Бизга Маъмурий ислоҳатлар бошланиб баъзи вазирлик қўмита, аген | YURIST MASLAHATI

Бизга Маъмурий ислоҳатлар бошланиб баъзи вазирлик қўмита, агентликлар тугатилиб, баъзилари қўшилганидан сўнг бирқанча ходимлар муҳнат қонунчилиги бўйича саволлар билан мурожаат қилишмоқда бу масалада Президент ҳузуридаги Давлат хизматини ривожлантириш агентлиги директорининг биринчи ўринбосари Отабек Хасанов тушунтириш бериб ўтди. Унинг фикирларига кўра:

«Лавозими тенг жойга ва лавозимидан пастга ишга ўтаётганлар учун танлов бўлмайди»

Агар янги жойдаги тенг лавозимга давлат хизматчиси тавсия қилинаётган бўлса, бу ротация шаклида бўлади ва у танловдан ўтмайди. Шунинг учун, биз vacancy.argos.uz порталида вақтинчалик танловларни эълон қилишни 15-20 январга қадар тўхтатдик.

Тегишли ташкилотлар билан штатларни қайта кўриб чиққанимиздан сўнг, қаерда очиқ жой қолган бўлса, кейин танловларни эълон қиламиз. Одамларни икки марта овора қилмаслигимиз керак. Лавозими тенг жойга ва лавозимидан пастга ишга ўтаётганлар учун танлов бўлмайди.

Адлия вазирлиги ва Давлат хизматини ривожлантириш агентлиги 1 ой муддатда қайси вазирликда, қайси лавозимлар мажбурий бўлишини белгилаб беради. Қолганлари бўйича вазирликнинг ўзига ваколат берилмоқда.

Олдин янги вазир келса, кўпчиликни ишдан бўшатвориб, ўзининг жамоасини тузарди. Энди ундай бўлмайди. Қонунда давлат хизматчисига кафолатлар бериб қўйилган.

Ҳозирда ички танлов ва ташқи танлов эълон қиляпмиз. Танловдан ким ўтса, ўша ишга киради. Бу жараёнларнинг адолатли бўлишига эса, Давлат хизматини ривожлантириш агентлиги ва бошқа ташкилотлар жавоб беради.

Янги структуранинг бўш қолган жойларига ишга қабул қилиш очиқ танлов асосида бўлади.

Худудлардан ҳам бу масалада турли саволлар билан мурожаат қилишмоқда ҳар бир ўзгарган вазирлик кесимида меҳнат қонунчилиги асосида саволларингизга жавоб бериб борамиз.

Саволингизни: @yuristgamurojaat қолдиринг

@yuristlar_maslahati