КРЕДИТНИ ОЛГАН ОДАМ КРЕДИТИНИ ТЎЛАМАЯПТИ. МЕН КАФИЛМАН.. САВ | Юрист блогер /расмий канал

КРЕДИТНИ ОЛГАН ОДАМ КРЕДИТИНИ ТЎЛАМАЯПТИ. МЕН КАФИЛМАН..

САВОЛ;
Мен бир танишимга кафил бўлган эдим. У олган кредитини тўламаяпти. Банкдагилар қарзни мендан талаб қилишяпти. Қандай қилиб бу ҳолатдан қутилишим мумкин ?

ЖАВОБ;
Фуқаролик кодексининг 292-моддасига асосан, кафиллик шартномаси бўйича кафил бошқа шахс (Кредит олган одам) ўз мажбуриятини тўла ёки қисман бажариши учун унинг кредитори (Кредит берган банк) олдида жавоб беришни ўз зиммасига олади.

Яъни, кредит олинаётганида ўзингиз унчалик тушунмаган бўлсангизда, кредит олган одам ўша кредитни қайтара олмаса мен тўлаш мажбуриятини ўз зиммамга оламан деган хужжатга имзо қўйиб бергансиз

Юқоридаги кодекснинг 293-моддасига асосан, қарздор кафиллик билан таъминланган мажбуриятни бажармаган ёки лозим даражада бажармаган тақдирда кафил ва қарздор кредитор олдида солидар (Биргаликда) жавоб берадилар деб кўрсатилган.

Яъни, кредит олган одам кредитни қайтармаяптими, демак кредитни қайтариш мажбурияти Сизга хам юклатилиши мумкин ва бу ноқонуний ҳолат эмас.

Энди саволингизни қандай қилиб бу ҳолатдан қутилишим мумкин деган жойига келсак. Кредит тўлиқ тўлаб бўлинмагунча бу ҳолатдан қутила олмайсиз лекин, кредит ёпилганидан кейин Сиз кредит олган одамнинг кредити учун қанча пул тўлаган бўлсангиз ўша тўлаган пулларингизни банк хисоби бўйича фоизлари билан хамда уни дастидан кўрган бошқа зарарларингизни РЕГРЕСС (Қарши) тартибда судга мурожаат қилиб ундан ундириб олишингиз мумкин. Сизни бу ҳуқуқингиз борлиги юқорида кўрсатилган кодекснинг 295-моддасида келтирилган.

@Yurist_Blogerr