Xorijdan Perevod | Ta‘lim yangiliklari 🏛

2022-07-01 11:27:18 #murojaat

Hurmatli, abituriyentlar! Sizlardan iltimos, qayerda o‘qish niyatingiz bo‘lsa, hozirdan o‘sha yerga topshiring. Perevodni unuting!

Mevachilik va uzumchilikka kirib, keyin shifokor bo‘laman, degan xomxayollarni miyangizdan chiqarib tashlang. Mevachilik qayerdayu tibbiyot qayerda.

Shifokor bo‘lmoqchimisiz, marhamat, hozir yaxshi o‘qing va jiddiy tayyorlaning, tibbiyot yo‘nalishlaridan biriga topshirib, yuqori ball bilan talaba bo‘ling.

Lekin “keyin perevod qivolaman” degan ko‘zbo‘yamachilikka bormang, Xudo xayringizni bersin, iltimos.

Yana bir iltimos, qaysi hududda o‘qish sizga qulay bo‘lsa, o‘sha hududga topshiring.

Ball pastroq bo‘larkan, deb uzoq hududga hujjat topshirib, o‘qishga kirgach, 1 yildan keyin “voy-dod, bu yerda qiynalib ketdimku, bizni dardimizni ham eshitadigan odam bormi, meni yashash joyimga, ota-onamning oldiga perevod qilinglar” deb nolib yurmang. Sizni hech kim boshqa hududga topshirsin, deb majburlayotgani yo‘q, qarorni o‘zingiz mustaqil qabul qilyapsiz, demak, o‘zingiz javob bering endi shunga.

Sharoitingiz bo‘lsa, boshqa hududga topshiring, sharoitingiz bo‘lmasa, topshirmang. Perevoddan umid qilmang. 99% holatda perevod qilolmaysiz.

Kelajagingiz uchun mas’uliyatli bo‘ling, qaror qabul qilishda jiddiyroq yondoshing.

Xushnudbek

Bizni kuzatib boring
@Talabalar_kanali_live

Batafsil ma'lumot
https://t.me/+lUj_w7YQDuozODgy Ochish/sharhlash

2022-06-30 21:26:35 #yangilik

Endilikda oliy o‘quv yurtlarining sirtqi bo‘limiga o‘qishga qabul qilingan 500 nafar eng faol yoshlar yetakchisi bo‘lgan talabalarning kontrakt to‘lovlari Yoshlar ishlari agentligi tomonidan to‘lab beriladi. Bu haqda bugun, 30-iyun – Yoshlar kuni munosabati bilan “Yangi O‘zbekiston” istirohat bog‘ida o‘tkazilgan bayram tadbirida O‘zbekiston Prezidenti Shavkat Mirziyoyev ma’lum qildi.

Bizni kuzatib boring
@Talabalar_kanali_live

Batafsil ma'lumot
https://t.me/+lUj_w7YQDuozODgy Ochish/sharhlash

2022-06-28 12:23:59 Toshkentda fuqaroni Tojikistonga o‘qishga kiritib, keyin O‘zbekistondagi OTMga ko‘chirib berish uchun pul olgan shaxs ushlandi

Holat yuzasidan jinoyat ishi qo‘zg‘atilib, tergov harakatlari o‘tkazilmoqda.

Batafsil — http://dy.uz/AfHXj

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-28 08:03:46 Oʻqishni koʻchirish boʻyicha oʻtish ballari tasdiqlandi

Oliy va oʻrta maxsus taʼlim vazirining tegishli buyrugʻi bilan 2022/2023 oʻquv yilida xorijiy davlatlardagi oliy taʼlim muassasalari, respublikamizda faoliyat yuritayotgan nodavlat va xorijiy (filiallar) oliy taʼlim muassasalaridan davlat oliy taʼlim muassasalariga oʻqishni koʻchirish uchun oʻtish ballari tasdiqlandi.

Joriy yil tizimida oliy taʼlim muassasalari boʻlgan vazirlik va idoralarning takliflari umumlashtirilib, taʼlim sohalari kesimida oʻtish ballari belgilandi.

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-27 19:11:04 #eslatma

​​​​Xorijdan oʻqishni koʻchirish uchun arizalar 15-iyuldan 5-avgustga qadar qabul qilinadi

Xorijiy davlatlarning akkreditatsiyaga ega bo‘lgan OTMlaridan O‘zbekiston OTMlariga o‘qishni ko‘chirish O‘zbekiston ta’lim muassasalariga qabul qilish bo‘yicha Davlat komissiyasi qarori bilan amalga oshiriladi.

Kerakli hujjatlar:

• ariza;
• reyting daftarchasi yoki akademik ma’lumotnoma nusxasi;
• pasport nusxasi.

Imtihonlar test yoki yozma ish yoki kasbiy (ijodiy) imtihon shaklida topshiradi.

Maxsus sinov natijasi Davlat komissiyasiga taqdim etiladi va fuqaro Davlat komissiyasi qarori bilan ko‘rsatilgan o‘quv shaklidagi guruhlarga to‘lov-kontrakt asosida ko‘chiriladi.

Xorijiy OTMlarning magistratura bosqichida tahsil olayotgan talabalar o‘qishini O‘zbekiston OTMlariga ko‘chirilishiga ruxsat etilmaydi.

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-20 16:30:18 #pechat #perevod

O‘qishni ko‘chirish vaqtida kirdi-chiqdi pechatlar kerakmi?

Javob: Belgilangan nizom bo‘yicha o‘qishni ko‘chirish vaqtida xorijda o‘qiyotgan talaba uchun shaxsini tasdiqlovchi pasport va xorijiy oliy ta’lim muassasasida haqiqatdan borib o'qiganligini tasdiqlovchi ya'ni shu xorijiy davlatga kirganligi to‘g‘risidagi pechat kerak bo‘ladi.

Ko‘pchilik bunday pechat kerak emas deb o'ylaydi, lekin asosiy sizni xorijda o‘qiganligingizni tasdiqlovchi hujjat sifatida shu pechatlar ham asosiy ro‘l o'ynaydi.

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-18 17:05:40 #Sòragan_edingiz

Oʻqishni koʻchirishda "kirdi-chiqdi" pechati qanchalik kerak boʻladi?

Javob: Davlat komissiyasi tomonidan belgilangan talabga koʻra, xorijdan oʻqishni koʻchirish istagida boʻlgan talabalar haqiqatdan oʻqigan oliy taʼlim muassasasi joylashgan davlatga oʻqish davriga mos "kirish-chiqish" belgisi boʻlishi belgilandi.

...Birinchi navbatda, xorijda bevosita borib oʻqib yurgan va qandaydir qiyinchiliklarga duch kelgan talabalar oʻqishini koʻchirishga qaratilgan.

Agar kontingent u darajada katta boʻlmasa Davlat komissiyasi bu talabni qoʻymas. Oliy taʼlim muassasalarining imkoniyati oʻqishni koʻchirmoqchi boʻlgan talabalar soniga nisbatan kam boʻlsa, birinchi navbatda xorijda qiynalib, haqiqatdan xorijga borib oʻqib yurgan talabalarning oʻqishini koʻchirishga qaratiladi.

@Xorijdan_Perevod Ochish/sharhlash

2022-06-17 08:18:53 «Perevod» bo'yicha kengroq tushuntirish

Quyidagi tushuntirishlarimiz Prezident qaroriga asoslangan, ya'ni rasmiy kuchga ega.

Bir davlat OTMdan boshqa davlat OTMga o'qishni ko'chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o'rtog'i doimiy yashaydigan hududdagi OTMga ko'chmoqchi bo'lsa;

2) davlat xizmatchisi ish yuzasidan boshqa hududga ko'chsa va turmush o'rtog'i yoki voyaga yetmagan farzandining o'qishini o'sha hududga ko'chirmoqchi bo'lsa (ishga kirgan vazirlik xati asosida).

Boshqa holda “ichki perevod”ga ruxsat yo'q. Boshqa hududga ham, o'z hududidagi boshqa OTMga ham.

Xorijdan o'qishni ko'chirish

Bunda o'tgan yilgi tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) xorijdan mos va turdosh bo'lmagan yo'nalishga o'qishni ko'chirishga ruxsat berilmaydi.

O'zbekistondagi xorijiy va nodavlat OTMlardan o'qishni ko'chirish

Bunda ham o'tgan yilgi eskicha tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) mos va turdosh bo'lmagan yo'nalish uchun esa bir martalik "super-kontrakt" to'lab ko'chirishi mumkin.

Davlat OTMdan nodavlat OTMga o'qishni ko'chirish

Buni davlat nazorat qilmaydi, buning tartibini nodavlat OTMlarning o'zi mustaqil belgilaydi. Nodavlat OTMga o'qishni ko'chirish mumkin yoki mumkin emasligini o'sha OTMning o'zidan aniqlashtiring.

Nodavlat OTMdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.

Xorijdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.

xushnudbek

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-16 20:27:26 Xorijdan o'qishni ko'chirish imtihoni DTM ixtiyoriga topshirildi

Xorijdan o'qishni ko'chirishda 2022-yil o'tish bali 70dan 140 ballgacha etib belgilandi.

Perevod bo‘yicha so‘ngi yangiliklar
@Xorijdan_Perevod Ochish/sharhlash

2022-06-15 23:03:05 #Xorijdan_perevod

Qaysi ta'lim shakliga o'qishni ko'chirish mumkin-u, qaysinga mumkin emas?

Xorijdan va nodavlat oliygohlardan o'qishini ko'chirmoqchi bo'lgan talabalar ushbu jadvaldan foydalanishlari tavsiya etiladi.

Perevod bo‘yicha so‘ngi yangiliklar
@Xorijdan_Perevod Ochish/sharhlash