Xayrulla Hamidov official

2021-05-11 18:49:24 “Манчестер Юнайтед” – “Лестер” ўйини турнинг марказий баҳси. Жадвалда икки ва тўртинчи поғонада бораётган клублар тўқнашуви. Брендон Роджерс шогирдлари Англия кубогида финалга йўл олишгач, бу ўйин муддати ўзгариб кетганди. Ҳозирда “Лестер” тарихий кубокни қўлга киритишни ўйлайдиган ҳолатда эмас. “Ньюкасл”га бой берилган баҳсдан сўнг тулкилар бу мавсум ҳам тўртликдаги ўрнидан хавотирлана бошлашди. Бахтига “Вест Хэм” енгилди, акс ҳолда ҳозир Роджерс ўзини қўярга жой тополмасди.

“МанЮнайтед”да деярли мотивация йўқ. Жамоа иккинчи ўринни ҳал қилган. Тақвим тиғиз, бемалол ротация қилиб таркибни-да алмаштириб ташлаши мумкин Оле.

Беш кунда иккинчи ўйини, яна икки кундан сўнг “Ливерпуль” билан ўйин. Бунинг устига, рекордчи бўлиши кутилаётган Магвайр жароҳат олиб, анча вақт “қизил иблислар”га ёрдам бера олмайди. Бундай пайтда Сульшер барча футболчига имкон беради ва бу ротацион жараён “Лестер”га қўл келиши мумкин.

“Олд Траффорд”даги ўйин вақти зўр – 22:00. Биргаликда кузатамиз.

@xayrulla_hamidov Ochish/sharhlash

2021-05-11 18:17:10 ​​Совриндор, камтарин, ноёб истеъдод соҳиби...

Андреас Иньеста 37 га кирди. “Андреас Иньеста футболдан кетса, футбол кимдан айрилганини билиб олади!” Бу гап марҳум Тита Вилановага тегишли.

Ҳозир Иньестанинг уйига борсак, менимча, бир хона тўла кубок бўлса керак. Қўлга киритилган совринлари Мессиникидан кўпроқлигига ишонаман. Тўғри, “Барса”да иккиси бир хил натижалар қайд этишган, аммо Лео Испания термасида ўйнамаган-ку, тўғрими?!

Мен бу йигитни илк бора барча юртдошларимиз сингари 2003 йилги ёшлар ўртасидаги ЖЧда кўрганман. Иньеста ўшанда Ўзбекистон ёшлари дарвозасига ягона голни урганди. Бу йигитнинг энг порлоқ онлари, албатта, Каталония суперклубининг тизимидаги ўзгариш даврига тўғри келади. Андреас Хави ва Месси билан шундай бир учлик бўлдики, бу учликка қарши ўйнаб бўлмай қолди. Улар футболни ўзгартириб юборишди. Бу учлик ичида менимча энг кўп ишни Иньеста амалга оширган...

Андреас алоҳида олинганда ҳам ўз услубига эга нодир футболчидир. Унинг тўп билан оригинал ҳаракати – рақибни айланиб алдаб ўтиши ҳалигача бетакрор ҳисобланади. Феълан ўта камтарин бўлган қаҳрамонимиздан камида битта “Олтин тўпи”ни олиб қўйишганини ҳам биламиз. Лекин у бунақа нарсаларга эътибор бермайди. Ўйнайверади.

16 йил давомида майдон марказида ҳокимлик қилган бу йигит клубнинг нурли даврларида асосий мотор эди. 2010 йили Испания термасига жаҳон чемпионлигини тақдим этган голни йўллаганини ҳар бир испаниялик болакай роҳатланиб эсласа, Барса мухлислари 2009 йили Челси дарвозасига йўллаган суперголини унута олмайдилар. Голлар унинг асосий фишкаси эмас, албатта. Иньеста майдонни ўқий билиши, ҳужумни бошқа томонга кўчира олиши билан донг таратган. Гвардиоланинг мураббийлик давридаги Иньеста ўйинларини такрорлаш имконсиз, деб ўйлаймиз.

@xayrulla_hamidov Ochish/sharhlash

2021-05-10 18:39:16 Футбол+ ток-шоуси одатдагидек бугун ўз вақтида чиқиши кутилмоқда. Унгача эса учовлон ифторлик қилиб олайлик.

Бизни икром қилган радиомиз қўшниси ва ҳамсуҳбатимизга ташаккур.

@boburachannel Ochish/sharhlash

2021-05-10 05:27:01 Ikki kunlik weekend tahlili:
Kuchli beshlikdagi alohida hikoyalar



https://t.co/OYEZCFEgjY Ochish/sharhlash

2021-05-09 21:48:21 Ochish/sharhlash

2021-05-08 21:32:06 Оффсайдлар...

@Xayrulla_Hamidov Ochish/sharhlash

2021-05-08 20:23:04 Бўлим шундай тугади

@Xayrulla_Hamidov Ochish/sharhlash

2021-05-08 19:35:46 Ўйин шундай бошланди

@Xayrulla_Hamidov Ochish/sharhlash