ИШЛАМАЙДИГАН АЛИМЕНТ ТЎЛОВЧИ ИККИ НАФАР БОЛА УЧУН ҚАНЧА АЛИМЕН | Юрист блогер /расмий канал
ИШЛАМАЙДИГАН АЛИМЕНТ ТЎЛОВЧИ ИККИ НАФАР БОЛА УЧУН ҚАНЧА АЛИМЕНТ ТЎЛАЙДИ.
САВОЛ; Мен турмуш ўртоғим билан ажралишганман. Икки нафар вояга етмаган фарзандим бор. Турмуш ўртоғим хечқаерда ишламайди. Шу ҳолатда у менга қанча алимент тўлаши керак.
ЖАВОБ; Оила кодексининг 140-моддасида агар алимент тўлаши шарт бўлган шахс шу даврда ишламаган бўлса ёки унинг иш ҳақи ва даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда алимент Ўзбекистон Республикасидаги ўртача ойлик иш ҳақи миқдори бўйича ҳисоблаб чиқилади деб кўрсатилган.
Юқоридаги асосга кўра, алимент тўловчини даромадини аниқлаш имкони бўлмаса яъни у хечқаерда ишламаса унга нисбатан ўртача ойлик иш ҳақи бўйича алимент хисобланади. Ўртача иш ҳақи бўйича алимент хисобланганда турмуш ўртоғингиз икки нафар бола учун 1 037 285 сўм алимент тўлаши керак.
