Ишламайдиган алимент тўловчилар тўлайдиган алимент миқдори оши | Юрист блогер /расмий канал
Ишламайдиган алимент тўловчилар тўлайдиган алимент миқдори оширилди.
Қонунчиликка кўра ишламайдиган шахсдан ўртача ойлик иш ҳақи бўйича алимент ундирилади. Ишламайдиган шахслардан болалар сонига қараб нечпул алимент ундирилишини МИБ нинг расмий сайтига кириб у ердаги калкулятор орқали хисоблаб билиш мумкин.
Жорий йилнинг сентябрь ойидан ўртача ойлик иш ҳақининг миқдори кўтарилиши муносабати билан ишсиз бўлган алимент тўловчилар тўлаётган алимент миқдори хам кўтарилган миқдорга мос равишда оширилиши керак эди бироқ, МИБ ўртача ойлик иш ҳақи қайси ойда қанча бўлганлиги тўғрисидаги маълумотни Давлат статистика қўмитасидан олиб, шунга асосан миб.уз сайтидаги алиментни хисоблаш тартибига ўзгартириш киритади. Давлат статистика қўмитаси эса хар ойдаги ўртача ойлик иш ҳақи тўғрисидаги маълумот статистикасини билиш керак бўлган ойдан кейинги ойда аниқлай олади.
Хуллас юқоридаги тартиб бўйича сентябрь ойининг ўртача ойлик иш ҳақи хисоботи октябрь ойида маълум бўлиши керак эди. МИБ эса октябрь ойида Статистика қўмитаси берган маълумот асосида ўз сайтига ўзгартириш киритиши керак эди. Нима бўлди, қандай бўлди, ким кечикди билмадиму лекин шу декабрь ойидан бошлаб МИБ расмий сайтидаги алиментни хисоблаш тартибига ўзгартириш киритилди.
Хозирги хисоб-китоб бўйича ишламайдиган алимент тўловчи;
Бир нафар вояга етмаган фарзандига ____777 964 сўм;
Икки нафар вояга етмаган фарзандига ____1 037 285 сўм;
Уч ва ундан ортиқ фарзандига ____1 555 928 сўм тўлаши керак.
Аввалги хисоблаш бўйича ишламайдиган алимент тўловчи;
1 нафар бола учун___740 100 сўм
2 нафар бола учун___986 800 сўм
3 нафар ва ундан ортиқ бола учун___1 480 200 сўм тўлаши керак бўлган.
Агар ишламайдиган алимент тўловчидан юқоридаги тартибда алимент ундирилиши унинг оилавий аҳволига салбий таъсир қилса судга қарши даъво киритиб белгиланган алимент миқдорини камайтирилишини талаб қилишга ҳақли.
Савол юбориш
@yuristdan_javob_bot
Каналга уланиш
https://t.me/Yurist_Blogerr
