2022-07-04 05:45:29
Abituriyentlarni aldamaylik.
Bilamizki Adliya Vazirligi Yuridik texnikumlarida har yili qabul jarayonlari 1-20-avgust oralig'ida bo'lib o'tadi.
Har yili Avgust oyigacha esa barcha hududiy Yuridik texnikumlarda abituriyentlarni ta'lim muassasasiga jalb qilish ishlari amalga oshiriladi. (Ular tilida aytganda «targ'ibot jarayonlari»).
Tabiiyki hozirgi kunda ham Yuridik texnikumlarda Targ'ibot jarayonlari ketmoqda. Va bu texnikum uchun zaruriy holat.
Ammo bu yilgi targ'ibotlarda ham ba'zi Yuridik texnikumlar bir jihatga e'tibor qaratishmayabdi. Tog'rirog'i notog'ri ma'lumotlar tarqatishmoqda.
Bilamizki Yuridik texnikumlarning shu kungacha amalda bo'lgan bir qator imtiyozlar bor edi.
Ya'ni juda ko'pchilikning e'tiborini tortadigan imtiyoz: «Yuridik texnikum bitiruvchilari o'z mutaxassisliklariga mos «Yurisprudensiya» oliy ta'lim muassasasiga 2-bosqichdan qabul qilinadi» tarzidagi imtiyozni nazarda tutmoqdamiz.
Bu imtiyoz kelasi yildan barcha soha texnikumlarida bekor qilinmoqda. Bu haqida bevosita Prezidentimizning o'zlari aytib o'tdi:
https://t.me/yuridik_talim/2521
Ammo Yuridik texnikumlar targ'ibotlarda shu imtiyozlardan foydalanmoqda. O'tgan yillarda foydalanilgan va bugungi kunda haqiqatga tog'ri kelmaydigan e'lonlarini ijtimoiy tarmoqlarga joylashmoqda, o'quvchilarga tarqatishmoqda yoki ba'zi idora, muassasalarda ilib qo'yishmoqda.
Bu hol keyinchalik abituriyentlar va texnikum o'rtasida tushunmovchiliklar keltirib chiqishi tabiiy.
Har bir abituriyent o'zi tanlayotgan ta'lim muassasasi tog'risida aniq va rost ma'lumot olishi kerak. Va bu ma'lumotlar bevosita ta'lim muassasasi tomonidan taqdim etilishi lozim.
Albatta Yuridik texnikumlardan shu jihatga alohida e'tibor berishlarini hamda imtiyozlar masalasida ma'lumotlarni yangilashlarini (o'tgan yillarda foydalangan targ'ibot varaqalaridan voz kechishlarini) so'rab qolgan bo'lar edik.
Manba: «Yuridik ta'lim».
𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
@YURIDIK_KANAL
@YURIDIK_TALIM
1.4K views02:45
Y
