Yoshlar test

2022-08-31 15:08:15 #Repost #Uzbekistan #UZB31

Biz uchun eng qora kunlar — o’zbek ziyolilarining ommaviy qatagʻon qilinganligi, millatimizning ildiziga urilgan eng ogʻir zarba edi. Biz eng zabardast, xalqparvar va ma’rifatchi olimlarimizni aynan oʻtgan asrning 20-40-yillarida yoʻqotdik, ya’ni ularni yoʻqotishdi, yo qamoqqa olishdi, yo surgun qilishdi yoki shunchaki “xalq dushmani” degan tuhmat bilan otib tashlashdi.

Ota-bobolarimiz boshidan qanday ogʻir sinovlar oʻtganiga tarix guvoh. Ammo tariximizni turli davrlarda istagancha oʻzgartirdilar, xalqparvar bobolarimizning aziz nomini, butun xalqimizni yomonotliq qildilar.

Shukurki, bugun Vatanimiz ozod, ma’rifatparvar ota-bobolarimizning nomlari tiklandi. Endi yoshlarimiz bilan jadid bobolarimizni qanday maqsad bilan yashaganlarini oʻrganishimiz, chuqur tahlil qilib, ular mustaqillikka erishish yoʻlida jonlarini fido qilganlarining qadriga yetishimiz kerak.

Shu maqsadda jamoamiz va olim tarixchilar bilan “Jadidlar” toʻplamini nashrdan chiqardik. Kecha shu kitoblarning 12 ming nusxasini maktablar, oliy ta’lim muassasalari va kutubxonalarga joʻnatdik. Kitobxonlarimizga maroqli mutolaa tilaymiz.

@alisher_sadullaev Ochish/sharhlash

2022-08-31 06:42:23 Bu jamoaning gʻalabasi butun Oʻzbekistonni yana bir bor birlashtirdi.

Bu munosib gʻalaba va ragʻbat natijasi boʻlsa kerak. Shaxmatchilar butun dunyoga kim ekanligimizni isbotlashdi. Xalqimiz ularni munosib kutib oldi, ragʻbatlantirdi. Bugun chempionlarimiz Prezidentimiz qo’llaridan “Oʻzbekiston iftixori” va “Kelajak bunyodkori” mukofotlarini olishdi.

Bu gʻalaba ularning ota-onalari qilgan tinimsiz mehnat, e’tibor va parvarish natijasi, deb bilaman.

Albatta, bunday g’alabalarda Shaxmat federatsiyasining oʻrni ham salmoqli, Husan aka Turdialiyev, Sunatullo Bozorboyev va boshqa jonkuyar xodimlarning mehnati ham tahsinga sazovor. Barchamizga yana bir bor gʻalabalar muborak boʻlsin!

@alisher_sadullaev Ochish/sharhlash

2022-08-30 18:34:04 Mamlakatimiz mustaqilligining 31 yilligi arafasida 44-Butunjahon shaxmat olimpiadasida gʻolib boʻlgan chempion yigitlarimizga “O‘zbekiston iftixori” faxriy unvoni, olimpiadada munosib ishtirok etgan qizlarimizga “Kelajak bunyodkori” medali hamda terma jamoamiz murabbiylariga “O‘zbekiston Respublikasida xizmat ko‘rsatgan sport ustozi” faxriy unvonini shaxsan Prezidentimizning oʻzlari topshirdilar.

@alisher_sadullaev Ochish/sharhlash

2022-08-30 13:27:18 Shaxmat olimpiadasi g‘oliblari davlat mukofotlarini shaxsan Prezidentimizdan qabul qilib olishdi. Jahongir Vakhidov, “O‘zbekiston iftixori” mukofoti bilan tabriklayman! Vakhidov Tahir aka, shunday farzand tarbiya qilganingiz uchun siz va turmush o‘rtog‘ingizga ham alohida minnatdorchilik bildiramiz

Credits Madina Nurman

@alisher_sadullaev Ochish/sharhlash

2022-08-29 18:27:16 Sulton Jaloliddin Manguberdi yodgorlik majmuasi xalq uchun, yoshlar uchun mardlik, jasorat va vatanparvarlik timsolidir. Yodgorlik Xorazm ko’rkiga ko’rk qo’shib, tashrif buyuruvchilar uchun ko’rish shart bo’lgan manzillardan biriga aylanishi shubhasiz.

@alisher_sadullaev Ochish/sharhlash

2022-08-29 11:12:01 Prezident Shavkat Mirziyoyev: “Jaloliddin Manguberdi el-yurt istiqloli uchun kurashgan, bunga o‘z hayotini bag‘ishlagan ajdodlarimizning buyuk namoyandasidir. Ona yurtga muhabbat va sadoqat, or-nomus va shon-sharaf bobida unga teng keladigan ulug‘ shaxslar dunyoda kamdan-kam uchraydi”.

@alisher_sadullaev Ochish/sharhlash

2022-08-28 18:58:13 Futbol va mini-futbol bo’yicha Davlat Xavfsizlik Xizmati kubogi eng chekka hududlardan minglab yosh iqtidorlarni kashf qildi. Yakunda Chempion Bo’ka tumaning “Do’stlik”, mini futbol bo’yicha Baliqchi tumanining “Ko’l” jamoalari bo’lishdi. G’alabalar muborak bo’lsin!

P.S. Davlat Xavsizlik Xizmati, Futbol Assotsatsiyasiga yuqori saviyadagi va eng muhimi adolatli tashkil etilgan turnir uchun yoshlar nomidan alohida tashakkur bildiraman. Stadion to’lib toshgani ham buning isboti bo’lsa kerak, sharhlovchimiz @Davron_Fayziev akaga ham katta rahmat, finalga alohida kayfiyat bag’ishladilar.

@alisher_sadullaev Ochish/sharhlash

2022-08-27 20:39:33 Ватанни севиш керак

Тадбиркор:
- Ҳурматли Президент ҳаёт формулангиз сири нимада, бунча энергияни қаердан оласиз?

Президент:
- Бунда сир йўқ. Ватанни севиш керак!

@sherzod_shsharipov Ochish/sharhlash

2022-08-26 19:29:02 Abu-Dabi shahrida o‘tkazilgan “28th Abu Dabi International Chess Festival” xalqaro festivalida 10 yoshli shaxmatchi ukamiz Abdumajid Botiraliyev oʻzining yosh toifasida 1-oʻrinni qoʻlga kiritdi!

Abdumajidning ota-onasiga, ustozlariga jamoamiz nomidan o‘z minnatdorchiligimizni bildiramiz. Barakalla, Abdumajid!

@alisher_sadullaev Ochish/sharhlash

2022-08-26 18:34:57 Abu-Dabi shahrida o‘tkazilgan “28th Abu Dabi International Chess Festival” xalqaro festivalida xalqaro grossmeyster Nilufar Yakubboyeva 31 ta davlatdan kelgan 148 nafar shaxmatchi-qizlar o‘rtasida 1-o‘rinni qo‘lga kiritdi.

Nilufar Yakubboyevani jamoamiz nomidan tabriklaymiz!

P.S. Ayol-qizlarimizni ezozlasak, munosib qo’llab-quvvatlasak, ular dunyoni zabt etish salohiyatiga egalar.

@alisher_sadullaev Ochish/sharhlash