Бугун шанба куни бўлсада, мен учун бошқача кун. Чунки, бу кун “Yurist va kadr” ўқув муассасасида меҳнатга оид ҳужжатларни расмийлаштириш мавзуси бўйича маъруза кунимдир.
Узр, маъруза куни десам, ғалатироқ эшитилар экан, тингловчиларим билан учрашув ва яхши маънодаги жанг куним. Қарама қарши томондан тинмай саволлар билан ўққа тутишади, биз эса саволларнинг ҳар бирига алоҳида-алоҳида, мисоллар билан жавоб қайтаришимиз керак. Бирорта савол жавобсиз қолса тамом. Деразадан улоқтиришади. Ҳазил.
Бу сафарги гуруҳимиз ўта талабчан ва ўта қизиқувчан бўлиб чиқди. Тортишувлар ва қизғин мунозараларга бой бўлмоқда бу курс. Орада тингловчиларимиздан бирининг муваффаққиятини (суддаги ютуғини) ҳам нишонлашга улгурдик. Энг қувноқ ва самимий гуруҳларимиздан бири бўлиб қолади бу гуруҳимиз.
@yuristkadr
