УЙДА ГЎЗАЛЛИК САЛОНИ ОЧИШ ҚОНУНИЙМИ ? САВОЛ; Мен уйимда гўза | Юрист блогер /расмий канал

УЙДА ГЎЗАЛЛИК САЛОНИ ОЧИШ ҚОНУНИЙМИ ?

САВОЛ;
Мен уйимда гўзаллик салони очиб сартарошлик қиламан. Мен шу ишимни қандай қилиб қонунийлаштириб олсам бўлади ?

ЖАВОБ:
Сиз бу ишингизни қонунийлаштириб қўйиш учун ўзини ўзи банд қилган шахслар рўйхатига киритилишингиз керак. Президентнинг 08.06.2020 йилдаги ПҚ-4742-сон қарорига кўра, сартарошлик хизматлари кўрсатадиган шахслар хам ўзини ўзи банд қилган шахслар рўйхатига киритилиши кўрсатилган.

Сиз ўзини ўзи банд қилган шахслар рўйхатига киритилишингиз учун ўзингиз яшаб келаётган ҳудуддаги Солиқ органига мурожаат қилиб бир йилда бир марта БҲМнинг бир баравари яъни, 340 000 сўм миқдорида ижтимоий солиқ тўлаб қўйсангиз бўлди.

Ўзини ўзи банд қилганлар рўйхатига киритилганингиздан кейин Сиз уйингизда бошлаган ишингизни бемалол қонуний тартибда давом эттиришингиз мумкин бўлади хамда ўша тўлаган ижтимоий солиғингизни хисобига Сизга бир йиллик меҳнат стажи хам ёзилади. Беш йил бир йилда бир мартадан ижтимоий солиқ тўлаб борсангиз беш йил, ўн йил тўласангиз 10 йиллик меҳнат стажига эга бўласиз.

@Yurist_Blogerr