Парламент кучи ҳақида
Сизда яна бир савол туғилиши мумкин. Тонировканинг қиммат нархини Ҳукумат ўрнатган бўлса, нега Парламент шартта бу масалани кўтариб, ўзгартириш киритиб ташламайди? Ахир улар халқ сайлаган вакилларку, уларда тўлиқ ваколат бор эмасми?
Бугун оғриқли саволлар беряпсиз, ҳурматли муштарий. Афсуски бу саволингизга аниқ жавоб беролмасам керак.
Депутатларимиз рухсатсиз тонировка учун
11 млн сўмгача жарима бор бир пайтда, ҳар йили юзлаб инсонлар ўлимига сабаб бўладиган
тезликни оширганлик учун жаримани камайтиришни таклиф қилиб тургандан кейин, Парламентдан қандай умид қилайлик?
ИИВ расмий вакиллари тонировка сабабли Ўзбекистонда бирорта "авария" содир бўлмаган деб, расмий баёнот бериб турган бир пайтда, “тонировка бутун дунёда хавф солади”, деб гапириб турган сенаторларимиз бор бўлса, Парламентдан қандай умид қилайлик?
Бу ҳар йили фуқаролардан юз миллардлаб пул йиғиб олаётган UZIMEI билан бир хил масала. Иккаласига ҳам Парламентнинг "тиши ўтмаса" керак. Яна ҳам ким билсин.
@xushnudbek
