Samgin Qurbonov

2021-02-14 16:44:22 Ochish/sharhlash

2021-02-14 16:44:22 Ochish/sharhlash

2021-02-05 17:36:01 #lirikchekinish

Мен куч сўраган эдим...... Ҳаёт эса кучли бўлишим учун менга қийинчиликларни раво кўрди.

Мен донолик сўраган эдим...... Ҳаёт эса ҳал қилиш учун менга муаммоларни раво кўрди.

Мен бойлик сўраган эдим...... Ҳаёт эса ишлаш учун менга ақл ва мушакларни берди.

Мен уча олиш қобилиятини сўраган эдим...... Ҳаёт эса енгиб ўтишим учун менга тўсиқларни раво кўрди.

Мен муҳаббат сўраган эдим...... Ҳаёт эса муаммоларини ечишда ёрдам беришим учун менга инсонларни рўпаро қилди.

Мен тўла-тўкис ҳаёт сўраган эдим...... Ҳаёт эса менга имкониятларни берди.

Мен сўраган нарсаларимдан ҳеч қайсисини олмадим, АММО МЕНГА КЕРАК БЎЛГАНЛАРНИНГ БАРЧАСИГА ЭРИШДИМ.

Facebookdagi Barchinoy Itolmasova sahifasidan olindi. Ochish/sharhlash

2021-02-04 10:15:29 Rasman: O‘qishga kirishda eng yuqori ball to‘plagan abituriytentlarga Prezident granti joriy etilmoqda. Prezident farmoni imzolandi

2021/2022 o‘quv yilidan boshlab O‘zbekistonda oliy ta’lim muassasalariga kirish imtihonlarida eng yuqori ball to‘plagan 200 nafar yoshlar uchun O‘zbekiston Respublikasi Prezidenti granti joriy etiladi.

Kanalga ulanish:
@masofatalim Ochish/sharhlash

2021-02-04 10:15:29 Oliy ta’limda davlat grantlari soni 25 foizga oshiriladi

O‘zbekistonda yangi o‘quv yilidan boshlab, oliy ta’limga ajratiladigan davlat grantlari soni 25 foizga hamda ehtiyojmand oilalar farzandi bo‘lgan xotin-qizlar uchun davlat grantlari soni 2 baravarga oshiriladi.

Bu haqida Prezident Shavkat Mirziyoyev tomonidan imzolangan «Yoshlarni qo‘llab-quvvatlash va aholi salomatligini mustahkamlash yili»da amalga oshirishga oid davlat dasturi to‘g‘risidagi farmonda so‘z boradi.

Shuningdek, xususiy oliy ta’lim muassasalarida mutaxassislarni tayyorlashga davlat granti berish tizimi joriy etiladi.

Kanalga ulanish:
@masofatalim Ochish/sharhlash

2021-02-03 17:47:01 Umumta’lim fanlaridan olingan sertifikat kirish imtihonda abituriyentga maksimal emas, foizga mos ball beradi

«Sertifikatda to‘plangan ball kirish imtihonida mos tarzda hisoblanadi. Masalan, sertifikat imtihonida 90 foiz ball olgan abituriyent xohlasa, kirish imtihonida ham o‘sha fandan 90 foizlik ballga ega bo‘lishi, agar xohlamasa, test ishlashi mumkin. Bu — uning tanlovi», — Davlat test markazi bosh boshqarma boshlig‘i Farhod Mirzayev

Kanalga ulanish:
@masofatalim Ochish/sharhlash

2021-01-29 21:10:24 #Zamonaviy o'zbek she'riyati

ХИТОБ
(Shodmonqul Salom ijodidan)

Лаб титрамай, киприк қоқмай, нигоҳ узмай,
Ухламасдан, туш кўрмасдан, таъбир тизмай,
Асрлардан асрларга томмай, сизмай,
Садо бермай, қимир этмай, қадам узмай,
Юракларнинг фарёдини билмай, сезмай,
Буровдаги қўрғошин руҳ олам кезмай,
Ўт куйдирган қанотларни қайта ёзмай,
Жим туришда ким ютаркин – шартни бузмай,
Турганлардан бир бор ростин сўрарим бор,
Кўрганларин кўнглим билан кўрарим бор.

Асрларнинг гарди бор бу тегирмондан,
Жонни янчиб, шон чиқарган ломакондан,
Дил ташласа алам чиққан у томондан,
Армон солиб қувонч кутган гўл инсондан,
Дўл* оғзидан сачраб қочган битта дондан,
Чумолини алдаб юрган Сулаймондан,
Навбати ҳеч келмаётган шул деҳқондан,
Сукунатдан кар бўп қолган оломондан,
Имо қилиб, нидо қилиб сўрарим бор,
Пойларига тиз чўкиб зор борарим бор.

Кўнглимга тун чўкканда шам ёқолганлар,
Парвонанинг доғига жим боқолганлар,
Бир оҳига чоҳдан банди чиқолганлар,
Қамишларни шамол чалса, йиғлолганлар,
Ўзи ёниб, ўзи ўчиб чидолганлар,
Ҳур қиз кетиб пайғамбарни туғолганлар,
Оппоқ тонгни кўзларида соғолганлар,
Ёноғимга, деразамга ёғолганлар,
Билмаганим билдиринг-эй, сўрарим бор
Кўнглим кўрмоқ истаганни кўрарим бор.

Қай асрда оқ суягим топса кулол,
Токчасига олиб қўйса, қилмай увол,
Бир бағриқон қўлга олса, келмай малол,
Ғуборимни, ҳасратимни артиб рўмол,
Кўҳна най деб чалар бўлса, вайрону лол:
Мени ёқиб ўчирмасдан кетган шамол,
Ё офтобнинг назаридан топган камол,
Ё ёмғирнинг пардасидан бериб жамол,
Ё эснаган юракларда ўлган савол –
– Тилларига шеърдай такрор келарим бор,
Банди руҳга таскин бериб турарим бор.
Манзилим – йўл, йўлим – ҳижрон, борарим бор,
Айтарим бор, тиларим бор, сўрарим бор.

*Дўл – тегирмоннинг дон солинадиган бўғзи.

Facebookdan olindi. Ochish/sharhlash

2021-01-29 09:44:11 Majburiy bloklar uchun Ona tili fanidan yangi guruhga qabul boshlandi.

Darslar o'quvchilarning imkoniyatlaridan kelib chiqib haftada 2 yoki 3 kun olib boriladi.

0 dan boshlab mavzular mukammal tushuntiriladi va 15/15 natija kafolatlanadi.
Darslar tartibi:
1. Og'zaki-savol javob;
2. Testlarning yechimi tahlili;
3. Yangi mavzu bayoni;
4. Mashqlar tahlili.

Murojaat uchun:
+998979179575
@samginqurbonov
@ungalovlar

Manzil: Samarqand shahri, Rudakiy ko'chasi, Ungalovlar o'quv markazi. Ochish/sharhlash

2021-01-26 16:35:54 Ona tili va adabiyot hamda matematika fanlaridan milliy test tizimi

Ma’lumki, 2020-yil 12-oktabrda Vazirlar Mahkamasining “Umumta’lim fanlarini bilish darajasini baholashning milliy test tizimini joriy etish to‘g‘risida”gi 646-son qarori qabul qilingan bo‘lib, unda ona tili va adabiyot hamda matematika fanlaridan bilish darajasini baholashning milliy test tizimi 2020-yil 1-dekabrda joriy etilishi belgilangan.

Shuningdek mazkur qarorda:

test sinovlarini tashkil etish Davlat test markazi tomonidan amalga oshirilishi.

test topshiriqlari esa Xalq ta’limi vazirligi va Ta’lim sifatini nazorat qilish inspeksiyasi tomonidan ishlab chiqilishi ko‘rsatilgan.

Shu maqsadda 2020-yil 1-dekabrdan 31-dekabrga qadar ona tili va adabiyot hamda matematika fanlari bo‘yicha test sinovlarida ishtirok etish istagini bildirgan talabgorlar Davlat test markazi tomonidan onlayn ro‘yxatga olindi.

Hozirda Xalq ta’limi vazirligi va Ta’lim sifatini nazorat qilish inspeksiyasi tomonidan test topshiriqlari shakllantirilmoqda.

Test topshiriqlari shakllantirilib, Davlat test markaziga taqdim etilgandan so‘ng, test sinovlarini o‘tkazish muddatlari belgilanadi va talabgorlarning shaxsiy kabinetida e’lon qilinadi.

Davlat test markazining rasmiy sahifalari:
Telegram | Facebook | Instagram | YouTube Ochish/sharhlash