Халқ депутатлари Тошкент шаҳар Кенгашининг 2022 йил 7 майдаги “Халқ депутатлари Тошкент шаҳар ва туман Кенгашлари депутатларини ўзлари сайланган округларда сайловчилар қабулларини ўтказиш тўғрисида”ги VI–62-110-14-0-К/22-сонли Қарорига асосан Халқ депутатлари Учтепа тумани кенгаши депутатлари Н.З.Зайнитдинов ва М.П.Мирсаатовлар 4-сектор худудидаги “Бекабод” ва “Шафтолизор” маҳаллаларида яшовчи аҳоли билан учрашди. Учрашув чоғида фуқаролар ўзларини қийнаб келаётган муаммоли масалалар юзасидан депутатларга мурожаат қилишди. Мурожаатларининг кўпчилиги шу жойнинг ўзида ҳал этилди. Шунингдек, узоқ вақтдан бери оғир аҳволдаги ижтимоий химояга мухтож бўлган фуқароларни қўллаб-қувватлаш мақсадида “Саховат ва кўмак” жамғармасининг Тошкент шаҳар бўлими ҳисоб-рақамидан маблағлар ажратилиши белгиланиб олинди.
