Педагог ходим ўқувчиларни ҳақорат қилиши ва уларга қўл кўтариш | Юрист Хизмати | Расмий канал

Педагог ходим ўқувчиларни ҳақорат қилиши ва уларга қўл кўтариши мумкинми?

@Yurist_Xizmati 4445-савол:

Assalomu alaykum hurmatli yuristlar. Fazrandimning Tarbiya fani o’qituvchisi tanaffus vaqtida zinadan tushayotgan paytida maymun, hayvon, tarbiyasiz deb o'rtoqlari oldida haqorat qilibdi? Bu haqida sinf rahbari va maktab ma'muriyatiga xabar berilgandim. Oradan 10 kundan keyin shu o'qituvchi darsida farzandim yonidagi o'quvchi bilan bir xil muqovali daftar meniki mana  deb ochib ko'rsatayotgan vaqtida, to'satdan  o'qituvchi kitob bilan boshiga urib, qo'llaridan chimitlab farzandimning nafsoniyatiga tegadigan gaplar bilan haqorat qilib, tur chiq yo'qol sinfdan deb darsdan chiqarib yuborishi mumkinmi? Bu o'qituvchining taqirlashi natijasida farzandimning  maktabga borgisi kelmay, o'qishga bo'lgan mehri qaytib boryapti. Bunday holatda qonunan qanday yo'l tutay. Javob uchun oldindan raxmat.

ЮРИСТ ЖАВОБИ:

Педагогнинг болаларни ҳақорат қилиши ва уларга қўл кўтариши ҳеч бир мезонга, на ҳуқуқ ва аҳлоқ мезонларига мос келмайди.

Бу вазиятда ўша шахсни Меҳнат кодекси 161-моддаси иккинчи қисми бешинчи банди билан (ходимнинг ўз меҳнат мажбуриятларини бир марта қўпол равишда бузганлиги) ишдан бўшатиш мумкин.

Мактабгача ва мактаб таълими вазирининг 2023-йил 31-августдаги 282-сон буйруғига 1-иловада тасдиқланган Умумий ўрта таълим муассасасининг такомиллаштирилган намунавий одоб-ахлоқ қоидалари 13-бандига кўра ўқитувчиларга ўқувчилар билан муносабатда ўқувчиларни жазолаш мақсадида уларга нисбатан жисмоний куч ишлатиш ёки руҳий тазйиқ ўтказиш ҳолатларига йўл қўйилмайди.

Айнан шу қоидага кўра ўқувчига тазйиқ ўтказмаслик (қўл кўтариш) ўқитувчининг мажбуриятларидан бири ҳисобланади.

Эътибор берган бўлсангиз, МК 161-моддасида меҳнат интизомини бир марта қўпол равишда бузиш ҳолати келтирилган. Ушбу кодекс 162-мододасига мувофиқ ходим билан тузилган меҳнат шартномасини бекор қилишга олиб келиши мумкин бўлган меҳнат мажбуриятларининг бир марта қўпол равишда бузилишлари рўйхати:
ички меҳнат тартиби қоидалари;
ушбу Кодексда назарда тутилган ҳолларда ташкилот мулкдори ва раҳбари ўртасида тузилган меҳнат шартномаси, шунингдек ходим ва иш берувчи ўртасидаги меҳнат шартномаси;
ўзига нисбатан интизом тўғрисидаги уставлар ва низомларнинг амал қилиши татбиқ этиладиган айрим тоифадаги ходимларга нисбатан қўлланиладиган интизом тўғрисидаги уставлар ҳамда низомлар билан белгиланади.

Шунга кўра ўқувчиларга қўл кўтармаслик ва уларни ҳақорат қилмаслик мажбурияти ММТВ 282-сон буйруғида қайд этилган.

Демак, бу ҳолатда ўқитувчини ишдан бўшатиш ҳуқуқий асосга эга.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

Каналимизга уланинг
               
@Yurist_Xizmati‌‌