Yashnobod AKM "Zukko" kitobxon klubi

2023-04-14 17:57:08 #ONLAYN_TANLOV

Oliy ta‘lim, fan va innovatsiyalar vazirligi huzuridagi Talaba va o‘quvchilarning maʼnaviy yuksalishiga ko‘maklashish markazi talaba-yoshlarda huquqiy ong va huquqiy madaniyatni shakllantirish maqsadida yangi tahrirdagi Konstitutsiya to‘g‘risidagi qonun loyihasi bo‘yicha “Konstitutsiya meniki, seniki, bizniki! Konstitutsiya o‘zimizniki!” shiori ostida onlayn tanlovini eʼlon qiladi.

Onlayn tanlov 2 ta bosqichda o‘tkaziladi. Har bir bosqichda 10 ta testdan iborat.

O‘zbekiston Respublikasi Konstitutsiyasiga oid test topshiriqlarini yechishingiz lozim bo‘ladi.

15-aprel kuni soat 19:00da @manaviyateduuz Telegram kanalida 1-bosqichi o‘tkaziladi.

Oliy ta‘lim, fan va innovatsiyalar vazirligi huzuridagi Talaba va o‘quvchilarning maʼnaviy yuksalishiga ko‘maklashish markazi tomonidan diplom va badiiy kitoblar jamlanmasi bilan taqdirlanadi

Faol bo‘ling, bilimingizni sinab ko‘ring! Ochish/sharhlash

2023-04-14 17:47:11 #befarqemasman
Guli Rahmonova, huquqshunos:
— Uch farzandning onasi sifatida ayta olamanki, mening va farzandlarimning kelajagi uchun Konstitusiyamizga bir qator o'zgartirishlar kiritilishi bu ayni muddaodir. Aziz onajonlarimiz, opa-singillarimiz, sizlarni 30 aprelda bo'lib o'tadigan referendumda faol qatnashishga chaqiraman.
@menbefarqemasman Ochish/sharhlash

2023-04-14 17:47:11 #befarqemasman
Shohrux Vaqqosov, Prezident ta'lim muassasalari agentligi tizimidagi Do'stlik ixtisoslashtirilgan maktabi direktori:
— Konstitusiya, qachonki xalq tomonidan ishlab chiqilsa, uning xohish va irodasini ifoda etadi. Referendum esa xalqimizga Konstitusiyani ishlab chiqishdagi ishtirokini ta'minlaydi. Shunday ekan, men oila a'zolarim va jamoamiz bilan referendumda ishtirok etamiz va barchangizni faol qatnashishga chorlaymiz!
@menbefarqemasman Ochish/sharhlash

2023-04-14 13:44:50 Ochish/sharhlash

2023-04-14 08:44:20 Talabalarga ikkinchi kursdan boshlab ishlashga ruxsat berish rejalashtirilmoqda

Vazirlar Mahkamasining “Oliy ta’lim muassasalari talabalarini mutaxassisligi bo‘yicha ishlashiga imkoniyat yaratish chora-tadbirlari to‘g‘risida”gi qarori loyihasi muhokamalar portaliga joylashtirildi.

Unga ko‘ra mazkur qaror qabul qilinsa:

oliy ta’lim muassasalari talabalarini ikkinchi kursdan, oliy ta’lim muassasasi rahbari tomonidan berilgan sertifikat asosida mutaxassisligi bo‘yicha o‘qishdan bo‘sh vaqtida ishlashiga ruxsat etiladi;

haq to‘lanadigan ishlab chiqarish amaliyoti va haq to‘lanadigan stajirovka o‘tayotgan talabalarni ishga qabul qilishda sertifikat talab qilinmaydi;

talabalarni sertifikat asosida mutaxassisligi bo‘yicha ishlashiga faqat oliy ta’lim muassasasida o‘qiyotgan davrida ruxsat etiladi.

Shuningdek, Oliy ta’lim, fan va innovatsiyalar vazirligiga ikki oy muddatda ishlash huquqini beruvchi sertifikat berish tartibini ishlab chiqish va tasdiqlash vazifalari yuklanadi:

sertifikat beriladigan ta’lim yo‘nalishlari ro‘yxati;
sertifikatni ta’lim yo‘nalishlari bo‘yicha qaysi kursdan boshlab berilishi;
sertifikatni berishda inobatga olinadigan holatlar. Ochish/sharhlash

2023-04-14 08:42:47 Jizzax viloyati Paxtakor tumani Maktab va maktabgacha ta'lim bo'limi tasarrufidagi 16-sonli Davlat maktabgacha ta'lim tashkiloti tarbiyachisi Azimova Surayyo


Men konsititutsiyaga kiritilgan o'zgartirishlarga befarq emasman
Sababi bunda ilm-fan, ta'lim, ijtimoiy himoya, ayollar manfaati bularning barchasi e'tibordan chetda qolmagan holda qator o'zgartirish va qo'shimchalar kiritilgan.

Men befarq emasman.

Referendum-2023 Ochish/sharhlash

2023-04-14 08:41:40 Ochish/sharhlash

2023-04-14 08:39:44 Haqiqiy Doʻst Kim? (Ibratli voqea)

Bir badavlat otani noqobil oʻgʻli boʻlgan ekan. Otasining davlatini soyasida oʻsib ulgʻaygan yigit ishyoqmas, dangasa boʻlibdi-yu, biroq hotamtoy ekan. Puli koʻp, atrofi toʻla oshna-ogʻaynilar.

Choyxonada doʻstlar davrasida "falonchi boyvachcha" kelmaguncha oshlar suzilmas ekan. Davralarni toʻrida u boyvachcha uchun joy tayin. "Falonchi boyvachchani" aytgani hoziru nozir, doʻstlari ham doimo uni qoʻllab quvvatlab turar ekan.

Hayotni koʻrgan ota boyvachcha oʻgʻilga qanchalar nasihat qilmasin, aslo qulogʻiga olmas ekan. Ota yaxshi soʻzlar bilan ham, yomon misollar bilan ham har qancha hayotni tushuntirmasin, boyvachcha oʻgʻil yaxshi tomonga oʻzgarmabdi. Qoʻlidagi otasini boyligini atrofdagi doʻstlari bilan xursandchilikka sarf-xarajat qilaveribdi. Boyvachcha oʻgʻil xayolida oʻylarkan: “Bugun meni qoʻlimda boylik bor. Ertaga agar qiyin ahvolga tushib qolsam, bugun mening oshimni yeb yurgan oshnalarim meni tashlab qoʻymaydilar, albatta menga yordam qoʻllarini uzatadilar”.

Badavlat ota boqiy hayot tomonga ketar chogʻi toʻshagiga yotib qolibdi. Shunda noqobil oʻgʻlini yoniga chorlab debdi: "Oʻgʻlim! Meni nasihatlarimni qulogʻingga olmading. Endi senga oʻlim oldidan soʻnggi nasihatim. Shu ahvolda yashashingda senga qoldirgan boyligim uzoqqa yetmaydi. Bir kun tugaydi. Shunda seni koʻzingni yogʻini yegan doʻstlaring oʻzlarini asl yuzlarini koʻrsatadilar. Sen nochor, bir soʻmsiz qolganingda doʻstlaring seni holingga kulishadi. Sen odamlardan pul soʻraydigan darajada muhtoj boʻlasan. Odamlardan pul soʻrab tilamchilik qilgandan koʻra oʻzingni osgin. Men senga ogʻilxonaga sirtmoq tayyorlab qoʻydim. Mening nasihatlarimga quloq solmading. Bu oxirgisi, shuni bajargin"

Badavlat ota olamdan oʻtibdi. Doʻstlar hammasi "falonchi boyvachcha"ni yonida boʻlishibdi. Marhum otani vasiyatidagidek yillar oʻtib, boyvachcha oʻgʻilni puli oxirlabdi. Endi avvallardagidek choyxonalarda ora kunda doʻstlarga osh bera olmagan boyvachcha asta davrani toʻridan poygasiga tushibdi. Endi "falonchi boyvachcha" kelguncha osh ham tugab qoladigan, bora bora choyxonaga ham chaqirilmaydigan boʻlibdi. "Yotib yeganga togʻ ham chidamaydi" deganlaridek meros nihoyasiga yetib, boylik keluvchi manba ham yoʻqligidan "falonchi boyvachcha" qashshoq tilanchiga aylanibdi.

Kechagi doʻstlar, qarindoshlar yuz oʻgirgan boyvachcha otaning soʻnggi nasihatini esladi. "Ha, kecha kim edim, bugun kim boʻldim?! Otam xaq ekanlar. Afsus vaqtida soʻzlariga quloq solmabman. Bu kunimdan oʻlganim afzallligini otam bilib aytib ketgan ekanlar" degan oʻyda, ming hasrat-nadomatlar bilan ogʻilxonani sirtmogʻi tomon yuribdi. Koʻzida yosh qalqigan "boyvachcha" sirtmoqni tortib tushirib boʻyniga solib, otasini yoniga ravona boʻlmoqchi edi hamki, sirtmoqni ikkinchi uchiga bogʻlangan bir qop narsa bilan yerga quladi.

Erkak ne koʻz bilan qarasaki, yonida qopda pul va ustida bir maktub turardi. Shoshilib maktubni ochib oʻqiy boshladi: "Oʻgʻlim. Men shu kunga yetib kelishingni sezgan edim. Bu hayotingdagi oxirgi saboqdir. Endi hayotda kim kimligini bilgandirsan ? Aqlingni yigʻib, puldan unumli foydalanib, shu pulni dasmoya qilib, oyoqqa turib ol. Endi aslo yiqilma, bolam!

@Hayot_Falsafasi Ochish/sharhlash

2023-04-14 08:38:49 Kitob bilan baland choʻqqilarni zabt etish maqsadida.

@Eh_odamlar Ochish/sharhlash

2023-04-13 12:46:24 Ochish/sharhlash