2022-10-25 16:53:32
Психоген бепуштлик нима?
Бу аёл организмида органик ва/ёки фунционал бузилишлар бўлмаса ҳам аёлнинг ҳомиладор бўла олмаслиги.
Аёлларда бепуштлик ривожланишида психологик омиллар муҳим рол ўйнайди - стресс, хавотир ҳисси, эмоционал таранглик, турли хил қўрқувлар репродуктив тизимнинг фаолиятига салбий таъсир қилади.
Психоген бепуштликнинг асосий сабаблари:
Тезроқ она бўлиш истагиАёлнинг имкон қадар тезроқ она бўлиш истаги, аёл она ва турмуш ўртоқ сифатида оилада тезроқ ўз ўрнини топишни истайди. Аёл эри, унинг оиласи, жамият томонидан рад этилишдан қўрқади ва бу ўз навбатида психологик ва гормонал бузилишларга олиб келади.
Фарзандни дунёга келтириш ва она бўлиш қўрқувиАгар аёл болалигида муваффақиятсиз ҳомиладорлик ҳолатларини кўрган ва эшитган бўлса, шунингдек, агар аёлнинг ўзи ҳомила тушиши, абортлар, туғиш пайтидаги жароҳатлар, болани йўқотиш каби стресс ҳолатларга дуч келган бўлса, унда аёл учун фарзандни дунёга келтириш ўлим билан баробар ҳолат деб тушунилади ва шу сабабли унинг танаси бундай оғриқли тажрибани такрорлашдан қочади.
Она - Қиз можаросиАгар аёлнинг болалигида онаси билан муносабатлари салбий бўлган бўлса, у ўзини кераксиздек ҳис қилган ёки айбдорман деб ҳисоблаган бўлса, унда аёлда она бўлишдан қўрқиш ҳисси ривожланади, у оналик ролини худди онаси каби эплай олмайман деб ўйлайди.
Турмуш ўртоғи билан юзага келадиган зиддиятларПсихоген бепуштликнинг асосий сабабларидан бири бу эр-хотин ўртасидаги кескин муносабатлар. Агар улар ўртасида умумий қизиқишлар бўлмаса, аёл эрига ишонмаса, унинг қўллаб-қувватлашини ҳис қилмаса ва ундан ранжиган бўлса.
Яна бир муҳим сабаб болани яхши келажак билан таъминлай олмаслик қўрқуви; эр-хотиннинг молиявий ҳолати, яъни эр-хотиннинг на ўз ҳудуди, на имкониятлари бўлмаса, оила қариндошларига моддий жиҳатдан қарам бўлиб, болани боқишга қодир бўлмаса.
Сиз аввал ҳаётингизни бир маромга тушириб олишингиз, сўнгра фарзандли бўлишни режалаштиришингиз керак.
259 viewsedited 13:53