Yurist Asadbek Baratov

2022-09-01 11:03:39 #huquq_vaqti #useful


Elektron ishonchnomani rasmiylashtirish narxi ma'lum qilindi

— 1 sentabrdan boshlab avtotransportni boshqarish uchun ishonchnomalarni my.gov.uz orqali ham, masofadan ham qulay narxda rasmiylashtirish mumkin.

Haydovchilar ishonchnoma olish uchun notarial idora izlab yurmaydi, hujjatni tasdiqlatish uchun navbatlarda ham turmaydi. Barcha jarayonlar onlayn amalga oshiriladi.

Hujjat unutib qoldirilganida ham muammo yuzaga kelmaydi. Ishonchnomalar YPX xodimlari tomonidan elektron tekshiriladi.

Elektron ishonchnoma uchun alohida to'lov tartibi (davlat boji – BHM 3 baravari – 900 ming so'm) belgilangan.

Bunda davlat boji:

1 oygacha bo'lgan muddatga – 10 foiz (90 ming so'm);

6 oygacha bo'lgan muddatga – 50 foiz (450 ming so'm);

3 yilgacha bo'lgan muddatga – 100 foiz (900 ming so'm) miqdorida undiriladi.

Bundan oldin 1 sentabrdan fuqarolar va yo'lovchi tashish lisenziyasiga ega yuridik shaxslar o'rtasidagi transport ijarasi shartnomalarini notarial tasdiqlash talab qilinmasligi xabar berilgandi.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash

2022-09-01 07:53:43 #eslab_qoling

​​ BAYRAM KUNLARI XODIMLARNI ISHLATISH TAQIQLANADI

Xodimlarni bayram (ishlanmaydigan) kunlari ish beruvchining farmoyishi bo'yicha ishga jalb etishga faqatgina jamoa shartnomasida, agar u tuzilmagan bo'lsa, – ish beruvchi tomonidan kasaba uyushmasi qo'mitasi yoki xodimlarning boshqa vakillik organi bilan kelishib belgilangan asoslar bo'yicha yo'l qo'yiladi.

Ishlab chiqarish-texnika sharoitlari va boshqa sharoitlarga ko'ra ishni to'xtatib turish mumkin bo'lmagan joylarda, aholiga xizmat ko'rsatish zarurati bo'lgan ishlarda, shuningdek, kechiktirib bo'lmaydigan ta'mirlash va yuk ortish-tushirish ishlarida bayram (ishlanmaydigan) kunlari ishlashga yo'l qo'yiladi.

#eslatma
Dam olish kunlari va bayram kunlaridagi ishlar uchun kamida ikki hissa miqdorida haq to'lanadi.

Bayram (ishlanmaydigan) kunlari arafasida kundalik ish (smena) muddati barcha xodimlar uchun kamida 1 soatga qisqartiriladi.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash

2022-09-01 07:35:35 #mustaqillik

«O'zarxiv» Oliy kengashning davlat mustaqilligini e'lon qilish to'g'risidagi qarori asl nusxasini ko'rsatdi

1991 yil 31 avgustda Oliy kengashning Toshkent shahrida bo'lib o'tgan navbatdan tashqari sessiyasida «O'zbekiston Respublikasi davlat mustaqilligini e'lon qilish to'g'risida»gi qaror qabul qilindi.

Kanalga aʼzo boʻling:@Yurist_Baratov Ochish/sharhlash

2022-08-31 20:30:39 #Prezident #Mustaqillik

"Fursatdan foydalanib, islohotlarimizni faol qo'llab-quvvatlab, ularni amalga oshirishda doimo fidoiylik ko'rsatib kelayotgan mehnatkash, olijanob va bag'rikeng xalqimizga chin dildan ta'zim qilaman.

Siz, aziz yurtdoshlarimni O'zbekiston mustaqilligining o'ttiz bir yillik bayrami bilan yana bir bor qutlab, barchangizga sihat-salomatlik, oilalaringizga baxtu saodat, fayzu baraka tilayman.

Ezgu orzu-niyatlarimiz amalga oshsin!

Yaratganning o'zi barchamizni panohida asrasin!

Yurtimiz tinch, xalqimiz omon, Mustaqilligimiz abadiy bo'lsin!”, dedi davlatimiz rahbari so'zining yakunida.

Kanalga aʼzo boʻling:@Yurist_Baratov Ochish/sharhlash

2022-08-31 06:17:10 #eslatma

Mustaqillik bayramida necha kun dam olamiz

2022 yilda qo'shimcha dam olish kunlari belgilangan Prezident farmoniga muvofiq, Mustaqillik bayrami arafasida 4 kun dam olinadi.

Bular:

1 sentabr (payshanba) – Mustaqillik bayrami kuni;
2 sentabr (juma) – qo'shimcha dam olish kuni;
3 sentabr (shanba) – 6 kunlik ish haftasidagi xodimlar uchun qo'shimcha dam olish kuni;
4 sentabr (yakshanba) – umumiy dam olish kuni.

Kanalga aʼzo boʻling:@Yurist_Baratov Ochish/sharhlash

2022-08-30 18:36:11 #tadbirkorlik #diqqat

Hujjatlarga muhr bosishni talab qilish taqiqlanadi

#eslab_qoling

Davlat organlariga, shu jumladan huquqni muhofaza qiluvchi organlarga va boshqa tashkilotlarga, shuningdek ularning mansabdor shaxslariga tadbirkorlik subyektlaridan (fermerlardan) hujjatlarga muhr bosishni talab qilish yoki hujjatlarni muhr bilan tasdiqlash to'g'risida talab qo'yish taqiqlanadi.

Shuningdek, tadbirkor va fermerlarga majburan ariza yozdirish ham mumkin emas.

Hurmatli fermer va tadbirkorlar bu borada jur'atliroq bo'ling. Bunga rioya etmaganlar ustidan prokurorga shikoyat qiling. Zero qonuniylikni ta'minlash prokurorning majburiyati hisoblanadi.

deputat_kusherbayev

Kanalga aʼzo boʻling:@Yurist_Baratov Ochish/sharhlash

2022-08-30 12:03:45 #useful #huquq_vaqti

Umumiy ovqatlanish korxonalari uchun yangi sanitariya-gigiena talablari hisobga olindi

nimalar o'zgarmoqda?

Umumiy ovqatlanish korxonalariga qo'yiladigan sanitariya-gigiena talablari (0027-22-son SanQvaN) Adliya vazirligi tomonidan hisobga olindi (104-son, 19.08.2022 y.)

Ushbu yangi talablar bilan tadbirkorlar faoliyatiga to'sqinlik qiluvchi ayrim talablar (suv ta'minoti bo'lmaganda korxona faoliyatini to'xtatishi, ovqat tayyorlashda ko'mir va o'tindan foydalanishni taqiqlash) bekor qilindi.

Hujjat bilan quyidagi sanitariya-gigiena talablari belgilandi:

umumiy ovqatlanish korxonalarida ichimlik suvi bilan ta'minlash markazlashtirilgan suv ta'minoti tizimiga ulanish yo'li bilan amalga oshirilishi;

markazlashtirilgan suv ta'minoti bo'lmaganda, ichki suv ta'minoti artezian qudug'idan, boshqa quduqlardan yoki kaptajlardan foydalanish;

chiqindi maydonchasini belgilangan masofada joylashtirish imkoni bo'lmaganda, chiqindilar korxonalarning sovitish tizimi, yuvish va dezinfeksiyalash imkoni bo'lgan alohida xonasida saqlanishiga yo'l qo'yilishi.

Shuningdek, umumiy ovqatlanish korxonalarida quyidagilarni amalga oshirishga ruxsat etilmaydi:

texnologik jarayon talablariga rioya qilishni ta'minlash imkoniyati mavjud bo'lmaganda mahsulot tayyorlash;

yaroqlilik muddati o'tgan, sifatsiz yoki sifati bo'yicha shubhali, buzilish belgilari bo'lgan mahsulotlardan foydalanish;

germetik idishlarda sabzavotli, go'shtli, baliqli, qo'ziqorinli konservalar tayyorlash;

quritilgan va dudlangan baliq tayyorlash va quritilgan qo'ziqorinlar tayyorlash.

Shu bilan birga, ishlab chiqarish jarayonida bevosita ishtirok etuvchi xodimlar tomonidan ish boshlashdan oldin quyidagilar amalga oshirilishi shart:

zargarlik buyumlari, soatlar yechilishi;
sochlar ro'mol yoki qalpoq ostiga yig'ilishi;
toza sanitariya kiyimlari kiyilishi;
qo'llar iliq suvda sovun bilan yuvilishi va dezinfeksiyalovchi vositalar bilan ishlov berilishi, tirnoqlar olingan va lak surilmagan bo'lishi kerak.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash

2022-08-30 10:46:02 #useful #huquq_vaqti

Da'vo muddati joriy qilinmaydigan holatlarni bilasizmi

Da'vo muddati — shaxs o'zining buzilgan huquqini da'vo qo'zg'atish yo'li bilan himoya qilishi mumkin bo'lgan muddatdir.

Umumiy da'vo muddati 3 yil hisoblanadi.

Shuningdek, ayrim turdagi talablar uchun qonunchilikda umumiy da'vo muddatiga qaraganda qisqartirilgan yoki uzaytirilgan maxsus da'vo muddatlari belgilanishi mumkin.

Da'vo muddati quyidagilarga joriy qilinmaydi (163-modda):

shaxsiy nomulkiy huquqlarni va boshqa nomoddiy boyliklarni himoya qilish haqidagi talablarga;

omonatchilarning o'z omonatlarini berish to'g'risida bankka qo'yadigan talablariga;

fuqaroning hayotiga yoki sog'lig'iga yetkazilgan zararni to'lash haqidagi talablarga;

jinoyat tufayli yetkazilgan zararni to'lash haqidagi talablarga;

mulkdorning yoki boshqa egalik qiluvchining o'z huquqini har qanday buzishlarni, garchi bu buzishlar egalik qilishdan mahrum etish bilan bog'liq bo'lmasa ham bartaraf etish haqidagi talablariga;

mamlakat mustaqilligi e'lon qilinishidan oldin uning chegaralaridan tashqariga olib chiqib ketilgan tarixiy, madaniy va ilmiy-badiiy qiymatga ega bo'lgan mol-mulkni hamda boshqa qimmatbaho obyektlarni qaytarib berish haqidagi talablarga;

qonunda belgilangan hollarda boshqa talablarga.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash

2022-08-29 16:45:17 #useful #huquq_vaqti #eslatma

Yengil avtomototransport vositalarini majburiy texnik ko'rikdan o'tkazishning muddatlari

Qonunchilikka ko'ra:

Jismoniy shaxslarga tegishli ishlab chiqarilganiga 10 yilgacha bo'lgan yengil avtomototransportlar texnik ko'rikdan ixtiyoriy ravishda o'tkaziladi;

️yengil avtomototransportlar quyidagi muddatlarda majburiy texnik ko'rikdan o'tkaziladi:

ishlab chiqarilganiga 11 yildan 14 yilgacha bo'lgan yengil avtomototransportlar – 2 yilda bir marta;

ishlab chiqarilganiga 15 yil va undan ortiq bo'lgan yengil avtomototransportlar – 1 yilda bir marta.

#eslab_qoling
Bunda mazkur muddatlar tijorat asosida yo'lovchilar tashish faoliyatida foydalaniladigan yengil avtomototransportlar uchun tatbiq etilmaydi.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash

2022-08-29 15:33:09 #useful #imtiyoz

Qoraqalpogʻistonlik yoshlar uchun Oʻzbekistondagi barcha OTMlarda alohida 6,5 mingta qabul kvotalari joriy etiladi

Bu haqida Shavkat Mirziyoyev ishtirokida boʻlib oʻtayotgan Joʻqorgi Kengesning navbatdan tashqari 34-sessiyasida maʼlum qilindi.

Aytilishicha davlat rahbari nomzodning Qoraqalpogʻistonda taʼlimni rivojlantirish va yoshlarni qoʻllab-quvvatlash boʻyicha takliflaridan kelib chiqib, mutasaddilarga bir qator topshiriqlar berdi.

Unga koʻra:

Qoraqalpogʻistondagi yosh tadbirkorlarga 7 yilgacha muddatga imtiyozli shartlarda ssudalar ajratishni yoʻlga qoʻyish;

boʻsh turgan davlat obʼyektlarida yoshlar va xotin-qizlarni xorijiy tillar va IT sohasiga oʻqitish kurslarini tashkil etish imkoniyatini yaratish, ushbu obʼyektlarni tadbirkorlarga 5 yilgacha bepul foydalanishga berish;

Qoʻngʻirot, Nukus va Chimboy tumanlarida 4 ta "Ishga marhamat" mono-markazlarini tashkil etish.

Shuningdek, Qoraqalpogʻistondagi ehtiyojdan kelib chiqib, ekologiya, qishloq xoʻjaligi, irrigatsiya, qurilish sohalarida tayanch doktoranturada qoʻshimcha kadrlar tayyorlashni yoʻlga qoʻyish ham topshirildi.

@Konsultatsiya1_YuristKadr

Kanalga aʼzo boʻling:@Yurist_Baratov Ochish/sharhlash