Adabiy maslahatchi

2023-01-07 15:04:18 #Xabar
Yozuvchilar uyushmasida Oʻzbekiston xalq yozuvchisi Muhammad Alining yangi romani muhokama qilindi.
Roman Alisher Navoiy haqida.

t.me//yozuvchilar_uz/18965 Ochish/sharhlash

2023-01-06 07:47:48 Sharqiy ekspersdagi qotillik
Agata Kristi dedektiv qirolichasi deb taʼriflanadi. Koʻp hollarda adiba yaratgan Erkyul Puaro obrazini Artur Konan Doyl qalami moʻjizasi Sherlok Xolms siymosiga qiyoslashadi va taqqoslashadilar. Ushbu qiyos Agata Kristining oʻziga ham qiziq boʻlgan boʻlsa kerak.

"Sharqiy ekspresdagi qotillik" asarida Sherlok Xolms va uning mashhur metodiga ishora berib ketilgan. Yaʼni qahramonlar suhbatida shu mazmundagi gap bor: Jinoyatchini barmoq izlari va tamaki kukuniga qarab topish amalda ilojiz ish, men asosan psixologiyaga suyanaman, deydi jimjimador moʻylovli Puaro.

Tamaki kukuniga qarab jinoyatchini aniqlash Sherlok Xolmsning ajoyib va aql bovar qilmas metodi! U kishi hattoki bu mavzuda katta bir monografiya yozgani haqida ham hikoyalarning birida aytib oʻtgan. Ochish/sharhlash

2023-01-04 11:30:05 Yangi yil taʼtilida koʻrishga tavsiya qilish mumkin boʻlgan filmlardan biri. Ochish/sharhlash

2022-12-30 18:33:02 Hurmatli kuzatuvchi Siz bu yil qanday kitoblar oʻqishga ulgurdingiz?
Pastdagi roʻyxatda siz oʻqigan kitoblar boʻlsa ularga fikr bildira olasizmi?

1.Tadeush Dolenga Mostovich. "Muttahamning parvozi". Bir kambagʻal va dangasa kishining mamlakat bosh vaziri boʻlishigacha jamiyat qanday qilib yoʻl qoʻyib bergani haqida. Yanvar.

2.Aleksandr Dyuma. Askanio. Mashhur haykaltarosh shogirdining sarguzashtlari haqida. 2021yil dekabr. 2022 yil yanvar.

3.Den Braun. Ibtido. Professor Robert Lengdon sarguzashtlari Barselonada davom etadi... Yanvar.

4. Shayx Muhammad Sodiq Muhammad Yusuf. Hadis va hayot. 1-juz. Hadis ilmi haqida umumiy maʼlumotlar. Yanvar.

5. Shayx Muhammad Sodiq Muhammad Yusuf. Ijtimoiy odoblar. Nomidan bilinib turibdi. Juda koʻp eʼtibor bermaydigan va amal qilmaydigan odoblarimiz haqida. Yanvar-fevral.

6. Jeyms Klir. Atom odatlar. Bizning odatlarimiz bizning shaxsiyatimizni belgilaydi. Fevral.

7. Hilda Hukhem. Yetti iqlim sultoni. Amir Temur haqida xorijliklar fikri. Fevral.

8. Alber Kamyu. Begona. Audio shaklda eshitilgan. Ekzistensializm namunasi. Fevral.

9. Patrik Zyuskind. Ifor. Bir qotil tarixi. May.

10. Xayriddin Sulton. Koʻngil ozodadur. Bizning kunlarimizga juda yaqin zamonda roʻy bergan voqealar. Bosh qahramon Mulla Sharif Gulxaniy bilan doim birga... Bahor.

11. Ernest Xeminguey. Quyosh baribir chiqaveradi. Yoʻqotilgan avlodning nimalarga rozi boʻlib yashayotganligini koʻrsatib beruvchi asar. Bahor.

12. Jozef Ronni. Ajdodlarimiz qismati. Olis oʻtmishdagi gʻor odamlarining olovni qoʻlga kiritish yoʻlidagi jasoratlari haqida. Bahor.

13. Oʼ Genri. Oʻgʻrini qaroqchi urdi. Toʻplam. Bahor.
14. OʼGenri Soʻnggi yaproq. Toʻplam. Bahor.

14. Asqad Muxtor. Opa singillar. Ilmsizlikka, jaholatga qarshi chiqqan barcha ayollar, xotin qizlar bir biriga opa singildirlar. Bahor.

15. Pak Van So. Togʻ chindan ham oʻsha yerda boʻlganmi. Ikki Koreya davlati oʻrtasidagi urushda sarson bir millat vakillari...

16. Xaruki Murakami. Shamol qoʻshigʻini tingla. Zamonaviy ekzistensializm namunasi. Bahor.

17. Erix Mariya Remark. Qora haykal. Germaniyada Birinchi jahon urushidan keyingi iqtisodiy inqiroz va inson qadri.

18. Dmitriy Gluxovskiy. Metro 2033. Shunchaki 3-jahon urushi boshlanib, yadroviy raketalar uchirilgach, qanday hayot boshlanishi haqida bir fantastika.

19.Aql va baxt. Adabiy ertaklar toʻplami.
20. Aka uka Grimlar. Yetti qargʻa.

21. Vitaliy Bianki. Hikoya va ertaklar.
22. Bojena Nemsova. Ertaklarning kumush kitobi. Hayvonlar hayoti haqida mufassal bayon etuvchi hikoya va ertaklar.

23. Erik Sigal. Bir muhabbat tarixi. Amerika talaba yoshlari oʻrtasidagi muhabbat qissasi.

24. Marax Rusli. Sevgi fojiasi. Indoneziya adibi ijodiga mansub fojeaviy asar.

25. Ilyos Yesenberlin. Oshiqlar. Sovet mafkurasi singgan romantik asar.

26. Chingiz Aytmatov. Bolaligim. Yozuvchining bolaligi va asarlarining dunyoga kelish tarixi haqida.

27. Vladimir Korolenko. Koʻr musiqachi. Koʻzi ojiz bolaning yuksalishi haqida.

28. Mahmudxoʻja Behbudiy. Tanlangan asarlar. Samarqandlik jadidining zamon tanlamas publisistik asarlari, xotirlari va "Padarkush" tragediyasi.

29. Jaloliddin Rumiy. Ichindagi ichindadur. Ortiqcha izohlarsiz...

30. Adib Xolid. Oʻzbekiston tavalludi. Salkam 30 yillik ilmiy izlanishlar natijasida yuzaga kelgan asar. 17-yillar tarixiga yangi burchaklardan qaralgan.

31. Artur Konan Doyl. Sherlok Xolms va doktor Uotsonning sarguzashtlari. Qadrdon hikoyalar...

32. Uilyam Folkner. Qora musiqa. Toʻplam. Unda "Ayiq" qissasi ajoyib.

33. Joze Mauro de Vaskenselos. Azizim poʻrtaxol. Bolalar adabiyotini ham oʻqib turish shart ekanligini yaxshigina eslatgan asar. Qadrdon Zeze...

34. Deyl Karnegi. Qanday qilib bezovtalikni yengib baxtiyor yashash mumkin? Bu qoidalarga rostdan amal qilsak, yaxshi natijalar beradi.

35. Fyodor Mixaylovich Dostoyevskiy. Aka uka Karamazovlar. Izohsiz.

36. Agata Kristi. Sharqiy ekspersdagi qotillik. Yilning eng oxirgi oʻqilgan kitobi. Kinosi ham yaxshi chiqqan.

Yangi yilingiz qutlugʻ kelsin. Ochish/sharhlash

2022-12-28 19:11:02 ​​#taqriz
Aka-uka Karamazovlar
Ulugʻ rus yozuvchisi Fyodor Mixaylovich Dostoyevskiyning eng soʻnggi asari. Chin maʼnoda final. Aytishlaricha yozuvchining Aleksey Karamazov haqida davom-asar yozish niyati ham boʻlgan. Lekin yetib bora olmagan. Aslida "Aka uka Karamazovlar" haqiqatan ham oxirgi asar deb taʼriflashga arzigulik. Bunda "Jinoyat va jazo" ni, "Telba"ni, "Qimorboz" ni topasiz. Yuqoridagi kitoblar "Aka uka Karamazovlar"ning shunchaki qatlariga singib ketganini koʻrib, romanning qanchalar muhtasham ekanligini his qilasiz.  Dostoyevskiyning  insoniyatga qarata aytgan soʻngsoʻzi...

Qoida boʻyicha endi syujet haqida gapirishim kerak. Lekin bilasizmi, shu paytgacha kimlar bilan Dostoyevskiyning asarlari haqida suhbatlashsak, gap syujet tomonga  emas, koʻproq mazmun, gʻoya, maqsad, xarakter tarafga buralib ketaveradi. Bu bilan syujet qiziq emas demoqchimanmi? Aslo. "Aka uka Karamazovlar" ning syujeti, xolis aytar boʻlsak, zoʻr syujet.
Umrining katta qismida "...kimsalarnikida sigʻindi boʻlib" oʻtgan Fyodor Karamazovning ikki xotinidan boʻlgan uch oʻgʻli bor: Dmitriy, Ivan va Aleksey. Butun roman, undagi personajlar, syujet chiziqlari hamda yozuvchi moʻljal qilgan gʻoya va maqsadlar shu aka uka atrofida zanjir halqalari kabi bir biriga bogʻlanadi.

Cherkov, oilaviy ziddiyatlar, tushuntirib boʻlmas hislar, bolalar dunyosi, rashk, jinoyat, tergov.... bugʻdoy donalari...
Mana sizga oʻsha halqalarning nomlari.

Siz asarni oʻqib boʻlgach shu halqalarni koʻrasiz. Faqat bugʻdoy donalari alohida... Agar siz bugʻdoy donalari yerga tushib, oʻlishini payqay olsangiz... O, naqadar baxti chopgan kitobxonsiz!
Asar qahramonlari siz kitobxondan oldinroq Karamazovcha xarakterni alohida ajratib olishadi va buning maʼnosini tiyiqsiz axloq, jamiyatning oddiy tafakkuriga oʻgay dunyoqarashlar sifatida talqin qilishadi.
Agar siz bugʻdoy donalarining keyingi taqdiri qanday kechganini payqay olsangiz,  ularning fikriga qoʻshilmaysiz. Aka ukalar uchun bir umumiylik qidirmang. Ular bir inson axloqining poklanish darajalaridir. Tepadan pastga qarab ketadi. Chunki( siz oilada katta farzand boʻlsangiz xafa boʻlmang) kenja oʻgʻil gʻarbu sharq adabiyotlarida tuzatuvchi, isloh qiluvchi sifatida gavdalanadi.

Kitobni necha kun davomida oʻqisangiz, shuncha muddat davomida qalbingiz eng toʻrida saqlanadigan his-tuygʻular qurshovida qolishingiz kafolatlanadi. Dostoyevskiy uslubi shunaqa. Uning asarlaridagi eng battol qahramon ham yuragida borini gapiradi. Siz kimnidir ayblash haqida oʻylamaysiz hatto.  Faqat tafakkur qilasiz. Kitobning hajmidan choʻchimang. Gʻayrat kamarini belga bogʻlang-da, oʻqishni boshlang.
Chunki kitob oddiygina bir jinoyatning sabablariyu, oqibatlaridan iborat emas. Kitob inson haqida, insonning axloqi haqida, oʻsha "dunyoni qutqaradigan"  qalb goʻzalligi haqida. Ochish/sharhlash

2022-12-28 15:04:44 #xabar
Ee, xullas, Faust asari Yangi asr avlodi nashriyotida qayta nashr qilinibdi.


t.me/bookuzbekistan/3613 Ochish/sharhlash

2022-12-27 15:24:00 Bulungʻur shahri markazida mashhur Fozil Yoʻldosh oʻgʻliga atab qurilgan yodgorlik majmuasi.

P.s. Majmuaning shundoq orqasida kitob doʻkoni eshigi yashirinib turibdi) Ochish/sharhlash

2022-12-25 05:55:38 Ochish/sharhlash

2022-12-24 08:17:37 Ochish/sharhlash

2022-12-22 18:51:02 "Ofeliya", 1870-yil.
Rassom Pyer Ogyust Kot Ochish/sharhlash