Халқ депутатлари Тошкент шаҳар Кенгаши депутатлари Искандар Рафиков, Ҳаётхон Кучкаровалар “Саноат Қурилиш Банк” Сергели филиали биносида банк бошқарувчиси ва ходимлари билан учрашдилар. Учрашув жараёнида депутатлар иштирокчиларга “Ўзбекистон Республикаси Конституцияси тўғрисида”ги Ўзбекистон Республикаси Конституциявий қонуни лойиҳасининг мазмун-моҳияти тўғрисида тўлиқ ва батафсил маълумотлар бериб ўтдилар. Учрашув сўнгида депутатлар барчани халқимиз тақдири ва эртанги кунини белгилаб берадиган тарихий Қонунга бефарқ бўлмасдан, 30-апрелда бўлиб ўтадиган референдумда фаол иштирок этишга чақириб қолишди.
