2021-02-11 07:08:48
Уретра (сийдик йўли) буккал пластикаси
Уретра (сийдик йўли) пластикаси
Уретра (сийдик йўли) пластикаси (уретропластика) – бу сийдик каналида сийдик йўли ўтказувчанлиги, унинг анатомик тузилишини тиклаш ва функционал холатини тиклашга қаратилган реконструктив операциялар гурухига айтилади. Хиругик техника беморг холати, торайиш сохаси катталиги, асоратлар намоён бўлиши ва хамрох касалликларга мослаб танланади.
Уретра буккал пластикаси бу сийдик йўли яъни уретрани оператив жаррохлик йўли билан пластика қилиш усули. Бунда оғиз лунж шиллиқ қавати пластика учун қўлланилади ва сийдик йўлига кўчириб ўтказилади.
Баъзи касалликлар,жарохатланиш, мувафаққиятсиз операциялар туфайли сийдик йўли деформацияланиши мумкин. Натижада сийдик йўлида торайиш пайдо бўлади ва у сийдик оқишини қийинлаштиради.
Агар торайган соха 2 смдан катта бўлса ва бу соха ярим юмалоқ шаклга эга бўлса бу холатда букал пластика қилиш керак бўлади.
Нима учун айнан оғиз шиллиқ қаватини олинади ? Сабаби нима ?
Лунж шиллиқ қавати уретра яъни сийдик йўлига кўчириб ўтказиб битиб кетишига энг мос келадиган тўқима. Чунки лунжи шиллиқ қават:
⁃ Шиллиқ қавати сийдик йўли каби тузилишдаги эпителийга эга
⁃ Инфекцияларга чидамли
⁃ Лунж шиллиқ қавати нисбатан олишга осон ва содда
⁃ Қолаверса оғиз шиллиқ қавати мустахкам ва турли босимларни кўтара олади
Қолгани уролог махоратига боғлиқ. Оғиз шиллиқ қавати парчаси турли усуллар билан трансплантация қилинади. Қандай усул қўлланилиши холатга боғлиқ бўлади
Лунжни сўрилиб кетадиган чок билан тикилади. Тез битиб кетади ва бемалол ўз вазифасини ўтайди.
Бу ерда зарур ва ахамиятли холат шуки, оғиз шиллиқ қаватидан парча олиш ва жарохатланган сийдик йўлида оператив йўл очишни бир вақтнинг ўзида қилиш керак. Сабаби шундай қилинганда трансплантат бўлган оғизнинг шиллиқ қавтига инфекция тушиб қолиши хавфи пасаяди.
Операция бир ва кўп этапли бўлади. Одатда оптик уретротомия ва анастомозли жаррохлик бир босқичли бўлади. Трансплантат қўллаш билан ўтказиладига операция кўпинча 2 босқичда ўтказилади
Нима учун операция зарур ?
Сийдик йўли нормал ўтказувчанлиги бузилиши нафақат беморда хаёт сифатини пасайишига олиб келади. Яна у сурункали инфекциялар, қовуқ иши бузилиши ва кейинчалик буйрак фаолиятига таъсир қилади. Торайган ва чандиқланган сохага препаратлар юбориш ёки буж тиқиш усули етарлича самарали усул эмас. Қолаверса чандиқланиш кучайиши натижасида пластика операцияси самарасини пасайтириб юборади
Сийдик йўлларининг узун бўлмаган торайишида оптик уретротомия самарадорлиги 30%. Уретропластика бемор инсонларнинг аксарисида муаммони тўла хал қилади ва самарси бор ягона усул хисобланади.
Тайёргарлик ва диагностика
Операциягача текширишлар:
• Уролог Андролог кўриги
• Уретрография
• Стандарт қон ва сийдик тахлили
• Урофлоуметрия
• УЗИ
• ЭКГ
• Кўкрак қафаси рентгенографияси
Текширув сийдик йўлидаги шикастланиш сохасини аниқ жойини ва даражасини билшга қаратилган. Олинган натижаларга қараб айнан қандай операция лозимлиги хал қилинади
Операция турлари
• Оптик (лазер) уретротомияси
Сийдик йўли торайиши 1 смгача бўлса қўлланилади. Сийдик йўлига торайган сохгачи эндоскоп киритилади. Лазер ёки “совуқ пичоқ” ёрдамида торайган соха кесиади. Лазер қўлланилганда бир вақтнинг ўзида чандиқ тўқима майдалаб буғлатиб олиб ташланади .
• Анастомик уретропластика шикастланган соха катта бўлмаса, 2 смгача бўлса ёки канал тўла тўсилиб қолган холларда, қўлланилади. Сийдик каналига катетер киритиб торайган соха кесилади. Канал бутунлиги тикланади. Анастомоз хосил қилинади – сийдик йўли шикастланмаган учлари тикиб қўйилади.
• Аугментацион, яъни ўрин босувчи пластика турли катталикдаги шикастланиш ва торайишларни даволашда қўлланилади. Лунж шиллиқ қавати қўлланади. Лунж шиллиқ қавати билан сийдик йўли шиллиқ қавати алмаштирилиб тиклаб чиқилади.
3.2K viewsㅤㅤㅤㅤㅤㅤ, 04:08