2023-01-02 18:21:55
Medalparastlar yoki 50-100 $ lik soxta obro' yoxud o'zining keyingi qurbonlarini kutayotgan trenddagi tanlovlar haqida
Mening telegram profilimga juda ko'plab yoshlarimizdan bugungi kunda tashkil qilinayotgan ko'plab xalqaro tanlovlar haqida murojaatlar bo'lmoqda.
Vaqtinchalik soxta obro' yoki portfolingizni keyinchalik bir umr qora dog' qilib yuradigan ayrim tanlovlar afuski ko'plab yoshlarimiz orasida trendga aylanmoqda.
Unutmang bunday soxta tanlovlar g'olibi yoki sovrindoriga aylanishingiz kelajakda Sizni real tanlovlarda qatnashish jarayonlarida juda katta minus sifatida qaraladi.
Ya'ni, Siz biror grant yoki stipendiyalarga hujjat topshirganingizda bunaqa soxta tanlov g'olibligi Sizga hech qanday foyda keltirmasdan, ayrim holatlarda arizangizni to'g'ridan-to'g'ri rad qilinishiga ham sababchi bo'lishi mumkin.
Karerangiz Sizning ko'ksingizdagi soxta medallar soni bilan emas, ilmingiz va bilimingiz bilan qadrlanadi. Uni sun'iy yo'l bilan vaqtinchalik soxtalashtirish mumkindir, lekin buni bir umr qilib bo'lmaydi.
Turli xususiy tashkilotlar tomonidan tashkillashtirilgan va aslida hech qanday potensialga ega bo'lmagan ko'plab tanlovlarning maqsadi yagona bo'lib, asosan biznes qilishga qaratilgandir.
Qiziq! Inson qanday qilib o'zi noloyiq bo'lgan statusni pul bilan sotib olib, uni o'ziga ravo ko'rishi mumkin. Bu statusga noloyiq ekani o'zi juda yaxshi biladiku! Juda va juda qiziq!
Agar Siz bunday soxta tanlovlarni trendga olib chiqib, uni yanada ommolashtirsangiz bilingki bu tanlovlarning qurbonlari soni ortib boraveradi.
Aslida muvaffaqiyatga erishish - bu omadga yoki mablag'ga bog'liq emas, bu sizning munosabatingiz va harakatlaringizga bog'liqdir.
Soxta obro' ortidan quvib vaqtingiz va mablag'ingizni yo'qotmang. Mehnat qiling, o'z ustingizda ko'proq ishlang, bilimlaringizni oshiring va eng asosiysi hech qachon o'rganishdan to'xtamang!
Ushbu post Mard o'g'lon davlat mukofoti sohibi va O'zbekiston Respublikasi Prezidentining Davlat stipendianti Faxriddin Abdikarimovning shaxsiy tajribalaridan kelib chiqib yozilgan. Namangan davlat universiteti yoshlar ittifoqi boshlang'ich tashkiloti
141 viewsGulmira Nabijanova, 15:21