БОШҚА ХУДУДГА БОРИБ ДАРС ЎТСАМ МЕНГА УСТАМА ТЎЛАНАДИМИ Men qi | YURIST MASLAHATI
БОШҚА ХУДУДГА БОРИБ ДАРС ЎТСАМ МЕНГА УСТАМА ТЎЛАНАДИМИ
Men qizil xududga borib dars o'tmoqchiman. Menda C1 sertifikati bor. Toifam 2 chi. Men qizil hududga borib 100% oylig ola olamanmi? Moliya meni atkaz qilmaydimi? Siz oliy toifali emassiz deb qaytarmaydimi. C1 ni kechroq olgandim attesstatsiyaga kirib chiqib o'z bilimim bilan 90 ball topladim.
ЖАВОБ:
Вазирлар маҳкамасининг 646-сонли "Таълим даражаси юқори бўлмаган мактабларга малакали ўқитувчи-педагогларни жалб қилиш чора-тадбирлари тўғрисида"ги қарорига асосан 2021 йил 1 мартдан бошлаб таълим даражаси юқори бўлмаган мактабларда дарс бериш учун бошқа ҳудудлардан жалб қилинган олий ва биринчи тоифага эга ўқитувчи-педагогларнинг базавий тариф ставкаларига махсус устамалар жорий қилинганлиги, бунда: бир маъмурий-ҳудудий бирликлар доирасида бошқа туман ва шаҳарлардан келиб фаолият юритаётган ўқитувчи-педагогларнинг базавий тариф ставкаларига 50 фоиз; бошқа маъмурий-ҳудудий бирликдан келиб фаолият юритаётган ўқитувчи-педагогларнинг базавий тариф ставкаларига 100 фоиз махсус устамалар тўланиши белгиланган.
Мазкур низомга асосан сизга устама берилиши учун сизнинг тоифангиз ё олий ёки биринчи тоифали бўлиши керак.
