлат таълим муассасаси ҳисобланса, унда Вазирлар Маҳкамасининг 2019 йил 12 июлдаги 577-сон қарорига 1-ИЛОВА билан тасдиқланган "Умумий ўрта ва ўрта махсус давлат таълим муассасаларида психологик хизмат фаолиятини ташкил этиш тўғрисида" НИЗОМ билан психологларнинг фаолияти тартибга солинади.

Мазкур низомнинг иккинчи иловасида "Умумий ўрта ва ўрта махсус давлат таълим муассасасидаги психологик хизматнинг психолог кадрларини аттестациядан ўтказиш тартиби тўғрисида" НИЗОМ тасдиқланган бўлиб, унга кўра, Аттестациядан ўтганлиги тўғрисида сертификатга эга бўлмаган ишга янги қабул қилинган ёхуд олий таълим муассасаларини битириб, биринчи бор ишга кирган психолог кадрларга магистр даражасига эга бўлса, шунингдек, олий маълумот даражаси бўйича академик даражалар жорий этилгунга қадар олинган олий маълумотли психолог кадрларга — иккинчи малака тоифаси (ушбу малака тоифаси аттестация натижасига кўра ўзгариши мумкин) берилиши мумкинлиги белгиланган.

Юқоридаги асоларга кўра агар сиз юқоридаги талабларга тушсангиз сизга 2-малака тоифаси берилиши ва шунга мувофиқ ҳақ тўланиши керак.

Саволингизни: @yuristgamurojaat га қолдиринг

@yuristlar_maslahati