Xurshid Zaripov | Blog

2022-12-23 20:26:05 Dunyo internet gigantlarining auditoriyasi va koʻlami oʻsib borishi dinamikasi

P. S. Googleni oʻsib borishiga qaranga

@xurshid_zaripov Ochish/sharhlash

2022-12-17 07:45:54 Qoʻshiq oʻrniga podcast eshitgan afzal

Koʻpchilik yoʻlda yurganda yoki ish bilan band boʻlganda qoʻshiq eshitishga odatlangan.

Qoʻshiq emas foydaliroq boʻlgan podcastlarni eshitsak dunyoqarashimiz yanada kengaygan boʻlar edi

Tafsiya qilinadigan oʻzbek tilidagi podcastlar roʻyxati:

1. Alohida mavzu
2. Avlo podcast
3. Space review
4. Imppactt hub
5. Ular
6. AyubRecords

#yangirubrika #top6 #podcast

@xurshid_zaripov Ochish/sharhlash

2022-12-06 21:08:23 Kim aytgan?

Uni intervyuga chaqirishdi

Qanday yashash haqida maslahatlar so’rashdi

Yana biznes haqida so’rashdi

Yana uylanish haqida

Nega aynan uni chaqirishdi?

Axir, u

Yuz yillardan beri kitoblarda bor gaplarni gapirayaptiku

Balki chiroyli gapirgani uchun chaqirishgandur

Balki yutuqlari borligi uchun

Yutuqlari bor odam gapirsa, gap ta’sirli chiqadi

Biror maslahat eshitsak, kim aytganini so’raymiz

Maslahatning o’zidan, uni kim aytgani muhimroq

Biz tanisak, hurmat qilsak, mashhur odam bo’lsa

Amal qilishimiz oson bo’ladi

Xo’sh unda

Nega hadislar bizga ta’sir qilmayapti?

Amal qilmayapmiz?

Bilmaganimiz uchun emas

Juda ko’pini yoddan bilamiz

Biz shunchaki

Hadislarni aytgan odamni yaxshi tanimaymiz

Aziz Rahimov (Merit school asoschisi)

@xurshid_zaripov Ochish/sharhlash

2022-12-03 09:35:22



21-asrda asqotadigan videolardan biri. Ochish/sharhlash

2022-11-23 09:24:19 Ideallikka intilma, tayyor bo’lishdan avval boshla

Sen ham bir nimalarni boshlamoqchi bo’lib yurasanmi doim? Masalan keyingi dushanbadan albatta shu ish(kursga yozilish, trenirovka, til o’rganish, biznes boshlash, ishga kirish)ni boshlayman deb va’da berasanmi o’zingga o’zing? Lekin negadur o’zingni doim tayyor emasdek his qilasan, shundaymi?

Bir sirni ochib qo’yay, buni hamma his qiladi! Eng professional boshlovchi, sotuvchi, tadbirkor, dasturchi ham ba’zida biror ishni boshlashdan oldin o’zini tayyor emasdek his qiladi.

Mana o’zimam bitta postni yozishdan avval ba’zida 1-2 soatlab o’ylab qolaman. Sen tayyor bo’lishiningni kutar ekansan, hech qachon boshlay olmaysan! Xo’sh unda nima qilish kerak? Tayyor bo’lmasdan turib boshlayverish kerak.

Xullas. Tayyor bo’lishingni kutma. Hali beri bo’lmaysan. Kichik qadamlar bilan boshlayver jarayon o’zi o’rgatib yuboradi.

-2 oy dasturchilikni o’rgandingmi - ishga kirishga xarakat qilib ko’r.
-zo’r imkoniyat yoki taklif kelib qoldimi – qabul qil, yo’l yo’lakay tayyorlanaverasan.
-ko’pchilik oldida gapirish kerakmi – chiqib gapiraver, hayajon hammada bo’ladi!
-til kurslariga boryapsanmi – 1-haftadan keyin gapirishni boshlayver, xatolaring odamlarga qiziq emas.

@xurshid_zaripov Ochish/sharhlash

2022-11-21 08:22:37 Ko’p narsaga ulgurishning siri

Shaxsiy blogimni ochishga ochdimu lekin 1 yildan beri post yozolmay qoldim. Sababini o’yladim. Topgandek bo'ldim va natijada juda zo’r narsani tushunib yetdim.

Biror ishni qilishda ishni o’zini qilish emas, boshlab olish qiyin ekan. Boshlab olsang davom ettirging keladi o’zi. Davom ettirsang tugatging.

Boshlashdan avval ideal qilishni o’ylasang boshlay olmay qiynalib ketasan. Vaqt ko’p ketishini hisoblab ortga suraverasan. Prokrastinatsiya (doimiy tarzda ishni ortga surish) boshlanadi.

Qila olmaganingdan afsuslanasan. Xafa bo’lasan. Xafalikni bekorchilik bilan ketkazishga urinasan. Ish boshlanmay qolaveradi.

Aytgancha. Sarlavhadagi mavzuga qaytamiz. Ko’p narsaga ulgurishning siri —boshlashni oson qilib qo’yish va darrov ideallikka intilmaslik

P. S. Yaqinim qaytdim, sen va oʻzim uchun blogni rivojlantirib boraman

@xurshid_zaripov Ochish/sharhlash

2021-10-15 21:23:35 Vaqt yo'g'ida vaqt topish...

@xurshid_zaripov Ochish/sharhlash

2021-10-01 18:36:03 Ustozlar bayramingiz bilan chin yurakdan tabriklayman.

@xurshid_zaripov Ochish/sharhlash

2021-08-21 11:47:10 Jahongir Pulatovdan maqsadni katta qo'yish haqida

@xurshid_zaripov Ochish/sharhlash

2021-08-16 13:15:08 Men intizomni sevaman

Butun dunyo bayramda bayramgacha yashaydi. (Yangi yil, 8-mart, tug'ilgan kun, to'y). Bu hodisalarga katta urg'u berilib uzoq tayyorgarlik ko'riladi.

Lekin hayotimizdagi har bir yaxshi narsa (odobli farzandlar, daromadli ish, sog'lom tana, baxtli oila) har kunlik muntazam va zerikarli harakatlarimiz (o'z ustida ishlash, kitob o'qish, sportga borish)tufayli bizga nasib qiladi.

Sen bir martalik hodisalarni(diplom olishing, to'ying, sayohat) kutib umringni o'tkazib yuborishing, yoki har kunlik jarayonlardan zavq olishni o'rganishing mumkin.

Jarayondan zavq olishning yaxshi tarafi - u sen bilan har kuni birga. Natija esa bo'lish bo'lmasligi aniq emas. Jarayonni sen amalga oshirishing kerak. Natijani Alloh beradi.

Hayotdan maqsad - biror narsaga erishish emas, hayotning o'zi, jarayondan maqsad - jarayonning o'zi. Natijadan maqsad - o'zini ko'rsatib qo'yish, yoki maqtanish. Bayramdan maqsad - zerikishdan qochish. Bu postdan maqsad - seni jarayonni sevishga o'rgatish.

@xurshid_zaripov Ochish/sharhlash