2021-01-30 21:30:00
Албатта ажойиб қўшиқ сўзларида жуда Катта тарих ётибди Яккабоғ Тумани халқини дунёга танитадиган тарих!
Тарихимизга ҳурмат эътибор фақат қўшиқда, сўзда, тилларда янграмасдан амалда хам кўрсатилса нур устига аъло нур бўларди...Ёдингизда бўлса 2018 йил 09-апрель куни Қашқадарё вилояти Яккабоғ туманидаги Хўжа Илғор қишлоғида соҳибқирон Амир Темурнинг 682 йиллигига бағишланган «Хўжа Илғор: қайта кашф қилинган тарих — янги сайёҳлик йўналиши» мавзусида катта тадбир ва танатаналар бўлиб ўтди. Эсимда ўша пайтлар шу тадбирни ўтқазиш учун майдон тайёрланишида Яккабоғ Туманидаги хамма ташкилотларга ТОПШИРИҚ берилиб майдон тайёрланган эди. Камина хам шу жамоатчиликнинг бир аъзоси сифатида воқеани гувоҳи бўлганман
Аввало, шуни таъкидлаш керакки, мустабид тузум даврида халқимиздан бекитилиб келинган юртимиз тарихи, буюк империя асосчиси бўлган Соҳибқирон Амир Темур бобомизнинг ёлғон ва бўҳтонларга қориштириб ташланган шонли тарихи Мустақиллигимиз шарофати билан халқимизга қайтарилди. Амир Темур тарихи мактаб дарсликларига киритилди. Буюк бобомизга муносиб ҳайкаллар мамлакатимиз пойтахти Тошкент, бобомиз пойтахт тутган Самарқанд ва бобомиз алоҳида эъзозлаган Шаҳрисабз шаҳарларида қад кўтарди. Ҳар йили бобомиз таваллуд топган кунлар Республика миқёсида кенг нишонланди. Аммо бобомиз таваллуд топган Хўжа Илғор қишлоғи салгина эътибордан четда қолиб кетаётган эди. 2018-йил 09-апрел ана шу хато (вақтинча)тўғриланди. Бобомизнинг киндик қони томган гўшада у зотнинг таваллуд куни катта тантана қилинди. Туманимиз қурувчиларига мажбурлаб қурдирилган Улкан саҳнада Қашқадарё вилоятининг санъаткорлари ўз маҳоратларини намойиш этишди, эрталабдан халқ бахшилари шу ернинг ўзида тўқилган термаларини айтиб туришди. Ўзбекистон ва Қорақалпоғистон халқ артисти Озодбек Назарбеков бошчилигида Тошкентдан ташриф буюрган санъаткорлар тантанага ўзгача руҳ бағишлашганди
— Ичидан севиниб бундай тантана Хўжа Илғор қишлоғида бундан кейин хам шу рухда давом этади деб умид қилганлар қанча эди, қолаверса вилоят ҳокими Зафар Рузиев сўзга чиқиб - Бугунги тантанада 30.000 дан ортиқ одам тўпланди. Бир томонда дор ўйинлари, бир томонда кураш, бир томонда чавандозлар мубобақалари бир томонда чет элдан келган меҳмонларга лутфу-карам. Амир Темур бобомиз даврида тайёрланган таомлар тўққизта дошқозонда тайёрланди ва меҳмонларга тарқатилди. Бу тадбир ёшларимиз қалбида ватанпарварлик ҳисларини жўш урдиради, юракларига шижоат бағишлайди. Хўжа Илғор қишлоғи эътибордан четда қолиб келаётган эди. Энди бу қишлоқ обод бўлади. (хозир жуда обод) Ҳазрат Амир Темур билан боғлиқ ўнлаб қадамжолар бор бу қишлоқда. У киши таваллуд топганда сув олинган булоқдан ҳали ҳам шифобахш сув чиқиб турибди, бу ерда бобомиз ёшликларида кўтариб машқ қилган 100 килолик тош сақланиб қолган. Йигитлари билан машқ қилган ғорлар бор. Хуллас, сайёҳларни жалб қиладиган манбалар талайгина. Энди бу анжуманни ҳар йили ўтказишни анъанага айлантирамиз деб айтган эди
Мен Умид қиламанки Яккабоғ Туманида Мард ватанпарвар Мутасадди Рахбарлар бор бу Қадамжолар ташландиқ жой номини олмайди, албатта эътибор доирасидан ташқарида қолмайди. Рахбарлар ишни бошини тутсалар Туманимиз обруси учун тадбиркор, хомийлар жамоатчилик хам қўл қовуштиришиб туришмайди
7.8K viewsКамиль Фахрутдинов, 18:30