Избоскан туманилик спортчи Дилмурод Мирзаев эндигина 14 ёшга қадам қўйди. У ўтган йили спортнинг муай-тай тури бўйича Тошкентда ўтказилган Осиё чемпионатида ғолибликни қўлга киритиб, халқаро мусобақага йўлланмани қўлга киритди.
Дилмурод 12-20 март кунлари Таиландда бўлиб ўтадиган жаҳон чемпионатида иштирок этади. Куни кеча Избоскан тумани ҳокими Элёрбек Каримов ёш спортчи ва унинг оила аъзолари билан учрашди. Туман ҳокими унга омад тилади ва спортчига ҳомийлик қилишини билдирди.
