ОЛИНГАН КРЕДИТНИ МУДДАТИДАН ОЛДИН ТЎЛАСА НИМА БЎЛАДИ ? САВОЛ | Юрист блогер /расмий канал

ОЛИНГАН КРЕДИТНИ МУДДАТИДАН ОЛДИН ТЎЛАСА НИМА БЎЛАДИ ?

САВОЛ;
Мен банкдан истеъмол кредити олганман. Тўлов графиги бўйича мен кредитни 2023 йилнинг июль ойида тўлаб бўлишим керак. Мени саволим, агар мен 2023 йилнинг июль ойини кутиб ўтирмасдан хозир қолган қарздорлигимни хаммасини тўлаб юборсам июль ойигача бўлган давр учун хам фоизларни қўшиб тўлашим керакми ёки муддатидан олдин тўлов қилинса қолган ойларга фоиз хисобланмайдими ?

ЖАВОБ;
06.05.2006 йилдаги ЎРҚ-33-сон "Истеъмол кредити тўғрисида"ги қонунининг 16-моддасига асосан, истеъмолчи олинган истеъмол кредити суммасини қайтаришни ва мазкур кредит бўйича ҳисобланган фоизларни тўлашни муддатидан илгари амалга оширишга ҳақли. Бундай ҳолда истеъмолчи фақат истеъмол кредитидан ҳақиқатда фойдаланилган муддат учун фоизлар тўлайди деб кўрсатилган.

Яъни, агар Сиз истеъмол кредитини 3 йилга олган бўлсангизу лекин кредитни 3 йил эмас бир йилда хаммасини тўлаб юборсангиз қолган икки йил учун Сизга фоиз хисобланмайди. Кредит учун фоизлар фақат Сиз ундан фойдаланган вақтингиз учун хисобланади холос.

Масалан 3 йиллик шартнома билан 100 сўм кредит олгансиз дейлик, Сиз уни 3 йилда фоизлари билан 130 қилиб қайтаришингиз керак лекин, Сиз қарзни уч йилда эмас бир йилда тўлаб юборсангиз 100 сўмни 130 сўм қилиб эмас 110 сўм тўлаб хаммасини ёпиб юборишингиз мумкин.

Савол юбориш
@yuristdan_javob_bot

Каналга уланиш
https://t.me/Yurist_Blogerr