2022-06-21 10:59:56
Ingliz tili o’rganishni nimadan boshlay? Mustaqil o’rgansam bo’ladimi?
Ingliz tili o’rganishni endi boshlayotganlarda shu savollar paydo bo’lishi tabiiy. Bu postda shu savollarga javob topib, boshlovchilar uchun kichik xarita tuzishga harakat qilamiz.
DarslikAgar sizda o’qituvchi bo’lmasa sizga doim reja bo’yicha olib ketadigan darslik zarur. Men biladigan eng zo’r darsliklar:
- Headway;
- Straightforward;
- Empower;
- Round up.
Mana shu darsliklarning beginner leveldan boshlab advanced leveligacha qismlari bor. Juda qiziqarli, faqat grammatika emas barcha ko’nikmalarni birdan oshirishingiz mumkin. Orasidan birortasini tanlab oxirigacha tugating.
Grammatika
Agar yuqoridagi darslikni to’liq tugatgan bo’lsangiz sizning grammatika bilimingiz yaxshi darajada. Ammo endi uni zo’r darajaga olib chiqishingiz kerak. Bu uchun men bilgan eng yaxshi kitoblar:
- English Grammar in Use (Murphy);
- English Grammar (Betty Azar). So’z boyligi
Ingliz tilidagi eng muhim narsa bu albatta so’z boyligidir. Boshqa barcha ko'nikmalar shunga kelib taqaladi.
Vocabulary uchun men bilgan eng yaxshi resurslar:
- 4000 essential words;
- Oxford 5000 words.Mana shularning barchasini qunt bilan o’rgansangiz (ishlata oladigan darajada) bemalol IELTS 7.0+ ga potensial paydo bo’ladi sizda.
Ingliz atmosferasi
Yuqoridagi resurslardan tashqari siz o’zingizni ingliz tili muhiti bilan o’rab olishingiz kerak. Buning uchun:
- Har kuni maqola/kitob o’qing;
- Har kuni video/kino ko’ring;
- Har kuni gapiring (kamida 1 daqiqa);
- Har kuni biror narsa yozing (kamida 1 ta gap). Agar yuqoridagilarni doimiy ravishda rejani buzmasdan qilsangiz biroz muddatdan keyin ingliz tilini yaxshi darajada o’rganganingizning guvohi bo’lasiz.
Ingliz tili o’rganayotgan do’stlaringizga postni ulashsangiz xursand bo'laman.@farrukhsaliev
3 views07:59