ЯНГИ ҚОНУН Эндиликда пенсиянинг энг кам миқдори минимал ист | Юрист блогер /расмий канал

ЯНГИ ҚОНУН

Эндиликда пенсиянинг энг кам миқдори минимал истеъмол харажатлари миқдоридан кам бўлмайди

18.03.2024 йил кунги ЎРҚ-922-сон Қонун Президент томонидан имзоланди ва мазкур қонун билан айрим норматив хужжатларга ўзгаришлар киритилди.

Хусусан, “Фуқароларнинг давлат пенсия таъминоти тўғрисида”ги Қонунга киритилган ўзгартиришга кўра, пенсионерга ҳисобланган, лекин у томонидан олинмаган пенсия суммасини тўлаш муддати 12 ойдан 24 ойгача узайтирилди.

Шунингдек фуқароларга пенсия тайинлаш учун давлат хизматлари марказлари ёки ЯИДХП (my.gov.uz) орқали мурожаат қилиш ҳуқуқи берилди.

Бундан ташқари, Қонунда пенсиянинг энг кам миқдори энг кам истеъмол харажатлари даражаси (Ҳозирги кунда 621 000 сўм) дан кам бўлмаслигини белгилаш, пенсиялар миқдорларини йил давомида товарлар ва хизматларнинг истеъмол нархлари индекси даражасининг ўсиш суръатларини инобатга олган ҳолда ошириб бориш тартиби аниқлаштирилди.


@Yurist_Blogerr