Бухородаги бугунги семинар ҳақида.
Қисқа танаффусдан кейин навбатдаги семинаримиз бугун – 2024 йил 2 апрель куни Бухоро шаҳрида бўлиб ўтди. АРГОСнинг Бухоро филиали билан ҳамкорликда ўтказган ушбу тадбиримизда 300 га яқин иштирокчилар: давлат ташкилотларининг "кадровик"лари, юристлари ва касаба уюшмалари вакиллари қатнашди.
Биз бу семинарда асосан, янги меҳнат қонунчилиги ва янги 26-сонли Пленум қароридан келиб чиқиб меҳнат шартномасини бекор қилиш, жумладан штатларни қисқартириш ва қисқартиришга тушган ходимларни ишдан бўшатиш тартиби ҳақида гаплашдик.
Семинар ҳар доимгидек, савол-жавоб ва мунозара форматида ўтказилди. Тўғриси, бугунги қизғин ва жонли тарзда ўтказилган ушбу учрашув ўзимга ҳам жуда маъқул бўлди.
Иштирокчиларнинг барчасига фаолликлари учун, шу билан бирга, АРГОСнинг Бухоро филиали ходимларига ташкилотчилик учун ташаккур айтамиз. Ҳамда уларга "навбатдаги семинарларда учрашгунча" деб қоламиз.
@yuristkadr
