КРЕДИТГА КАФИЛ БЎЛИБ ҚОЛДИМ БАЛОГА. САВОЛ; Мен бир танишимг | Юрист блогер /расмий канал

КРЕДИТГА КАФИЛ БЎЛИБ ҚОЛДИМ БАЛОГА.

САВОЛ;
Мен бир танишимга банкдан кредит олаётганида кафил бўлиб тур деб илтимос қилганида иш ҳаққимни бир йиллигини тердириб унга кафил бўлган эдим. Энди ўша танишим кредитини тўламаётган экан. Банкдагилар менга телефон қилиб асабимга тегиб юворди. Кредит олган шахс тўламаса мен уни қарзини тўлашга мажбурманми ахир кредит олган бошқа одамку ?

ЖАВОБ;
Келинг шу жойида КАФИЛЛИК ШАРТНОМАСИ ўзи нима деган саволга ойдинлик киритсак; Фуқаролик кодекси биринчи қисм 292-моддасига асосан, кафиллик шартномасига розилик бериш асосий кредит олувчи шахс олган кредитини ўз вақтида тўламаса уни ўрнига кафил бўлган шахс кредит олган шахсни кредитори (Кредит олинган банк) олдида жавоб беришни ўз зиммасига олиш дегани.

Яъни Сиз ўша танишингиз кредит олаётганида унга кафил бўлиш орқали олавер жигарим, тўлолмасанг мен кафилман, ўзим тўлайман деган шартномага имзо қўйиб бергансиз. Шунга кўра банк ҳодимлари кафиллик шартномангизда назарда тутилган тартибда хамда ушбу кодекснинг 293-моддасига асосан асосий қарздор кредит қарзини тўлай олмаган тақдирда кредит мажбуриятни Сизга ҳам қисман ёки тўлиқ миқдорда юклаш чораларини кўришга ҳақли. Давлат банкидан кредит олинганида хам, хусусий банклардан кредит олинганида хам, ишонч дўконларидан нарса олинса хам кафиллик шартномаси шу мазмунда бўлади. Шунинг учун банк ҳодими қалам билан белгилаб берган жойга имзо қўйишдан олдин шартнома билан бир танишиб чиқиш керак.

Савол туғилади. Хоп бўлар иш бўлипти энди нима бўлади ?
Юқоридаги кодекснинг 295-моддасига кўра, кафил кредиторга тўланган суммага фоизлар тўлашни ва қарздор учун жавобгарлик муносабати билан кўрган бошқа зарарини тўлашни қарздордан талаб қилишга ҳақли эканлиги келтирилган. Яъни, Сиз ўша танишингизни қарзидан бутунлай қутилиши учун хар иккингиз бир сўм бир сўм қилиб қарзни ёпганингиздан кейин Сиз уни кредити учун қанча пул тўлаган бўлсангиз судга даъво қилиб ўша тўлаган пулларингизни қайтариб олишингиз мумкин.

Савол юбориш
@yuristdan_javob_bot

Каналга уланиш
https://t.me/Yurist_Blogerr