2022-12-25 11:04:22
ОНAНИ
Ўнгингизда омад сира кулмаса,
Тушингизда излаб юринг Онани,
Чин ўғилман,десангиз,ҳеч бўлмаса
Бир кунда бир эслаб туринг Онани!
Сиз йўқсиз,байрамларни кутмаган у,
Aламдан бошқа таъмни ютмаган у,
Сизни бирон лаҳза унутмаган у,
Бир кунда бир эслаб туринг Онани!
Дунё учун не савдога кирдим,деб,
Кимларнинг ортидан зор югурдим,деб,
Хизматидан нега юз ўгирдим,деб,
Бир кунда бир эслаб туринг Онани!
Эслаганда кўзингизга ёш келсин,
Дард туфайли қўйнингизга тош келсин,
Пойига тенг бўлиб ётар бош келсин,
Бир кунда бир эслаб туринг Онани!
Етгайсиз ўшанда тилаганингизга,
Жонингиздан-да кўп керагингизга,
Шифо бўлар аниқ юрагингизга-
Бир кунда бир эслаб туринг ОНAНИ!
Хайрулла Ҳамидов
4 views08:04