Xayrulla HAMIDOV ijodi /official

2022-05-27 11:45:42 Охират соати - тўлдирилар кун,
Йиғлаган кўзларни кулдирилар кун.
Ёпилар қочишнинг сўнгги бекати -
Ўлимнинг ўзи ҳам ўлдирилар кун…

@Xayrulla_Hamidov_adabiyot Ochish/sharhlash

2022-05-06 18:06:31 Қаерга қарама - қалби қоралар
Покиза зотларнинг қалбин қоралар.
Шифтга оппоққина пахта илиб кўр,
Шамдондан барча ис шунга ўралар!

Бедил. Ochish/sharhlash

2022-05-06 13:06:43 ТУН

Тун тугал. Ой ҳарир. Юлдузлар гужум.
Сархуш ҳислар учун очиқдир эшик.
Юрагим тупроққа тисланади жим:
"Бунча соф бўлмасанг, эй она бешик!"

Табиат мавжланар – хилқат хадафи,
Олам – шом авжида гуллаган гузар.
Осмонда энг таниш булутлар сафи
Алланда, арзанда туйғу-ла сузар.

Покиза орзулар ҳоким очунда,
Хаёл манзилига йўл очилган кенг.
Шарт эмас тоғларга сайр этмак бунда,
Гўзаллик сочилган ҳар тарафга тенг.

Кун кириб кетгандир туннинг пинжига,
Дуоси ижобат гўдакдек гўё.
Саратон олдинда, музлик тинчиган...
Апрель ҳавосидек мўътабар дунё.

@Xayrulla_Hamidov_adabiyot Ochish/sharhlash

2022-05-06 13:03:36 Бўри яхши билар - есин, емасин,
Унинг оғзи қондир, ўзгармас калом.
Шу боис ким нима десин, демасин -
Ейиш керак жойда ейди, вассалом!

@Xayrulla_Hamidov_adabiyot Ochish/sharhlash

2022-05-06 13:02:00 - Кўчада иккита аҳмоқни кўрдим, бир-бири билан тортишаётган экан.
- Биттаси олим эди, шекилли?
- Ҳа, шу тортишувга қадар олим эди...

@Xayrulla_Hamidov_adabiyot Ochish/sharhlash

2022-05-01 22:21:30 Дил саросар, термулар маҳзун
У азондан бу азонгача.
Умр - йўғон ичакдек узун,
Рамазондан рамазонгача.

Умуммиз ва сафда ялпимиз
Айлангунча барг хазонгача.
Шайтонларга ўлжа қалбимиз
Рамазондан рамазонгача!

Оҳ, чап елка фариштамизга
Иш топилар тун - азонгача.
Ишонч ҳам йўқ сариштамизга
Рамазондан рамазонгача!

Лаин, даф бўл, йўлингдан қолма,
Қувма Шошдан Хуросонгача.
Аллоҳ, Аллоҳ, жонимиз олма
Рамазондан рамазонгача!

Бўм-бўш турар шайтоний қафас,
Ел кўпирар сел, тўзонгача.
Бир амаллаб яшаб ўтсак, бас,
Рамазондан рамазонгача!

@Xayrulla_Hamidov_adabiyot Ochish/sharhlash

2022-04-29 07:15:16 Ochish/sharhlash

2022-04-28 23:58:12 Бир кўрсатувга таклиф қилишди. Ёш талабалар, адабиёт мавзуси...Ўта қизиқдим ўзим ҳам.

Борсам илк сони экан ва илк меҳмон - камина. Мавзу - Фёдор Достоевскийнинг "Жиноят ва жазо" асари. Бир соат гаплашиб қўйибмиз...

Анонсини кўриб, ўзини ҳам тез якунлаб қўйишингизга ишонамиз.

КЎРИШ Ochish/sharhlash

2022-04-21 17:00:07 Ҳа, операторга қойил!

@Xayrulla_Hamidov_adabiyot Ochish/sharhlash

2022-04-21 10:57:01 Куз кириб барглар бош эгдилар охир,
Хазонлар сувларга сингдилар охир.
Қасосга киришган аро йўлдадир,
Худога солганлар енгдилар охир.

###

Атрофингиз тўла дўст-ёрлар эди,
Улар асли тамом ағёрлар эди.
Сиз ўзни жуда ҳам оқил билганда,
Тақдир терс йўлларни тайёрлар эди.

###

Мени ўз дафнига чақирган ким у,
Тобутин ичидан дўқ урган ким у?
Кичкина ер деган шарчада туриб
Осмон қўлимда деб бақирган ким у?!

@Xayrulla_Hamidov_adabiyot Ochish/sharhlash