O‘ZBEKISTON PREZIDENTINING OLIY MAJLISGA MUROJAATNOMASINING ASOSIY YO‘NALISHLARI BMT BOSH ASSAMBLEYASINING RASMIY HUJJATI SIFATIDA TARQATILDI
Prezident Shavkat Mirziyoyevning Oliy Majlisga Murojaatnomasining asosiy yo‘nalishlari Birlashgan Millatlar Tashkilotining barcha rasmiy tillarida – arab, xitoy, ingliz, fransuz, rus va ispan tillarida chop etildi hamda Tashkilot Bosh Assambleyasi 75-sessiyasining rasmiy hujjati sifatida tarqatildi.
Hujjatda O‘zbekiston rahbariyatining mamlakatni ijtimoiy-iqtisodiy rivojlantirish va aholi farovonligini oshirish bo‘yicha tizimli chora-tadbirlari, respublikamizda iqtisodiyotning barcha tarmoqlarida amalga oshirilayotgan tub islohotlar va yaqin istiqboldagi dolzarb vazifalar o‘z ifodasini topgan.