Vasliddin Jamoliddinov

2023-01-09 19:25:22 Suzasan yoki cho'kasan

Har safar metroning eskalatoridan chiqib-tushayotganimda oʻylayman. Bosib oʻtayotgan yoʻlim teskariga kelayotgan eskalatoriga oʻxshaydi.
Teskari eskalatoriga chiqib olib yurmasdan bir joyda tursang orqaga ketasan. Yurishni boshlasang bir joyda turgan boʻlasan. Yuqoriga chiqish uchun esa yugurishing kerak.

Tez yugurishingda qoʻrquv boʻlishi mumkin (komfortdan chiqsang qoʻrquv har qanday holda boʻlishi mumkin), lekin qoʻrquv seni toʻxtatmaydi.

Karantin paytlarini eslasam istalgan eskalatoriga chiqib olgan odamdek his qilaman oʻzimni. Oxiri qaysi yoʻldan olib chiqishi ahamiyatsiz, birinchi marotaba chiqqan boladek qiziqib.

Balki qarama qarshi yugurishdan qoʻrqib, komfortni yoʻqotishni istamaganman.

Lekin nimadirga erishish uchun diskomfortda yashashga koʻnikish kerak ekan. Yurish yemas, doim yugurish.

P. S.
Teskari eskalatoridagi insoni ilm talabidagi insonga, yugurishni esa tezlik bilan ilm olishga qiyoslab postni qayta oʻqib koʻr.

@Vasliddin_blog Ochish/sharhlash

2023-01-07 23:49:20 Xonimlar va janoblar niqoblarni yechamiz!

Men ham doim sen kabi yaxshi insonlar davrasida boʻlishni istaganman. Yangi tanishgan insonlarim doim ham oʻz "yuz" lari bilan muomala qilishmaydi. Sendan manfaat boʻlsa albatta senga yaxshi tomonini koʻrsatishni istashadi. Hech kim senga men yomonman demaydi-ku, toʻgʻrimi?

Unda qanday qilib yaxshi insonlarni ajratib olish mumkin?

Bunday vaziyatda ustozimdan oʻrgangan usulni qoʻllayman. Bu sen yangi tanishgan insonni unga hech qanday foyda olib kelmaydigan insonlar bilan muomalasini kuzatish.

Oʻzim misolimda ham koʻp kuzatganman. Kontraktda oʻqiydigan, sodda, oddiy talabaga qanday muomalada boʻlishdi va shu talaba kiyinish xonasidan shifokor libosida (oq xalatda) chiqqanidan soʻng qanday munosabatda boʻlishdi.

Oʻzidan mavqe baland, boy yoki boshqa muhim davlat ishida ishlaydiganlarga juda koʻpchilik bir kun foydasi tegar deb yaxshi muomalada boʻladi.

Lekin insonlarni asl yuzi unga hech qanday foyda olib kelmaydigan insonlariga muomalasidan bilinadi. Sotuvchilar, farroshlar, bolalar, hayotida boshqa duch kelishi mumkin boʻlmagan insonlar.

Demak tanishgan insonlaringni yuqoridagi ikki banddagi insonlar bilan muomalasini solishtirib koʻr. Bir xil boʻlsa sening yutugʻing. Bunday insonlarga yaqinroq boʻl. Aksi boʻlsa, uzoqlashganing maʼqul.

@Vasliddin_blog Ochish/sharhlash

2023-01-04 16:06:20 Talabalik "oltin davr" mi?

1. Talabalikda oʻynab-kulib qolishni istaysan. Atrofingda sen bilan qiziqishlari oʻxshash kursdoshlaring yigʻilgan. Har kunlik vaqt uchun rejangiz bor. Shahar boʻylab sayohat, kino, bouling, klublar.

2. Kursdoshlaring bilan juda yaqin, qadrdonligini maqtanib haftasiga 3-4 kun choyxona, yigʻilish ekanligini aytasan.
1-2 kun uydan pul kelmagan kunlari oʻzingni студент lardek his qilib, bechorani yoqasan.

3. Shunday vaqti chogʻlikda oʻqishni bitirsang seni "buyuk ishsizlik" kutib turganini bilmaysan. Uyga borsang mahalladagi xotinlar senga boʻlajak министр kabi qaraydi. Ota-onangni esa gapirmasa ham boʻladi. (Umid va ishonchni ham uvoli bormikin? Mavzuga aloqasi yoʻq.)

4. Talabalik haqida tushunchalaringni oʻzgartirish vaqti keldi(oʻzgarmagan boʻlsa).
Talabalik "oltin davr" emas talabalik "gʻanimat davr". Bu vaqtni qanday oʻtkazish kelgusi hayot sifatingni belgilab beradi.

5. Qoʻlingga diplomni olgach hammasi sen план qilganing kabi boʻlmaydi. Orzularingdagi chiroyli, shinam xona, charm terili kresloda band insonlar kabi kun oʻtkazib, bir ikki qogʻozga imzo qoʻyish orzularing bilan birga yashaydi.

6. Jamiyatda "diplomli ishsizlar" yetarli. Jamiyatga kadr kerak. Oʻzingdan kadr shakllantirish uchun eng qulay davr - talabalik.
Moddiy imkoniyat va vaqtni kamligi haqidagi bahonalar nafsingni gaplari.

7. Talabalikda aniq bir foydali ish qilish haqida oʻylab koʻrmagan boʻlsang til oʻrganishdan boshla va qoʻlingga diplom olganingda yonida til bilish sertifikating ham boʻlsa diplomingni narxi oltindan deyver.

8. Oʻz sohang boʻycha Ustoz top va unga shogird tush. 4-5- kurs boʻlishingni kutma, qancha erta boshlasang shuncha tajribali boʻlasan.

9. Kursdoshlar bilan boʻsh vaqtingni oʻtkazish, OTM dagi turli tadbirlar, seni sohangdan uzoq boʻlgan fanlarni oʻrganishga ketgan vaqtingga birma-bir baho bersang deyarli sezilarli vaqt emas, lekin 4-5 yildan keyin qancha vaqt yoʻqotganing ayon boʻladi.

10. Bilaman koʻp narsani oʻzgartirishni istaysan, motivatsiyang yuqori, lekin bilganlaringdan foydalanmasang ularni nima keragi bor. 10 bilib 5 ni ishlatgan odamdan koʻra 8 bilib 6 ni ishlatgan odam ustun. Ustozim aytganlaridek "maʼlumotga toʻldirilgan fleshka" boʻlib ham qolma.

P. S.
Postni shu yerigacha erinmay oʻqib chiqqan boʻlsang sen ham " talabalik" tushunchasi atrofidagi insonsan. Bu gaplarni yana adashib oʻzingga olmagin. Bu 2-3 yil avvalgi "oʻzim" ga nisbatan aytilgan gaplar. Xullas "dunyo meni togʻammas" ekan.
Davomi bor...

@Vasliddin_blog Ochish/sharhlash

2023-01-03 22:57:02 Xayrlisi boʻladi

1. Men shoshib chiqmoqchi boʻlgan mashinaga boshqa bir yoʻlovchi chiqib ketdi. Afsuslandim, biroz tezroq yurmaganimga. Birozdan soʻng boshqa mashinada yoʻlga chiqdim va yoʻlda birinchi chiqmoqchi boʻlgan mashinamni koʻrdim, avtohalokatda agʻdarilib yotgan ekan.

2. Birinchi yil chala bilimga ishonib eng kam ball bilan ilinish mumkin boʻlgan OTM ga topshirib koʻrmoqchi boʻldim. Urinishlar samarasiz ketdi. 6 oy tayyorgarlik koʻrdim (maqsad va qiziqishlarni aniqlashtirib olishga ham vaqt boʻldi) va maqsadimdagi OTM talabasi boʻldim.

3. Tengdoshlarimga nisbatan ertaroq ish faoliyatimni boshlaganimdan dastlab afsuslandim. Chunki boʻsh vaqtim boʻlmasdi va ular bilan birga maroqli vaqt oʻtkazish mumkin boʻlgan yigʻilishlarga deyarli bormasdim.
Hozir esa talabalikni "Oltin davr" emas "Gʻanimat davr" ekanligini tushundim (kechroq boʻlsa ham).

4. Biznes boshlash ilinjida yoʻqotgan vaqt, asab va pulimdan ancha vaqtgacha afsuslandim. Hozir esa qilgan xatolarimni eslab kulaman va ular menga katta dars boʻlgan.

5. Hayotda meni ziyonimga deb oʻylagan ishlarim meni foydamga boʻlib chiqdi. Hozir ayrim xatolarni qilganimdan emas, aksincha, nega avvalroq qilib koʻrmaganimdan afsuslanaman.

6. Yoʻlda duch kelgan har qanday sinov Allohning taqdiri ekanligini oʻylaysan va xayrlisi boʻlishiga ishonib yoʻlni davom etasan...

@Vasliddin_blog Ochish/sharhlash

2022-12-31 21:06:40 Tangani uchinchi tomoni

Qoʻshnisi diplom bilan tuzukroq ish topolmasa, bolasiga ana qara, oʻqib nima qilarding deydi.

Bitta 2 bahoga ga oʻqigan boyib ketsa, boyib ketish uchun yaxshi oʻqish shart emas deb shuni misol keltirishadi.

Qizlar bilan gaplashishga oʻrgangan bola yaxshi qizlar qolmadi deb oʻylaydi. Bitta yarimta yigiti oʻylaganidek boʻlib chiqmagan xonim hamma yigitlarni dardi bir deb oʻylaydi.

Bitta soqolli inson bilan bogʻliq koʻngilsizlikga "koʻngli toza" insonlar bularni hammasi мошенник deydi.

Inson doim koʻrgan bilganlariga asoslanib xulosa qiladi va bu tabiiy. Yuqorida koʻrganingdek lekin bu doim ham toʻgʻri fikr emas.
Sen doim oʻzingni haq deb oʻylaysan va fikrlaringga oʻzing ham ishona boshlaysan.

Xato fikrlashni toʻgʻrilashni yoʻli bor.
Birinchisi hamma fikrlaring toʻgʻri emas ekanligini tan olish. Ikkinchisi koʻp kitob oʻqish. Uchinchisi oʻzingdan ancha aqlli va tajribali insonlar davrasida boʻlish.


@Vasliddin_blog Ochish/sharhlash

2022-12-27 06:39:51 Uka sen takrorlamasliging kerak boʻlgan xatolarim

Toshkentga yangi kelganimda iqtisodda talab, taklif, oʻyinlar nazariyasi kabi qoidalarni tushunmaganim uchun pul topishni koʻp yoʻllarini qidirib koʻrganman (Ehtimol hozir ham yaxshi tushunmasman).

Shu maqsadda bir necha marotaba vaqtim va pulimni yoʻqotmaguncha firibgarlik haqida immunitetim yoʻq edi.

- 300$ga butun umrli okean boʻylab sayohat paketini sotib olmoqchi boʻlding(choʻntakda 1$ ortiqcha boʻlmagan paytda).

- Farmatsevtika kompaniyalarida (bir nechta) arzimagan bir dorini yoki BADni katta pulga sotishni oʻrganib, oʻzingni biznesmendek his qilmoqchi boʻlding(Yomoni ish boshlash uchun oʻzing birinchi isteʼmolchi boʻlgansan).

- 100$ga internetda pul topishni oʻrgataman degan okaxonlar bilan tanishding.

- 6 oyda senga oʻxshagan dangasa odam eshitib yurib til oʻrgansa boʻla(digan) kitoblarga vaqt ajratding.

- 20$ evaziga poytaxtdan oʻz uyingni olish sirlarini oʻrganishga vaqt ajratding.

-Nigeriyalik bobongdan senga million dollar meros qolganidan xursand boʻlib koʻrding.


Xato qilib vaqt va pulni yoʻqotgandan keyin xulosalar:

- Senga qisqa fursatda boy boʻlishni vaʼda beruvchi har qanday sistema (biznes, insonlar, kurslar) bu sen orqali boshqa insonni boy boʻlishidir.

- Hech kim shunchaki senga pul berib qoʻymaydi. Yuqoridagi postlarda aytganim kabi "Boy boʻlish, omadli boʻlish" haqidagi sirli kitob hali yozilmagan. Sirli soʻzi bilan taklif berganlar 100% firibgar.

- Insonlarga real foyda keltirmay yoki ularni ogʻirni yengil qilmasdan turib boyib ketishning halol yoʻli yoʻq.

@Vasliddin_blog Ochish/sharhlash

2022-12-25 19:50:16 Seni boringcha qabul qilgan haqiqiy doʻstmi?

1. Seni bu dunyoda boringcha faqat ota-onang qabul qiladi.
Boshqalar seni boringcha qabul qilishyaptimi, bu yerdan soxtalikni isi keladi, ishonaver. Ijtimoiy tarmoqdagi "Boringcha qabul qiladigan doʻst" haqidagi fikrlarda ham soxtalik ufurib turibdi.

2. Koʻchadagi ulfatlaringdan "haqiqiy doʻst" tushunchasi ancha uzoq.
Haqiqiy doʻst sen qanday boʻlsang shunday qolishingga rozi boʻlmaydi. Haqiqiy doʻst seni doim rivojlanishingni, oʻsishingni, imonli boʻlishingni xohlaydi. Qilgan xatolaringni yuzingga aytadi va gunoh qishingga jima qarab turmaydi.


3. Hayotda doim bir xil qolaman degan inson yutqazadi.
Borimcha qabul qil, boʻlishim shu deyish aybini tan olish emas koʻproq berkitishga oʻxshaydi.

4. Sen oʻylab koʻrganmisan: doʻstlaring bilan nega birga vaqt oʻtkazasan?
Ulardan bilim, tarbiya, ziyo olayotganing uchunmi yoki ular ham rivojlanmaganligi tufayli senga ular bilan vaqt oʻtkazish qulayligigami?

5. Doʻstlardan oʻrganish va oʻzingda borini ularga berish kerak. Qaysidir doʻstlarim menga shunday qilganligi uchun ham men hozir ulardan oʻta minnatdorman.

P. S.
- Borimcha qabul qilgan doʻstlarimdan kechishim kerakmi брат shunda?
- Yoʻq, postni yaxshi tushunmabsan.
Sen atrofingdagilarni yigʻindisan. Atrofingda sen bilan qarashlari bir xil insonlar yigʻiladi.
Qarashlaringni oʻzgartirsang qolgani oʻzi saralanib qoladi.

@Vasliddin_blog Ochish/sharhlash

2022-12-22 12:47:34 "-Yolgʻizlik qiyin emasmi ey Abu Zar?
-Odamlar undan ham qiyin..."

1. Oʻylab koʻrganmisan, doim senga atrofdagilarni fikri qiziq. Bunday kiyinsam, bu ishni qilsam, bu ishda ishlasam, oila qursam, toʻyini ixchamroq oʻtkazsam, bunday yashasam odamlar nima deydi, deb yashaysan.
Odamlarni fikri ham, atrofingda boʻlishi ham vaqtinchalik.

2. Sen atrofdagilaringga doim nimang bilandir kerak boʻlasan. Boshqalarda boʻlmagan nimadir senda bor, shuning uchun ular hozir sening yoningda. Ularga sening kayfiyating, sharoiting, hozirgi hayoting qiziq emas.

3. Kimgadir puling uchun, kimgadir kasbing uchun, kimgadir ilming uchun, yana kimgadir boshqa nimangdir uchun hozircha keraksan.
Shuni bilki shu narsa sendan yoʻqolsa, odamlar ham sendan uzoqlashadi.

4. Qisqasi, odamlar fikri va ular haqida koʻp ham oʻylayverma. Ular bir kuni seni baribir tark etishadi.
Oʻzingni oʻzing hurmat qil. Odamlar bilan munosabat qonunlari shunday, manfaatdorlik hech qachon yoʻqolmaydi.

5. Sen oilang va oʻzing uchungina ishla va yasha. Sen bilan faqat oilang va oʻzing qolasan, qolganlar esa bir kuni seni tark etadi yoki sen tark etasan.

P.S. -Брат shuning uchun узкий круг da sanoqli insonlar bilan samimiy doʻst ekansiz-da?
Lekin dunyoda hamma siz yozib tashlaganchali emasku?
-Toʻgʻri aytasan, samimiy insonlar borligi uchun ham doʻstlik, muhabbat tushunchalari hamon qadrli. Shunday insonlaring boʻlsa qadrla, ularni takror takror uchratavermaysan.

@Vasliddin_blog Ochish/sharhlash

2022-12-19 22:15:01 Vaqt kelmaydi, doim ketadi

Bu kun haqida hech oʻylab koʻrganmisan?

1. Bu kun ham odamlar erta tongdan oʻz hayot tashvishida oʻqishga, ishga shoshilgan, hamma oʻzi bilan oʻzi ovora boʻladi.

2. Bu kun ham hamma jahon chempionatidagi gollarni muhokama qilayotgan, hayotidagi eng yaxshi jahon chempionati 2006-yildami yoki 2022-yilda boʻlganini tortishayotgan boʻladi.

3. Bu kun ham odamlarga nimadir yetishmayotgan, kimdir gazdagi "очередь"dan, kimdir kam oyligidan, doʻstlaridan nolib yurgan boʻladi.

4. Kim uchundir bu kun hayajonli, unutilmas, baxtli, stressli, omadli yoki yomon boʻladi, har doim boʻlib kelganidek. Xuddi sening bugungi kuning kabi...

Ammo bu kun sen bu dunyoda boʻlmaysan.

Hayotni oʻzgartiruvchi sehrli retseptni kutib yashama. Ogʻzingni toʻldirib mening ham davrim keladi deysan.
Qachon?
Toʻgʻri maqsadlaringda xayrli ishlar bor.
Ota-onangni Hoji qilmoqchisan
Masjid qurdirmoqchisan
Insonlarga yordam bermoqchisan...
Bu yotishingda aytganlaring qachon amalga oshadi, turib aqalli masjid uchun bitta gʻisht qoʻymasang.

Sening eng katta imkoniyating bu – tiriklik. Hammaning oʻz vaqti bor, seniki esa hozir.

P. S. Avvallari bu kun haqida koʻp oʻylardim.
Hozir esa xuddiki hech qachon oʻlmaydigandek yashayapman shekilli.

@Vasliddin_blog Ochish/sharhlash

2022-12-18 01:31:01 Yoshing 20 dan oshdi,
Sen haliyam sevgi va muhabbatga ishonib yashayapsan

- Bir qarashda hammasi ajoyib.
Seni u tushunadi, sen uni tushunasan.
Xuddiki bir biring uchun yaratilgansan.
Ikki tomonida kech kuzda sargʻaygan daraxtlar bilan qoplangan hech tugamas yoʻl boʻlsa, qoʻl ushlashib ketaverishsang.
Balki mayin kuz yomgʻirini ham "заказ" qilarmiz.
U boʻlsa bas. Boshqa hech narsa kerak emas.

- Uka esingni yigʻib ol. Muhabbat qissasini koʻrgan kontinentlaring, oʻqigan kitoblaring, eshitgan musiqalaringa asoslanib yozib tashlama.

- Sen hozir oʻtish yoshidasan. Hayotingni shu vaqtini qanday oʻtkazishing keyingi hayotingni qanday boʻlishiga juda katta taʼsir qiladi. Samolardan balandda yuravermasdan yerga tush.

- Yoʻq, men muhabbatga ishonmaganimdan gapirmadim. Muhabbatni zoʻri oilada boʻladi.
Muhabbatni zoʻri Allohga, Paygʻambarimiz Muhammad (S.A.V.) ga, Ota-onaga, jigarlaringa boʻladi. Ortganini yoringga berasan.

- Shu qadar muhabbating joʻshib ketayotgan boʻlsa sovchi yuborib haloling qilib ol.
(Ha aytgancha, ustozlar maslahatini ham unutma: Dunyoni oʻzgartirmoqchi boʻlsang uylanishdan avval oʻzgartir, uylangach televizordagi kanalni ham boshqasiga oʻzgartira olmaysan.)

- Boltavoy akani qizi bilan gaplashishni yigʻishtir, oʻzing ham bilasan baribir unga uylanmaysan. Uylanish vaqti kelganda boshqa qadriyatdagi qizni izlab qolasan.

Unutma: Solihalar solihlar uchundir.

@Vasliddin_blog Ochish/sharhlash