Яна бир фирибгарлик ҳақида. Эски усул, қурбонлар эса ҳалиям кўп
Текин нарса деса лаққа ишонадиган содда одамларимиз, афсуски, ҳалигача кўп. Бундан эса фирибгарлар мазза қилишади.
Мана бу схема оддий: номаълум одам хат ёзиб, Click компанияси
(ёки мижози кўп бошқа исталган компания) акция ўтказяпти, ғолиб бўлдингиз, сизга пул берамиз, пулни олиш учун мана бу сайтга киринг дейди.
Сайт эса сохта бўлади, одамлар click-uz деган ёзувни кўриб ишонади, уни давомидаги .tk ни кўрмайди.
Сайтга кириб, пластик карта рақами, амал қилиш муддати, телефон номерини киритади. Кейин келган SMSни ҳам ёзади. Қарабсизки, фирибгарлар тезда
пластикдаги барча пулни ечиб олишади. Қўшимчасига банкдан
онлайн қарз олиб, уни ҳам ечиб олишади.
УНУТМАНГ
Сизга пул ўтказиш учун
ҳеч қачон пластик картанинг амал қилиш муддати ёки SMS-код керак бўлмайди.
Кимдир ёки қайсидир сайт
сизга пул ўтказиш учун амал қилиш муддати ва SMSни сўрадими, билингки, у
фирибгар!
Текин пул топиш албатта ёқимли, аммо сал ақлни ҳам ишлатинг.
@xushnudbek
