ТОИФА УЧУН ТЎЛАНГАН ПУЛНИ ҚАЙТАРИБ ОЛИШМОҚЧИ. ШУ ТЎҒРИМИ? Ass | YURIST MASLAHATI
ТОИФА УЧУН ТЎЛАНГАН ПУЛНИ ҚАЙТАРИБ ОЛИШМОҚЧИ. ШУ ТЎҒРИМИ?
Assalomu alaykum men bu yil atestatsiyada qatnashdim oʻqituvchiman muddatda boribman oʻzi 2017 yil borgan edim va 1 toifaga otib oldim lekin hozir mendan 4 oylik ish haqini qaytarib olmoqchi sabab yanvar oyida muddatingiz tugagan siz mutaxassis boʻldingiz deb qachon toifa sertifikatim kelsa keyin 1 toifaga toʻlaydi ekan yanvar oyidan 2 toifaga adashib sizga 2 toifa boʻyicha pul to`labman deb qaytarib olmoqchi shu toʻgʻrimi?
ЖАВОБ:
Вазирлар Маҳкамасининг 2021 йил 17 сентябрдаги 572-сон қарори билан тасдиқланган "Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида"ги Низомнинг 49-бандига асосан аттестациядан ўтганлик муддати тугаган ва навбатдаги мажбурий аттестациядан озод этилмаган педагог кадрларга мутахассис (олий маълумотли ўқитувчи) лавозими бўйича ҳақ тўланади.
Низомнинг 50-бандига асосан аттестациядан ўтганлик муддати тугаб, мутахассис (олий маълумотли ўқитувчи) лавозими бўйича ҳақ тўланаётган педагог кадрлар навбатдаги мажбурий аттестацияга охирги олган малака тоифаси (лавозими) бўйича жалб қилинади.
Демак, сизга мутахассис сифатида тўланиши тўғри. Лекин ортиқча тўланган пулни қайтариб ола олмайди.
Чунки Меҳнат кодексининг 279-моддасига асосан иш берувчи томонидан ихтиёрий равишда тўланган, шу жумладан қонунни нотўғри қўлланиш оқибатида тўланган ортиқча иш ҳақи қайта ундириб олиниши мумкин эмас, ҳисоб-китобда йўл қўйилган хато оқибатидаги ортиқча тўловлар бундан мустасно.
Демак, сизга иш берувчи томонидан ихтиёрий равишда тўланган пул қайтариб олиниши мумкин эмас.
Саволингизни: @yuristgamurojaat гa қолдиринг
@yuristlar_maslahati
