Asadbek Bobojonov sahifasi

2022-07-29 19:52:55 Ўқитувчилар учун мактабларда ягона мажбурий форма мавжуд эмас

Айни дамда ижтимоий тармоқлар орқали тарқалаётган, Тошкент шаҳар ҳокимининг тегишли қарори асосида пойтахт мактабларининг ўқитувчиларига мактаб формаси олиш учун маълум миқдорда маблағ ажратилганлиги хусусидаги хабар кенг муҳокамаларга сабаб бўлмоқда. Шунингдек, мазкур масала юзасидан кўплаб оммавий ахборот воситалари ва юртдошларимиздан мактаб ўқитувчиларига мажбурий форма жорий қилинганлигига оид мурожаат ва саволлар келиб тушмоқда.

Ушбу саволларга жавобан юртимиздаги мактаб ўқитувчилари учун мамлакат миқёсида белгиланган ва тасдиқланган ягона мажбурий форма тури мавжуд эмаслигини маълум қиламиз.
Халқ таълими вазирлигининг 2020 йил 28 майдаги “Умумий ўрта таълим муассасасининг ички тартиб ва одоб-ахлоқ қоидаларини тасдиқлаш тўғрисида” 131-сонли буйруғига асосан, тизим ходимларнинг ички тартиб ва одоб-ахлоқ қоидалари белгиланган. Унга кўра, ўқитувчилар мактаб даражасида белгиланган дресс-код талабларига риоя қилишлари зарур.

Айтиш жоизки ўқитувчи жамиятнинг зиёли ва маърифат улашувчи аъзоси сифатида нафақат илми ва ахлоқи, балки кийиниш маданияти билан ҳам ёшларга ўрнак бўлиши мақсадга мувофиқ. Яъни ўқитувчиларнинг ўз касбига хос бўлган кийимда бўлиши, албатта, ўқувчиларда ўз устози шахсияти ва касбига бўлган ҳурматининг янада ошишига сабаб бўлади.

Шу ўринда Тошкент шаҳар ҳокимлигининг пул ажратганлигига изоҳ сифатида Халқ таълими вазирлиги пойтахт мактаблари ўқитувчиларнинг ижтимоий ҳимояси йўлидаги мазкур ташаббусини қўллаб-қувватлашини ҳамда бу ғамхўрликдан миннатдорлигини билдириб ўтади. Бошқа ҳудуд ҳокимларини ҳам ўқитувчиларни қўллаб-қувватлашда фаолликка чақириб қолади. – Халқ таълими вазирлиги

@uzasadbek Ochish/sharhlash

2022-07-29 18:20:04 Rossiya va Xitoy chegarasi. Ko‘lning biri qismi ruslarning Blagoveshensk hududi, narigi qismi XItoyning Xeyxe tumani.

Yuqoridagi surat 1969-yilda olingan. Pastki qismdagi surat 2016 yilda olingan.

@historic_uz Ochish/sharhlash

2022-07-29 17:18:43 Эълон: Жорий йилнинг 30 июль куни соат 11.00 да Ахборот ва оммавий коммуникациялар агентлигида 30 июль – Халқлар дўстлиги кунига бағишланган матбуот анжумани ташкил этилади. Тадбирда «30 июль – халқлар дўстлиги куни» муносабати билан ташкил қилинаётган «Дўстлик» фестивали доирасидаги барча тадбирлар хусусида маълумот берилади.

Барча журналистларни анжуманга таклиф этамиз.

@uzasadbek Ochish/sharhlash

2022-07-28 18:35:44 Фарғонада қарийб 300 минг АҚШ долларини Қирғизистонга ноқонуний олиб чиқилишига чек қўйилди

Давлат хавфсизлик хизматининг Фарғона вилояти бўйича Бошқармаси ходимлари томонидан ўтказилган тезкор-қидирув тадбирлари натижасида жуда кўп миқдордаги хорижий валютани ноқонуний равишда қўшни давлатга олиб чиқилишининг олди олинди.

Хусусан, Фарғона туманида яшовчи, 1985 й.т. Т.Ж. Қўқон шаҳрида ҳозирда шахсига аниқлик киритилаётган фуқародан 152 минг 663 АҚШ долларини олиб, Қирғизистон Республикасига ўтказиш мақсадида, Фарғона туманида яшовчи, 1977 й.т., муқаддам судланган Р.Р.га етказиб бериш учун кетаётган вақтида ДХХ ходимлари томонидан қўлга олинди.
Шунингдек, ўзбек-қирғиз давлат чегарасига яқин бўлган Фарғона туманининг Миндон қишлоғида кутиб турган Р.Р. ҳам ушланди.

Бошқа бир ҳолатда эса Фарғона туманида яшовчи, 1992 й.т. М.Ш. Фарғона шаҳрида фуқаро А.Т.дан 140 минг 54 АҚШ долларини олиб, Қирғизистон Республикасида истиқомат қилувчи шахсга етказиб бериш мақсадида “Фарғона-Водил” йўналишида давлат чегараси томон ҳаракатланаётган вақтида тўхтатиб қолинди.
Шунингдек, тезкор тадбир давом эттирилиб, А.Т. ҳам қўлга олинди.

Ҳозирда ҳар икки ҳолат юзасидан ДХХ Фарғона вилояти бўйича Бошқармаси тергов бўлими томонидан жиноят ишлари қўзғатилиб, тергов ҳаракатлари олиб борилмоқда. Ochish/sharhlash

2022-07-28 13:00:19 АҚШ сенати қўмитаси Американинг Ўзбекистондаги янги элчиси лавозимига Жонатан Ҳеник номзодини тасдиқлади. Амалдаги элчи Розенблюм эса Қозоғистонда ўз фаолиятини давом эттиради. Ochish/sharhlash

2022-07-26 21:02:29 Ўзбекистон Республикаси Президентининг фармони билан Комил Исмоилович Алламжонов Ўзбекистон Республикаси Президенти Администрацияси раҳбарининг ўринбосари лавозимига тайинланди. Ochish/sharhlash

2022-07-26 16:50:35 Япония ривожининг оддий сирлари

1. Японияда бошланғич синфларга токи олтинчи синфгача "Ахлоқ томон йўл" дастури остида дарс ўтишар экан. Бунда ўқувчилар фақат ахлоқ ва кишилар билан муомалани ўрганишар экан.

2. Биринчи синфдан учинчи синфгача имтиҳон бўлмас экан. Чунки бу вақтда мақсад тарбия қилиш, тушунчаларни ундириш ва шахсиятни шакллантириш бўлар экан.

3. Японлар бой бўлишига қарамасдан уларда хизматкорлар йўқ экан. Уй ва болалардан ота-она масъул экан.

4. Япон ўқувчилари устозлари билан бирга хар куни 25 дақиқа мактабни тозалаш билан шуғулланишар экан. Бу уларни тозаликка ҳарис бўлиб, камтарин бўлиб ўсишларига ёрдам берар экан.

5. Япон ўқувчилари мактабга ўзлари билан зарарсизлантирилган тиш чўткасини олиб боришар экан. Овқатдан сўнг тишларини ювишар экан. Улар ёшликдан саломатликларига эътиборли бўлишга кўниктирилар экан.

6. Мактаб мудирлари ўқувчилардан ярим соат олдин овқатланишар экан. Бу билан овқат болаларга зарар берадими йўқми, шуни аниқлаб беришар экан. Улар ўқувчиларни Япония келажаги деб билишар, уларни ҳимоя қилиш лозим деб эътиқод қилишар экан.

7. Японияда фаррошларни "саломатлик муҳандислари" дейишар экан. Улар 5000 дан 8000 долларгача маош олишар экан. Уларни ишга олишдан олдин ёзма ва оғзаки имтиҳондан ўтказишар экан.

8. Японияда поезднинг кечикиш ўлчами йилида 7 сония экан. Улар учун вақт жуда қийматли экан. Сония ва дақиқаларга ўта диққатли экан улар. Ochish/sharhlash

2022-07-24 05:55:49 Bugun jumhuriyatimiz Prezidenti Shavkat Mirziyoyev tavallud topgan kun. Janob Prezident, bugungi murakkab davrda O'zbekiston manfaatlarini himoya qilish, tinchlikni ta'minlash yo'lidagi tinimsiz mehnatlaringizni xalqimiz ko'rib turibdi. Sizga mustahkam sog‘lik tilaymiz. Tug'ilgan kuningiz muborak bo'lsin. Xalqimiz siz bilan

@uzasadbek Ochish/sharhlash

2022-07-23 08:43:19 Cув қувурлари орқали вабо тарқалиши мумкинлиги тўғрисидаги гап-сўзларга ишонмаслик керак – «Ўзсувтаъминот».

«Ўзсувтаъминот» АЖ ахборот хизмати:
Шу кунларда аҳоли орасида ичимлик суви қувурлари ва жўмраклар орқали вабо касаллиги тарқалиши мумкинлиги тўғрисида миш-мишлар мутлақо асоссиз.
Фуқаролардан бу каби ёлғон хабарларга ишонмасликларини ва жўмраклардан сув ичмаслик тўғрисидаги чақириқларга қулоқ солмасликларини сўраб қоламиз.
Ичимлик суви сифати республикамиздаги 79 та лаборатория томонидан куну тун ҳар томонлама назорат қилиниб, сув тармоқлари ёки жўмраклар орқали бирон-бир касаллик тарқалишига йўл қўйилмайди.
Улар томонидан ҳар ойда турли таҳлиллар учун ўртача 17 200 та намуна олинади.
Ичимлик сувини аҳолига етказиб беришдан олдин сув суюқ хлор, натрий гипохлорит, кальций гипохлорит каби хлорли реагентлар билан зарарсизлантирилади. https://t.me/uzsuv/6496 Ochish/sharhlash

2022-07-22 16:18:12 Ўзбекистон "Тинчликсеварлик глобал индекси"да юқорилади

Global Peace Index 2022 рейтингида Ўзбекистон 7 поғонага юқорилаб, 163 давлат орасида 86-ўринни эгаллади. Ҳисоботга кўра, Ўзбекистон "Россия ва Евроосиё" гуруҳида энг катта яхшиланишни кўрсатди – 1,5 фоиз.

Қўшни мамлакатлар орасида Қозоғистон 97-ўринда (-29), Қирғизистон 91-ўринда (-21), Тожикистон 92-ўринда (+6), Туркманистон 104-ўринда (+5) жойлашган.

Энг тинчликсевар давлатлар деб Исландия, Янги Зеландия ва Ирландия топилди. Индекси энг паст бўлиб турган мамлакатлар: Афғонистон, Яман, Сурия, Россия ва Жанубий Судан. Манба: https://t.me/nigoh_01/2769 Ochish/sharhlash